በንግግራቸውም ወቅት አውስትራሊያውያን አገልግሎታቸውን ከግምት ውስጥ አስገብተው እሳቸውን ለጠቅላይ ሚኒስትርነት፤ ፓርቲያቸውን ለመንግሥትነት ስላበቋቸው በሕይወታቸው የተጎናፀፉት ትላቅ ክብር መሆኑን በመግለፅ ምስጋናቸውን አቅርበዋል፤ ይበልጡን ታትረው እንደሚሠሩም ቃል ገብተዋል።
አቶ አልባኒዚ ለሁለተኛ ጊዜ ለጠቅላይ ሚኒስትርነት ከመብቃታቸውም በላይ ፓርቲያቸው እስከ 87 የምክር ቤት ወንበሮችን በማሸነፍ የአብላጫ መንግሥት እንደሚመሠርቱ የምርጫ ውጤቶች እያመለከቱ ነው።
አቶ አልባኒዚ ድል መነሳታቸውን አምነው የተቀበሉትን ተሰናባቹን የተቃዋሚ ቡድን መሪ ብርቱ ፍልሚያ የተካሔደበትን የ2025 ሀገር አቀፍ ምርጫ በመልካም ቃላት ማጠናቀቃቸውን አንስተው አመስግነዋቸዋል።
አቶ ዳተን "በእዚህ ምርጫ በመልካም አልተወጣንም፤ ለእዚያም ዛሬ ምሽት ሙሉ ኃላፊነቱን እወስዳለሁ። ቀደም ሲል ጠቅላይ ሚኒስትሩ ዘንድ ስለ ዛሬ ምሽቱ ስኬታማነታቸው እንኳን ደስ አለዎት ለማለት ደውያለሁ። ለሌበር ታሪካዊ ወቅት ነው፤ ለእዚያም ዕውቅናችንን እንቸራለን" ብለዋል።
Australian Liberal Party leader Peter Dutton, third left, stands with his family as he makes his concession speech following the general election in Brisbane. Source: AP / Pat Hoelscher/AP
The 2025 election saw Labor's Ali France secure a win in Dickson, against outgoing Opposition leader Peter Dutton. Credit: AAP / Jono Searle
