አሽ ባቲ ካሮሊና ፕሊሽኮቫን በሶስት ዙር ግጥሚያ 6-3 6-7 6-3 በመርታት ለ41 ዓመታት አውስትራሊያ አጥታ የነበረውን የቴኒስ ድል አስመዝግባለች።
የኩዊንስላንዷ ነባር ዜጎች የንጋሪጎዋ ሴት የልጅነት አርአያዋ ሌላዋ የነባር ዜጎች ሴት ኢቮን ጉላጎንግ በ1980 ለአውስትራሊያ ድል ካስገኘች በኋላ የአስውትራሊያ ሴቶች ቴኒስ የመጀመሪያዋ አሸናፊ ሆናለች። 
Ashleigh Barty of Australia hits a forehand against Karolina Pliskova of the Czech Republic in the final of the ladies singles Championships - Wimbledon 2021. Source: Getty
በሌላም በኩል በግብረ አካል ጉዳተኞች የወንዶች ቴኒስ ዲለን አልኮት በዚህ ዓመት ሶስተኛው የሆነውን የዊምብልደን ግራንድ ስላም አሸናፊ ሆኗል።
የሜልበርኑ የግብረ አካል ጉዳተኞች ቴኒስ ኮከብ ለድል የበቃው ዋነኛ ተቀናቃኙን ሳም ሽዶደርን 6-2 6-2 በሆነ ውጤት በመርታት ነው።
ቫይረስ ኒው ሳውዝ ዌይልስ
Australia's Dylan Alcott kisses the winner's trophy after winning the match in the final of the Quad Wheelchair Singles on the 12th day of the 2021 Wimbledon. Source: Getty
ኒው ሳውዝ ዌይልስ ባለፉት 24 ሰዓታት 77 ነዋሪዎቿ በኮሮናቫይረስ መጠቃታቸውንና አንዲት የ90 ዓመት ኣረጋዊት ሕይወት ማለፉን በዛሬው ዕለት አስታወቀች።
ኒው ሳዝ ዌይልስ የቫይረሱን መስፋፋት ለመከላከል የኮሮናቫይረስ ገደቦች ከጣለች ሁለተኛ ሳምንቷን አስቆጥራ ወደ ሶስተኛ ሳምንት ተሸጋግራለች።
ፒሪሚየር ግላዲስ በርጂክሊያን ነገ ሰኞ በቫይረሱ የተጠቁት ሰዎች ቁጥር ምናልባትም ከ100 በላይ እንደሚያሻቅብ አመላክተዋል።
በአሁኑ ወቅት 15 ፅኑ ህሙማንን፣ አምስት የመተንፈሻ መሣሪያ ተገጥሞላቸው ያሉትን ጨምሮ 52 ሰዎች የሆስፒታል ሕክምና በማግኘት ላይ ናቸው።
