出道超過二十年的盧巧音，近期在香港完成了《時間綫 II》演唱會，帶著微恙上台，卻依然以輕鬆真摯的姿態感動全場。她說，這是自己氣氛最輕鬆的一次演出。「以往成日唱啲比較悲情嘅歌，今次我反而想唱啲開心啲、正面啲嘅歌，觀眾反應好好，自己都特別開心。」
舊歌新感受：唱的是記憶，也是成長
談及演唱會上印象最深的一首歌，她提到〈自戀影院〉。這首歌過去對她來說有些難度，但這次她認真練習，終於克服當中的技術與情感關卡。「陳輝陽都有嚟，我都希望唱返呢隻歌，送返一份回憶俾佢。」
讓 Candy 驚喜的是，不少現場觀眾竟是年輕樂迷。她笑言，可能因為老公 Sammy 樂隊圈子，讓年輕人間接接觸到她的作品。「但我最驚訝係有啲後生仔係因為媽媽，或者屋企人影響而聽我啲歌，仲會自己搵番嚟聽。呢樣嘢真係俾咗我一個好大嘅動力。」
情緒低谷「曾經想過放棄，但天唔俾我走」
Candy 也毫不避諱分享自己曾經歷過情緒病。當年正值事業高峰，她卻陷入人生低谷。「我試過有一刻係覺得，算啦……但個天冇畀我走住，咁就唯有繼續行落去。」
走過黑暗，如今的她學懂與情緒和平共處。「而家我知道，照顧自己係一件好事。如果我唔顧自己，身邊人會好擔心。」作為過來人，她也鼓勵大家要勇於開口。「哪怕未解決問題都好，搵人傾計、講出嚟，會好好多。」
Credit: Candy Lo
跑步療癒：50歲生日跑50公里
對抗情緒困擾的路上，她找到了跑步。從最初連五分鐘都跑唔到，到今日參加馬拉松，她笑言當初其實「最憎跑步」。「但醫生話可以試吓運動代替食藥，咁我就揀咗跑步。點知就愛上咗！」
她透露，今年9月將與丈夫一同參加柏林馬拉松，比賽前還要先完成澳洲演唱會的排練。「雖然好辛苦，但我覺得幾幸福，因為我哋有一班朋友可以一齊跑。」
愛情與生活：完美人生其實好簡單
與丈夫 Sammy 結婚 12 年，Candy 說：「冇咩特別秘訣，只係知道有啲嘢唔應該講，就千萬唔好講。鬧交都唔係壞事，只要唔太過火，其實都係一種溝通方式。」
在社交平台上，她常分享洗露台、切水果的日常，不少粉絲大讚「治癒系」。她笑說：「其實而家呢種生活係幾奢侈——可以喺屋企工作，買餸、煮飯、跑步，其實都好幸福。」
成熟以後：對20歲自己說一句
當被問到，如果可以對 20 歲的自己說一句話，她說：「唔好鎖死自己嘅目標，唔好太執著。試多啲，搵到啱嘅，就好好去實踐，因為時間唔會等人。」
再訪澳洲：期待親身見歌迷
去年她曾與 Kolor 一同來澳洲演出，今年將再度踏足澳洲舞台。「觀眾好熱情，好似飢渴咁，我自己都覺得好感動。」她期待這次的演唱會親身見到歌迷，大家都能以放鬆的心情來聽歌。
想知道更多 Candy 今天的「完美生活」，立即收聽今集的《光影會客室》。
Credit: Candy Lo
SBS 中文堅守，以繁體中文及簡體中文提供公平、公正、準確的新聞報道及時事資訊。SBS 廣東話及 SBS 普通話均已為大眾服務超過 40 年。歡迎在每天早上 9 至 11 時透過收聽廣東話節目及在每天早上 7 至 9 時收聽普通話節目，或透過收聽直播、節目重溫及其他語音內容。
