Raan Akook Jim Charmers aye luel cït wëu ye juäk wëu nhiim aye gam lɔn bïk keek bɛn tem ke tekic Pendhiëc yic ku yen ŋɔ̈ɔ̈th lɔn bi yen rot looi keya kën yic diäk ee ruön këne yic. Wik yen ke jäl akut Reserve Bank pan Australia ake ci puol ke rɛ̈ɛ̈l 41 ee buɔtic kaam tɛ̈m ye kek tem ketueŋ ee run kaadhiec yic.
Akutnhom Opposition acï dhul ciën keden ke ka luel ka bïk looi bi kek kɔc luui akutnhom tekic tim 41,000 tɛ leer keek kuany cuɛt bi kɔc cuɛ̈t ee Pendhiëc yic.
Kɔc adooc pan Australia bi cuɛt te leer ɔc cuɛ̈t Pendhiëc yic aye keek thïec bïk wëlken cɔɔk piny ku gɛlke rot piny. Cuɛt ee kë ye dhiɛ̈l looi pan Australia tɛn kɔɔc adööc pɛ̈nken leŋ ruön 18 ɣet tuëŋ.
Mucmuc nhiäl ŋuɔ̈t Israeli looi rot baai alɔŋ Gaza aa ŋuɔt latueŋ ku bɛny Israel Benjiman Netanyahu ke guir rot bi lɔ pan America bi yïk kek Donald Trump bi ŋuɔ̈t lɔ thiëëc kuɔ̈ny keek.
Pan South Sudan aci akuma America caal lɔn nada ka bi kɔɔc pan South Sudan ci yiëk Visa America dhuok ciën erin ke ye luel lɔn ci pan South Sudan gääu ke ye yeen laac gam bi kɔɔc dhuok nhiim cien laac ya dhuk ku aye South Sudan luel këne aci yic ku acïn yiiny rɛɛl thin.
