ન્યૂ સાઉથ વેલ્સના આરોગ્ય વિભાગના જણાવ્યા પ્રમાણે, સિડની હાર્બર ખાતે ક્રૂઝમાં યોજાયેલી પાર્ટીમાં 5 લોકોને કોવિડ નિદાન થયું છે. તેમાંથી 2 લોકોને ઓમીક્રોન પ્રકારનો ચેપ હોવાની શક્યતા છે. અધિકારીઓ હવે તેમાં હાજરી આપનારા 140 લોકોનો સંપર્ક કરી રહ્યા છે.
વિશ્વ આરોગ્ય સંસ્થાએ જણાવ્યું છે કે ઓમીક્રોન પ્રકારનો ચેપ અગાઉ નોંધાયેલા કોવિડ-19ના પ્રકાર કરતાં વધુ ભયજનક ન હોવાની માહિતી પ્રાપ્ત થઇ રહી છે પરંતુ તેની સામે સાવધાની રાખવી જરૂરી છે.
ઓસ્ટ્રેલિયામાં રસી માટેની ટોચની સંસ્થા ATAGI દ્વારા 5થી 11 વર્ષની ઉંમરના બાળકો માટે ફાઇઝરની કોવિડ-19 પ્રતિરોધક રસીને આ અઠવાડિયાના અંત સુધીમાં અંતિમ મંજૂરી મળી જાય તેવી શક્યતા છે. એક વખત મંજૂરી મળ્યા બાદ, આ વય જૂથના બાળકો આગામી વર્ષે ફરીથી શાળામાં જાય તે અગાઉ તેમને રસી ઉપલબ્ધ કરાવવાનું આયોજન છે.
કોવિડ-19ના આંકડા:
વિક્ટોરીયામાં 1312 કેસ તથા 5 મૃત્યુ નોંધાયા છે.
ન્યૂ સાઉથ વેલ્સમાં 403 કેસ તથા એક મૃત્યુ નોંધાયું છે.
ક્વિન્સલેન્ડ અને નોધર્ન ટેરીટરીમાં 2 કેસ તથા ઓસ્ટ્રેલિયન કેપીટલ ટેરીટરીમાં 8 કેસ નોંધાયા છે.
રાજ્યોમાં લાગૂ ક્વોરન્ટાઇન તથા નિયંત્રણો
મુસાફરી
નાણાકિય સહાયતા
રાજ્યમાં રસીકરણનો આંક 70 તથા 80 ટકા થાય ત્યારે કોવિડ-19 ડિઝાસ્ટર પેમેન્ટની ચૂકવણીમાં ફેરફાર કરાશે.
