Ramchung ah rian a lawng mi a tam nain zungthiam riantuantu minung an tlawm deuh caah ramdang mi nih cu rian a lawng mi pawl cu ramdang mi nih hmunhma la kho hna seh ti an duh.
Cucaah, Australia ramkulh le ramthen kip nih ramchung rak luhnak cu zungthiammi caah fawi deuh seh tiin viza soknak caah tahfung an chiahmi cu dorh deuh an si.
State sponsorship cu zeidah asi?
Mipem tam deuh cu rianngeitu nih Australia ah riantuan dingin an auh hna i hi ka ah khua an sa. Cu ve bantuk in ramkulh le ramthen cozah zong nih zungthiam riantuantu auhnak an tuah khawh i State Nominated Migration Program ti a si. Zungthiammi auhnak viza cu mi tam deuh caah a sok fawi deuh seh an ti i tahfung an chiahmi cheukhat cu thlen an si.
Rianngeitu nih zungthiammi an auh tik hna ah kum 45 nak no an si a herh. Cun ramkulh chungah hi rian thengte na tuan a hau tiin ri khiahpiakmi zeihmanh a um lo caah nangmah tein na tuan hnga ding rian na kawl a hau lai.
Prime Minister Anthony Albanese at the Jobs and Skills Summit at Parliament House in Canberra, where the focus on its final day will be migration, and tackling labour shortages.
Hmunhma pa zeizah dah a lawng?
Department of Home Affairs nih ramdang zungthiam riantuantu auhnak visa cu tukum caah hmunhma 50,000 tluk a lawng tiin thawng an thanh. Zungthiam mi caah rian a lawngmi a tam cemnak hmun cu New South Wales ramkulh a si.
Ramkulh cheukhat cu zungthiam riantuantu auhnak hmunhma an tin mi a tlawm deuh caah hmunhma tam deuh hmuh ve nak ding caah fak ngai in an zuam. Ramkomh cozah nih WA ramkulh caah zungthiam mi auhnak ding hmunhma cu a voihlannak tam deuh, a lethnih in an chap hna. Tukum cu zungthiam mi auhnak viza caah hmunhma 8140 tluk pek an si.
Zei bantuk zungthiamnak ngeih a herh?
Viza a sok tu ding caah hlawhtlin fawi deuh seh an ti caah WA le ramkulh dang nih tahfung an chiahmi cu an dorh deuh cun rian zong an chap fawn.
Ivanna Cheng cu Melbourne hrambunh a si mi Southern Cross visa le Migration Service ah rian a tuan lio mi a si. Ramdang zungthiam mi nih an tuan khawh dingmi rian phun tam pi Victoria cozah nih a tawlrel chap tiin Cheng nih a chim.
WA Premier Mark McGowan. Source: AAP / TREVOR COLLENS
WA hi rianthiammi auhnak viza caah hmunhma a tam biknak hmun pakhat a tel ve. Viza 190 caah hmunhma 5,350 tluk a lawng cun khuate lei riantuannak viza caah hmunhma 2,790 a lawng.
Viza soknak he pehtlaiin thlennak zei maw zat kan tuahmi a um tiin McGowan nih a chim. Viza soknak man $200 kha hloh chung a si rih lai. Rian peknak caan ri khiahmi cu thla 12 in thla 6 ah thumh a si.
Holh lei siseh cun rian lei he pehtlaiin tahfung an chiahmi cheukhat zong holh le thlen chung an si.
Victoria
Kum 2022 in 2023 kar zungthiam mi auhnak caah hmunhma a tam a lawnnak hmun cu Victoria hi a si. Viza 190 caah hmunhma a lawng mi hi 9000 tluk a si i, Khuate lei riantuannak viza caah hmunhma a lawngmi 2400, cun chaw lehthalnak viza caah hmunhma a lawng mi 170.
Queensland
Tukum cu 190 viza soknak caah hmunhma tam deuh chap a si. 190 viza caah hmunhma 3000 chiah a si I khuate lei riantuannak caah hmun hma 1200 chiah a si ve.
Ramkulh chung rian a lawng mi a tam ngai, riantuantu minung an phatzo lo caah ramkomh cozah sin ah nawlnak an tuah I rianthiammi auhnak caah hmunhma tam deuh chap a si. Cun, viza soknak he pehtlaiin tahfung an chiahmi pawl zong dorh deuh an si.
Adelaide is considered a regional area under Australia's skilled migration program. Source: Getty / Ryan Pierse
Northern Territory cu ramkulh nih zungthiam mi rian peknak kongah thil an kalpi ning ramkulh dang he a khat lo. Viza na sokmi hlawng a tlin tikah a tlawm cem kum 3 chung NT ah rian na tuan a hau.
Zungthiam mi nih an I tlaihmi viza na sok tikah na hngalh a hau mi cu cozah nih rian cazin a khumh cia cang mi rian lengin riandang na tuan kho lo.
New South Wales
Ramleng zungthiam riantuantu tam cem a tu ding cu NSW ramkulh an si. Tukum chungah zungthiam mi auhnak viza caah hmunhma 12,000 leng cozah nih an tawlrel.
Zei bantuk rian pawl dah tuan khawh ding an si lai ti mi cu a rauh hlan ah kan rak thanh lai, NSW migration website ah rian pawl cu kan rak tar te lai tiin chimphuannak nawl a ngeitu nih a chim.
Australian Capital Territory
ACT cozah nih ramleng zungthiam riantuantu caah rian 420 nak tam an tawlrel cang.
Viza 190 caah hmunhma 800 tluk a um, cun khuate lei rian tuannak viza caah 1920 tluk a um rih.
