Zawlpalulh (Aussie Rules-Footy)
Australian rules football cu I a luancia 1850 kum hrawngah khan Victoria ramkulh ah lentecelh hram rak thokmi a si. Pumpalulh bantuk nawn I celh a si nain a nih cu arti bantuk in a zawlmi a si. Zawlpalulh in auh khawh a si tinak.
Nihin ah cun zawlpalulh (Aussie Rules) cu Australia chung mi nuai 1.25m leng nih an I celhmi a hun si cang. Nu zong nih an I celh I nu caah siseh, pa rual caah tin zuamnak zong tuah a si. Australia ram chungah tha an pek bikmi le an zoh cemmi lentecelhnak a si.
Australian Football International rak dirh a si I Australia ramchung miphun kip le ramdang mi hna nih Zawlpalulh an I celh ve khawh nak ding lam a sialtu dingah rak dirhmi a si.
AFI nih a tinhmi cu miphun kip le a mikip lentecelhnak ah an thanchonak ding bawmh ding hi a si I mi zei poah an I tel kho tiin an hruaitu lutlai bik Clark nih a chim.
Khua zei na rat a biapi lo, a hopoah hi lentecelhnak ah an i tel kho ko.
Hi lentecelhnak ah hin zulh ding mi phung a um len ve, I I celh zong a nuam a ruang cu zalong tein I celh khawh a si tiin Clark nih a chim.
Pumpalulh bantuk dengmang zongin I celh a si, rugby bantuk zong in I celh khawh a si cun basketball bantuk zongin na celh khawh, na duh ah cun na tlik pah in zawpalulh khah vawlei ah na tengh pah khawh.
“Zawlpalulh na sin a phak tikah, na tuah khawh dingmi a tampi: na tlik pi khawh, na chuih khawh, na kut in midang na chanh khawh hna silole na tengh khawh. Na duhnak hmun poah ah na kal kho, na kut zong na hman khawh, kawl bawmh ngaingai an um lo, mi zei poah kawl bawh an si kho.”
A rak pemka mi caah hmak an relning hi lung a tuai ngai mi a si, hmak an relning fian an I harh ngai tiin a chim.
“ Kawl tung tungli a um, a lai ah a ummi a tung a sang deuhmi pahnih kar ah zawlpalulh a luh ah cun hmak 6 a si. Tunglai le tung niam deuh a sir lei ah a ummi pahnih kar ah a luh ah cun hmak 1 a si.”
“ hmak relning kongah na lung an tuai ngai kho men nain cu nih cun lentecelhnak phundang te a sinak a langhtertu a si.”
Footy is played by over 1.25 million people across the country Source: Getty Images/Cameron Spencer
Pumpalulh (Soccer)
Australia ram ah an I celh ngaimi cu pumpalulh hi a si ve.
Ramkulh kip le sang le ve kip ah a phu tete in an um I zarhte ni le zarhpi ni caan ah zuamnak a um theo.
Bela Blazevic cu pumpalulh chuih thiam pakhat a si I, Sydney United 58 Footbal Club ah chungtel pakhat a si.
Hi bantuk zuamnak ah chuih le I tel ve hi a lentecelh sawhsawh lawng a rak si lo, miphun kip I cawh in lente I celh ti le I hawikomhnak kan ngeih mi nih thatnak tampi a chuahpi tiin Bela nih a chim.
Kum no hngakchia le upa ti loin an mah le kum rup cio caah program kan ser. Cu ah cun nu le pa cheukhat cu coach hna an tuan I dai-lu-ci hna an tuan tawn tiah Bela nih a chim.
Soccer clubs often organise events to pat tribute to the connection to ethnic background of their members Source: Getty Images/Halie West/EyeEm
