- Ramkomh cozah nih raikhamsii a voihnihnak i chunh dih hnu in raikhamsii a thawntertu i chunh caan cu thla li in i dang dingin hngah caan an thlen.
- A ralai dingmi Jan thla nili in raikhamsii a thawntertu sii i chunh khawh nak ding hngah caan cu thla 4 ah thumh a si i, cun Jan 31 hnu in thla thum ah thumh than a si lai.
- Nikhat ah zawtnak a chawn mi milu an tlawmtam hi a biapi bikmi a si lo tiin Paul Kelly nih raikhamsii a thawntertu i chunh cio dingin forhfialnak a chim pah a chim chih.
- Jan 27 tiang NSW ramkulh mi cu inn chungah hmaihuh an i hruk a hau lai. Pumpak inn le lo siloin dawr chung, a dangdang inn chung kip ah i hruk a si lai. Cun, Ei din dawr, khual riahnak inn ti bantuk hmun pawl ah mileng le khual pawl a milu rikhiah in cohlan an si lai, QR code - check in hi Dec 27 in Jan 27 kar chung mi zei poah nih tuah dih a si lai.
- Cawn nili ni in Victoria ramkulh le Western Australia ramkulh hna ah hmaihuh i hruknak kongah zulhphung an nunter than. Zapi thutdirnak inn chung kip le nightclubs hna ah hmaihuh hruk an hau lai. Hi zulhphung hi Dec 28 tiang a nung dingmi a si.
COVID-19 In A Zaw Mi:
NSW Ramkulhmi 5,612 nih pulrai zawtnak an i chawn, cun mi pakhat a nunnak a liam.
Victoria ramkulhmi 2,0945 nih pulrai an i chawn ve, cun a nunnak a liam mi pariat an si.
Queensland ramkulh mi 589 nih zawtnak an i chawn, ACT ramkulh mi 102 le Tasmania ramkulh mi 27 zong nih zawtnak an i chawn ve.
