- NSW rammi kum 16 cung raikhamsii tling tein a chun cang mi hi zatuak 47.5% an si.
- Shepparton ah an tuahmi philhkharhnak cu tuzaan tim in ngol a si cang lai
- ACT cu rammi zatuak 75% nih an voikhatnak raikhamsii an i chun kho cang
- Queensland ramkulh ah pulrai an hmuh chap ti lo
New South Wales
Tuchun ah zawtnak 1,259 an hmu, cun pulrai in a nunnak a liam mi hi 12 an si.
Sydney nitlak lei ah khua a sa mi pawl cu a ran nak in raikhamsii an i chunh zokzok ve dingin ramkulh hruaitu nih a forhfial hna.
Tuzaan zaantim 12 hnu in khuachung sangveng 12 hna ah zaan lengchuah ngah lo timi zulhphung hloh a si cang lai. Cozah nih phihkharnak hun than ning an langhter mi ah hmuh khawh mi cu, ramkulh chung ummi chungin zatuak 70% nih tlamtling tein raikhamsii an i chunh ah cun phihkharnak ngol dingin timhtuah a si.
Victoria
Zawtnak 423 tluk ramkulh chungah hmuh a si cun pulrai ruangah a nunnak a liam mi 2 an um.
Tuzaan in Ballarat khua cu phikharnak thok a si lai i ni sarih chung Melbourne a nungmi zulhphung an zul ve lai. Nain, zaan leng chuah a ngah lo timi zulhphung bel an zulh a hau lai lo. Shepparton ah an tuah mi phihkharnak cu zawtnak ni thum a peh in hmuh a si ti lo caah tuzaan in dihter a si cang lai.
Victoria ramkulh chung khuate a pal mi tlanglawng cu pehzulh in dinhter chung a si rih ko lai a ruang cu riantuantu chungin zawtnak a ngei mi an um pah len rih. Tlunkalnak dingah mawtaw an hman rih a hau lai.
Australian Capital Territory
Ramthen chungah zawtnak 13 hmuh chap a si i cuchungah pariat cu naihniam a chawn chin mi an si.
Kum 12 cung raikhamsii a voikhatnak a chun cang mi hi zatuak 75% tuchun in an tling cang tiin vuancicho Andrew Barr nih a chim.
Suimilam 24 chung i Australia ram ah thil cangmi
Northern Territory chung pulrai runvenning a dot 3nak tangah an langhter mi cu fawi deuh in zawtnak a chawn kho dingmi riantuantu poahpoah nih raikhamsii an i chunh dih hrim a herh.
Erhkhumhnak, Khualtawnnak, Zawtnak cheknak hmun le Pulrai puanchuah ruangah pekmi bawmhnak
Erhkhumhnak le zawtnak i cheknak pawl hna cu ramkulh cozah nih an mah le dirhmun hoih in an tawlrel:
Ramleng khualtlawn na duh a si ahcun, ramleng chuah nak nawl na hal ta hmasa hna a hau lai. Ramleng chuah khawhnak nawl peknak caah tahfung an chiahmi pawl .
Ramkulh le ramthen hna nih an mah le dirhmun hoih in zulhphun an ser cio: , , , , , ,
Ramkulh kip ah zawtnak i cheknak hmun pawl:
Ramkulh le Ramthen nih an mah le dirhmun hoih in COVID-19 Bawmhnak an pekmi kong:
