- NSW ramkulh chung khuate cheukhat, Orange, Cabonne le Blayney khua pawl ah a voikhatnak phihkharnak tuah a si.
- Victoria ramkulh chungah pulrai zawtnak a chawn thar mi an dihlak 22 an si.
- NSW le VIC ah a ummi pawl chungin zawtnak a chek mi a tam kho taktak
- South Australia ramkulh chungah pulrai a chawn thar mi pakhat a um, ramkulh chungah pulrai in a zaw mi minung 6 an tling cang.
New South Wales
NSW ramkulh chung pulrai a chawntharmi an dihlak ah 110 an si, i cuchungah minung 43 hi mah naihniam chungin zawtnak a chawnmi an si. Rianngeitu hna nih an riantuantu hna rianhmun ah hramhram in rian an tuanter hna ahcun, $10,000 dantat an si lai.
July 17 hnu in Orange, Cabonne le Blayney khuate ah a ummi pawl hna cu leng chuak lo dingin nawl chuah an si. Zawtnak i chek a duhmi hna caah zawtnak cheknak hmun tawlrel piak an si.
Ramkulh chung phihkharnak cu July 30th zaantim 11:59 tiang peh than a si lai. Khoika ah dah zawtnak pawl hmuh an si ti mi .
Victoria
Victoria ramkulh chungah pulrai a chawntharmi 22 an um, an dihlak tein atu lio zawtnak a hran biknak ah zawtnak a chawn mi lawngte an si. Ramkulh chung pulrai in a thlop cuahmah mi hi an dihlak ah 118 an si.
Victoria ramkulhmi, NSW le ACT ah khua a sa chungmi pawl hna cu Melbourne ah kir kho rih loin zarhhnih chung khenkham an si.
Atutan ramkulh chung phihkharnak an tuah mi cu July 27 tiang pehthan a si.
Aluancia suimilam 24 chungah thil a cangmi
- South Australia ramkulh chungah zawtnak i cheknak hmun 82 a um, cun zawtnak a hran biknak hmun 52 a um.
- Thaizing in cun South Australia ramkulhmi aho tak hmanh Queensland ramkulh ah an lut kho lai lo. Queensland ramkulh minung a si mi lawng an umnak ah an kir kho.
- South Australia ramkulhmi Western Australia ramkulh ah an tlawn a si ahcun, ni 14 chung ehkhumhnak ah an um a hau lai.
Erhkhumhnak, Khualtawnnak, Zawtnak cheknak hmun le Pulrai puanchuah ruangah pekmi bawmhnak
Erhkhumhnak le zawtnak i cheknak pawl hna cu ramkulh cozah nih an mah le dirhmun hoih in an tawlrel:
Ramleng khualtlawn na duh a si ahcun, ramleng chuah nak nawl na hal ta hmasa hna a hau lai. Ramleng chuah khawhnak nawl peknak caah tahfung an chiahmi pawl .
Ramkulh le ramthen hna nih an mah le dirhmun hoih in zulhphun an ser cio: , , , , , ,
Ramkulh kip ah zawtnak i cheknak hmun pawl:
Ramkulh le Ramthen nih an mah le dirhmun hoih in COVID-19 Bawmhnak an pekmi kong:
