Hngalh Awk Thil Biapi
- Australia ram mi soknak dingah tlinh a haumi tahfung a um
- Caminpuai phit tikah a tlawmcem zaa chungah zatuak 75% hmuh a hau.
- COVID-19 ruangah atu lio cu Online hmangin Rammi sinak pekchanhnak tuah a si.
Ram chungah um lannak nawlpeknak
Australia rammi sinak sok khawh nak ding caah umlannak nawlpekmi le hngalhpi mipem sinak ngeih a hau.
Ruby Fowdar cu Brisbane ah pemluhnak lei riantuannak ah riantuantu pakhat a si.
Mipem mi chungin umlannak nawl peknak ahmu cangmi chungin kum li Australia ah a um cang mi a si lai i cun mipem mi chungin umlannak nawlpek a si cang ahcun Australia kum 1 ah hnu ah Rammi sinak sok khawhnak nawl a hmuh lai tiah a chim.
Fowdar nih a peh than rih mi cu viza dangdang in Australia na phak I tahchunhnak ah ramleng siangakchia viza silole ramleng riantuantu viza na tlaih a si ahcun umlannak viza ah pom le cohlan piak a si lo.
Rammi Sinak Hneksaknak Caminpuai
Source: Wendell Teodoro/Getty Images
Rammi sinak a sokmi poah nih caminpuai phit tikah teinak an hmuh hrimhrim a hau. Cu nih a langhtermi cu rammi sinak he pehtlaiin an hngalh awk hnga a simi an tuanvo le an tinvo an hngalh a langhter.
Caminpuai chungah bialnak phun 20 a um i a hman mi aphi kawl a si i cucu online hmangin phit a si.
Department of Home Affairs I riantuantu pakhat Damien Kilner nih caminpuai cu nazi cheu tluk hrawngah lim khawh mi a si tiah a chim.
Caminpuai phit tikah zatuak 75% cung hmuh lawng ah awnnak hmuh a si.
Caminpuai na sungh a si ah cun, na sungh ni ah khan phit than khawh a si a man a um lo. Asilole ni dang zongah phit than dingin na chimh khawh hna.
Australian Citizenship Source: WILLIAM WEST/AFP via Getty Images
Rammi sinak na sokmi cohlan na si caah conghlawmhnak ah na rat hrimhrim a hau i Rammi Sinak Biakamnak zong na tuah a hau.
Conglawmhnak tuahnak hmun rat dingah sawmnak an in tuahnak ding caah thla 3 hrawng a rau kho. Rammi sinak a sokmi nih thla 12 chungah rammi sinak conglawmh pekchannak le biakamnak tuah a si.
Atulio zawtnak a puan lioah hin cun conglawmh le rammi sinak pekchanhnak cu online hmangin tuah a si.
Source: Getty Images/PeopleImages
Rammi sinak pek na si hnu le biakamnak tuah hnu in cun Australia ram i a chuak mi he na covo le na tuanvo cu a khat cang.
Cu chungah a telmi cu cawmtu ngeilo ngaktah na cawm khawh hna, thimfung na thla kho, Australian Passport na tlaih kho, sianghleirun na cacawnnak man zong pekcaan na thawn khawh cun thil dangdang zong a tampi.
Australia rammi sinak ah na tuanvo a tel mi cu ram dirkamh runven dingin auh na si cun na kal hau, rampi thimfung thlak caan le ruahnak lunglaknak caah thimfung tlak a hau caan zongah thimfung na thlak hrimhrim a hau i cun biaceihzungah mi sual le sual lo biacheihtu phu ah tel dingin sawm tikah let kho lo.
