Key Points
- RBA nih tangka karh a zat cu zatuak 4.10 ah a senh.
- Inn leiba a ngei mi kha bank nih tangka karh tam deuh in a hal khawh hna.
Reserve bank of Australia (RBA) nih tangka karh a zat a hun kaih than. Tangka karh a zat cu zatuak 4.10 ah RBA nih a kaih tikah mortgage inn leiba a ngei mi caah thil poi ngai a si. Inn man tam deuh in a cham a hau cang lai.
Tuchun, cawn nihnih ni ah RBA hruaitu hna tonnak an ngei. Tangka man cu zatuak 0.25 kaih deuh dingin biakhiahnak an tuah caah tangka karh a zat cu zatuak 3.85 in 4.10 ah a kai.
Source: SBS / Ken Macleod
RBA nih 2023 March thla tiang tang man an langhter ning ah cun inflation (tangka man a tum mi) hi zatuak 7 a phan.
Inflation hi zatuak 2 silole 3 kar si dingin RBA nih an I ruahchan mi a si.
“Inflation a san tuk ahcun mipi an harsa cun chawlehthalnak zong a rawk. Tangka khonmi zong hmual a ngei lo, chungkhar tangka lutchuak zong hnursuan, rampi sipuazi zong a hrawh” tiin Dr Lowe nih a langhter.
2022 April thla ah khan Australia’s official interest rate, tangka karh a zat cu zatuak 0.1 lawng a rak si nain inflation a san tuk lo nak hnga le thil man a kai tuk lo nak ding caah tangka karh a zat a kai lengmang caah tangka karh a sang ngaingai cang.
Australian Treasurer Jim Chalmers says the latest gas inquiry report from the competition watchdog highlights some "alarming" features of the east coast gas market. Source: AAP / LUKAS COCH/AAPIMAGE
Inn leiba (mortgage) he a um mi hna caah interest rate a kai mi hi a poi ngai ko, an har sa ngaingai lai tiin tangka kengtu Jim Chalmers nih a chim.
“Australia ram mi hna nih interest rate kaih than siseh tiin biakhiahnak an tuah mi cungah an lung a tling kho hrim lai lo ti ka zumh” tiah a chim chap.
Interest rate kong hi cu Reserve bank of Australia nih biakhiahnak a tuah mi a si. Cozah lei he pehtlaihnak a ngei lo. Cucaah, “tuah khawh mi zeihmanh ka ngei lo tiin” tangka kengtu nih RBA nih biakiahnak an tuah mi cungah lehnak a tuah.
