Temporary Graduate 485 Visa cu zeidah a si?
Ramleng sianghngakchia chungin Australia sianghleirun sianginn pakhatkhat in cawnnak a dih cangmi hna nih Australia ram ah caantawi umnak caah an sok khawhmi viza a si. Ramleng sianghngakchia pawl cawnnak an dih hnu ah an ram ah kir colh loin Australia ah rian tuan a duhmi hna nih an sok khawh mi viza a si.
- Ramleng sianghngakchia chungin khuate ah sianginn a kaimi silile khuate ah khua a sami nih voihnih tiang 485 viza an sok kho.
- Melbourne, Sydney le Brisbane khua pawl dah tilo cu khuate ah ruah le pom dih an si.
- 2020 February hnu in Ramleng sianghnakchia nih an mah le an umnak ram hmun cio in Australia ah riantuan khawhnak viza an sok khawh.
Viza 485 hi a ho nih dah a sok khawh?
Australia ram ah ramleng sianghngakchia chungin Bachelor, master silole doctoral cacawnnak a dih cangmi pawl nih cawnnak dih hnu riantuan khawhnak viza an sok khawh. An cawnmi an dih deuh hlan thla 6 a duh ah an I sok cia a haumi a si.
Sianghnakchia chungin bachelor silole master cawnnak a dihmi cu kum hnih tiang um khawhnak viza an hmu kho. Asinain, a cheukhat cu sau deuh zong an um kho nain an cawmi ca ah a hngatchan.
“A lengin Master an dih ah cun, kum thum tluk sau umnak nawl pek an si lai. Cun, sianghngakchia nih Australia ram ah PhD a dih ah cun 485 visa a sok tikah kum li tluk Australia um khawh nak pek a si lai” tiah Alice Wang nih a chim.
Australia khuate ah a ummi sianghngakchia pawl cu caan sau deuh um nak nawl pek an si.
Source: Getty Images/visualspace
Department of Home Affairs nih ramleng sianghngakchia he pehtlaiin thlennak an tuahmi a um. Ramleng sianghngakchia bachelor le master cawnca a cawngmi chungin khuate ah a ummi pawl cu Australia ah kum 4 tiang um khawh nak nawl pek an si lai.
Cu lawng siloin, ramleng sianghngakchia nih voihnih tiang sok khawh. Asinain, Australia khuate ah ummi sianghleirun sianginn ah cawnnak a dihmi le khuate ah khua a sa mi a si mi pawl nih an sok khawh.
Source: Getty Images/ Solstock
Regional Australia cu zei dah a si?
Australia ram chung ah Melbourne, Sydney le Brisbane dah ti lo cu khuate ah pom le ruah an si.
485 Viza soknak ding he pehtlaiin khuate hi phunhnih in then a si. Khuate phunkhatnak cu ‘regional centres’ tiah auh a si I khuate phunhnihnak cu ‘regional areas’ tiin au a si.
Adelaide, Perth le Canberra te pawl hna cu regional centre tiah auh an si I ramleng sianghngachia chungin cu ka hmun ah sianginn a kai mi pawl cu kumkhat a hlei in umnak nawl pek an si I khuate regional area ah a ummi hna cu a hlei in kum 2 chap an si tiah Alice Wang nih a chim.
Source: Getty Images/swissmediavision
Perth le Adelaide khuapi hna cu regional centre ah ruah an si. Cun Wollongong, Newcastle, Geelong, Hobart, Canberra le adang khua pawl zong ruah thiamthiam an si ve.
485 Viza hi lam dang zongin sok khawh thiam a si, asinain Tahfung chiahmi belte a phun dang deuh. Viza 485 a soktu nih a tuanmi rian cu cozah leiin an chiahmi tangfung a tlinh a hau. A viza cu cohlan le pom a si hlan ah rian hneksaknak an tuahmi zong a awn a hau.
