Ramkomh cozah thimnak cu atu in thla linak ah tuah than a si cang laic aah ramkhel phu pawl zong biatak tein an cawlcang, thimfung tampi an hmu khawh nak ding caah fak piin rian an tuan cuahmah.
Kum thum dan voikhat in thimnak hi tuah lengmang a si tikah, cozah a tlaitu ramkhel phu nih an ngeihmi rian tuan caan hi a tawi ngaingai te tinak a si.
Ramkhel phu pakhat nih cozah rian an tlaih caan hi ram khat le ramkhat an I khat cio lo. United States le Germany ram cozah an I hruaining kan zoh tikah kum li dan voikhat in thimnak an tuah, nain Australia ah cun kum 3 dan voikhat in thimnak kan tuah.
Zei ruangah dah kum thum dan voikhat in thimnak kan tuah?
Australia ram hruainak ding caah Australia cozah cu 1901 ah an rak dirh.
Atu i Australia tiah kan auhmi ram a rak um hlan ah amah tein a rak i uk mi ramkulh an rak um I an i hruaining zohthannak kum 3 dan voikhat in an rak tuah. Ramkulh pawl kha an i fonh i ram pakhat (Australia) an ser. Ramkulh cozah rian tuannak he a kalh lonak ding caah kum thum dan in thimnak tuah siseh tiin hnatlaknak an rak ser.
Zei ruangah dah kum thum dan voikhat in thimnak kan tuah?
Australia ram hruainak ding caah Australia cozah cu 1901 ah an rak dirh.
Atu i Australia tiah kan auhmi ram a rak um hlan ah amah tein a rak i uk mi ramkulh an rak um I an i hruaining zohthannak kum 3 dan voikhat in an rak tuah. Ramkulh pawl kha an i fonh i ram pakhat (Australia) an ser. Ramkulh cozah rian tuannak he a kalh lonak ding caah kum thum dan in thimnak tuah siseh tiin hnatlaknak an rak ser.
Ramkulh kip cozah thar thimnak an tuah caan bel cu kum li dan voikhat tuah dingin an thlen nain, ramkomh cozah thim caan bel cu an thleng nolh ti lo.
Ram hruaitu (Prime Minister) nih zei caan dah ram a hruai khawh?
Ram hruaitu cu cozah a tling mi ramkhel phu i an hruaitu kha an si caah cozah an tlaih chung poah ram an mah nih an hruai khawh tinak a si. Kum 3 dan in thim fung thlak a si tikah kum 3 chung cozah an si chung hruaitu an si lai nain thimnak ah an sungh silole hruaitu an I thlen sual ahcun phundang. Prime Minister caah kum le caan rikhiah piak mi cu a um lo.
Australia ram hruaitu vialte lakah caan sau bik hruaitu rian a tuan mi cu Sir Robert Menzies a si. Kum 18 chung hruaitu rian a tuan, 1939 – 1941 tiang cun 1949 in 1966 tiang a tuan than.
Ramkulh aiawhtu (Senate) rian tuan caan
Ramkulh aiawhtu (senator) hi an rian tuan caan a sau cem, kum 6 nak tam an tuan kho.
Senator cu ramkulh aiawhtu an si i House of representatives’ cu pengkulh aiawhtu an si. An min zohnak hrimhrim hin an I dannak theih khawh a si.
Zapi caah rian a tuanmi an si veve ko nain an aiawh mi milu a tlawmtam a thlau tuk. Senator nih cun ramkulh chungah khua a sa mi an dihlak in a aiawh hna.
Mipi aiawhnak ding caah, mipi caah rian tuan caan kum 6nak tam pek an si.
Ram dang cozah an I hruaining
Cozah nih tha tein a hruaimi ram 180 leng an um, kum 5 dan in cozah thimnak a tuah mi hi a cheu tluk an si, cun za tuak 40% tluk hi kum 4 dan in cozah thar thimnak a tuah mi an si tiin Australia cozah website nih a langhter.
Kum thum dan in thimnak a tuahmi ram hi ram 6 lawng an um, cuchungah Australia, El Salvador le New Zealand zong an I tel ve.
Cozah rian tuan caan sauh deuh ding silole tawiter deuh ding a duhmi an um ma?
Atu lio Ram hruaitu Anthony Albanese le kamkhat lei cozah hruaitu Peter Dutton nih kum thum chung Australia cozah rian tuan caan cu kum li ah thlen dingin an dirpi.
Sihmanhsehlaw, thimfung thlatu hna nih ruahnak cheuhnak kongah lunghrinhnak an ngei, March Newspoll nih mipi ruahnak a langhter cu 51% nih an dirpi i 37% nih an duh lo.
Cozah rian tuan caan sauh deuh dingin hnatlak a si ahcun, referendum thim fung thlak a hau lai, ramkulh 6 chungah 4 nih an lung a tlin a hau lai, cu pinah Australia ram mi tam deuh nih an dirpi a hau fawn lai.
