Nod yog 6 nqe lus tshiab yuav muaj kev pauv hloov yog tias tsoom hwv pawg nom tsim cai pom ozo nrog tsoom hwv tsim tsab cai tshiab los tswj cov hauj lwm neeg tsiv teb tsaws chaw tshiab:
- Txhua txhua tus neeg mus xeem ua pej xeem Australia yuav tsum tau mus xeem kom tau ntawv Askiv (English) tib leeg tsis muaj leej twg pab uas nws yuav tau xeem cov kev nyeem ntawv, sau ntawv, mloog cov lus nug thiab tham los yog hais lus Askiv.
- Txhua tus neeg xav thov xeem ua pej xeem Australia yuav tsum nyob ruaj ua permanent residents hauv tebchaws Australia no yam tsawg li 4 lub xyoo tsis yog ib xyoo li tam sim no lawm.
- Nom tswv yuav kho cov lus nug xeem ua pej xeem Australia kom txheeb tau tias seb cov neeg xav ras los ua pej xeem Australia puas totaub thiab puas kub siab tiag yuav los nrog coj thiab ua raws Australia tej cai coj taug thiab paub zoo txog lawv lub luag hauj lwm tam li yog ib tug pej xeem Australia.
- Cov neeg xeem ua pej xeem ntawd yuav tsum qhia tau tias lawv yeej kub siab ua hauj lwm thiab xav ua lub neej thiab nrog txhim teb kho lub tebchaws Australia no thiab mus ua hauj lwm pab tej neeg zejzog los yog koom tej koom haum zejzog thiab coj lawv tej me nyuam mus teev zwm npe kawm ntaub kawm ntawv.
- Yog tus neeg thov xeem ua pej xeem Australia xeem poob 3 zaug lawm ces yuav tsum tau tos 2 xyoos mam muaj cai rov qab mus xeem tau. Tam sim no ces tsis tau tos li thiab muaj cai mus xeem pes tsawg zaus los tau kom txog rau thaum nws xeem tau.
- Yog leej twg ua tsis ncaj thaum mus xeem ua pej xeem Australia ces xam tias yog nws xeem tsis tau thiab poob kiag tam sim ntawd lawm xwb.
Cov kev tau ras los ua pej xeem muaj 7 nqe tseem ceeb uas pej xeem Australia yuav tau txais txiaj ntsim thiab tau txais kev pab cuam los ntawm tsoom hwv Australia. Tab sis tseem tau lwm yam nrog thiab xws li:
- Cov neeg uas tuaj nyob ruaj (permanent resident) hauv Australia no lso yog pej xeem Australia tej me nyuam yug tau los ces yeej raug lees paub tias yog pej xeem Australia lawm.
- Yog ib tug ntawm nkawm niam txiv ntawd yog pej xeem Australia lawm thiab ho mus yug me nyuam nyob txawv tebchaws ces yeej muaj cai teev zwm nkawv tus me nyuam ntawm raws " by descent". Thiab tus me nyuam no yeej muaj cai tib yam li cov yug hauv tebchaws Australia.
- Cov neeg yuav neeg Australia ua txwj nkawm yuav tsum yog cov neeg nyob ruaj permanent resident ua ntej mam muaj cai mus xeem ua pej xeem Australia thiab tsis txhob ncaim Australia mus nyob txawv tebchaws ntev dua 1 xyoo. Yuav tsum xeem kom tau los ua pej xeem Australia. Thiab yuav tsum yog ib tug neeg tsis raug plaub ntug txhaum cai dab tsi.
Yog koj xav tau xov xwm ntxiv mus saib tau ntxiv ntawm
Tab sis 7 yam txiaj ntsim yuav tau txais yog tias koj yog pej xeem Australia muaj li no:
- Muaj peev xwm tawm mus ncig txawv teb chaws thiab rov qab los rau lub tebchaws no yam tsis muaj teeb meem dab tsi:
An Australian passport pictured in Brisbane, Thursday, July 25, 2013. (AAP Image/Dan Peled) NO ARCHIVING Source: AAP
Cov neeg permanent resident nyob ruaj hauv tebchaws Australia no muaj peev xwm mus nyob rau lawv lub qub tebchaws tau tab sis 5 xyoos twg lawv yuav tsum tau thov cov visa Rov qab los rau tebchaws Australia. Hos yog pej xeem Australia lawm ces nyob ntev npaum li cas los yeej rov qab los tau rau tebchaws Australia no yam tsis muaj teeb meem dab tsi. Yuav mus los thaum twg los tau. Thiab tsis tau ua que tos ntev tseem muaj cov kev taw qhia pab rau lawv li thiab. - Muaj Australia cov nom tswv txawv teb chaws pab cuam thaum mus txawv tebchaws:
Source: dailymail.co.uk
- Thaum koj kho mob hauv cov tsev kho mob, raug mob sab los yog tas sim neej los sis raug lwm tus tsim teeb meem rau.
- Thaum koj raug ntes raug txhom nyob txawv tebchaws thiab kom lawv qhia rau koj tsev neeg paub.
- Pab koj rau lub caij muaj tsov rog, muaj kev kub ntxhov los yog tsov rog pej xeem los sis muaj tej xwm txheej phom sij ntuj tsim txawv tebchaws.
- Pab ua passport tshiab rau koj yog koj ua passport poob los yog pawv ploj nrhiav tsis tau lawm tab sis koj yuav tau them nqe rau phau passport ntawd. Thiab tshwm cov ntawv emergency passport rau koj tau siv.
- Pab nyiaj me ntsi rau koj tau siv thaum ti tes ti tawb kub ntaiv heev ntawd li npaj ntaub ntawv rau koj tawm rov qab los rau Australia.
- Nrhiav kws kho mob, kws lij choj, thiab neeg txhais lus los pab koj.
Tej no ces tsuas yog tej yam me me uas tsoom hwv Australia muaj peev xwm pab tau pej xeem Australia thaum lawv mus txawv tebchaws xwb. Yog xav tau xov xwm ntxawv tshaj no sib txuas lus nrog tau.
3. Koj muaj cai ua tau hauj lwm nrog tsoom hwv tebchaws thiab ua tub rog tau.
Source: Australian Governement
Txawm yog permanent resident xwb los yeej muaj cai ua tau hauj lwm nrog tsoom hwv tab sis yeej muaj ib txhia hauj lwm thiaj pub rau cov pej xeem Australia ua xwb. Yog li pej xeem Australia thiaj muaj cib fim tau ua hauj lwm nrog tsoom hwv Australia. Piv txwv cov hauj lwm pub rau pej xeem Australia ua nkaus xwb li no:
- Tub rog Australia
- Tub ceev xwm teb chaws
- Neeg zov ciam teb Australia
- Ua hauj lwm ntawm lub tuam chav lis laj fai pej kum thiab lagluam (Department of Foreign Affairs and Trade)
4. Muaj cai los sib tw ua tau Australia tus thawj pwm tsav thiab!
Source: SBS
Pej xeem Australia muaj cai los koom Australia tej laj fai kum xeeb ntawm theem nom zejzog mus txog theem tsoom hwv. Saib tau ntxiv ntawm no . thiab nws txoj kev tswj hwm Democracy. Thiab muaj cai sib tw los ua nom los yog xaiv tus nom sawv cev rau yus. Thaum muaj hnoob nyoog 18 xyoo lawm ces yuav tau mus pov ntawv xaiv tsa nom tswv thiab yog ib co hauj lwm txhua tus yuav tsum tau ua. Saib tau xov xwm ntxiv ntawm no .
Tab sis nom tswv yuav tsis pub koj pov ntawv xaiv tsa nom tswv yog tias koj:
- Raug txim kaw tsev laj cuj 3 xyoos los yog tshaj ntawd.
- Yog koj tsis totaub txog qhov tseem ceeb ntawm cov kev pov ntawv xaiv tsa. Yog koj raug txim vim ntxeev siab los yog ua yam phem rau haiv neeg no uas zam tsis tau txim rau koj.
5. Visa free travel to 169 countries:
Source: Pixabay
Raws li tau muaj kev cej luam lawm ces Australia cov passport yog ib cov zoo tshaj plaws ntawm 8 cov hauv ntiaj teb no yog tham txog txoj kev ncig mus los tau ywj pheej lawm. Txij lub 2 hlis ntuj xyoo 2016 mus ces cov neeg muaj Australia cov passport muaj cai mus ncig xyuas cov tebchaws 169 lub yam tsis tas yuav visa los yog mam thov visa thaum mus txog rau lub tebchaws ntawd tau. Txheeb tau ntxiv seb cov tebchaws no yog lub twg tau ntawm no .
6. Muaj cai tau txais nyiaj pab cuam rau fab kev kawm ntaub kawm ntawv:
Source: Dailytelegraph.com.au
Pej xeem Australia cov tub kawm muaj cai qev tau nyiaj siv kawm ntawv thiab tau them cov sob kawm ntawv pheej yig dua. Cov nyiaj no hu ua HECS‑HELP loan scheme.
HECS‑HELP yog tsoom hwv tebchaws (Commomwealth) ib cov nyiaj qev pab rau cov tub kawm muaj cai thov tau coj mus siv them nqe kawm ntawv uas lawv yuav tau them ib txhia, tab sis tsis pub siv mus kawm lwm cov sob kawm txawv los yog yuav ntaub ntauv los kawm.
Yog li Australia cov tsev kawm qib siab thiaj li xv kom yog cov pej xeem Australia los yog cov neeg nyob ruaj thiaj muaj cai thov tau cov nyiaj pab kawm ntawv HECS-HELP siv xwb. Hos yog koj kawm online course txawv tebchaws xwb ces koj tsis muaj cai thov tau cov nyiaj no siv.
7. Pov puag tsis pub xa tawm txawv tebchaws:
Cov neeg permanent resident uas tseem tsis tau yog pej xeem Australia yuav raug xa tawm txawv tebchaws yog tias:
- Lawv raug txim kaw tsev laj cuj tshaj 12 hli.
- Nom tswv pom tau tias lawv yuav tsim teeb meem pheej hmoo rau lub tebchaws Australia txoj kev ruaj ntseg.
- Thiab yog tus neeg uas tsis muaj tus cuj pwm yam ntxwv zoo.
Tab sis pej xeem Australia yuav tsis raug xav tawm txawv tebchaws txawm raug txim hnyav los yog ua txhaum loj npaum li cas.
Koj puas xav tias tsim nyog sau nqe mis nqe hno ntxiv lawm? Vim li cas Maiv Neeb Mouas thiaj sau phau ntawv the bride price rau sawv daws nyeem lub hom phiaj yog dab tsi, thiab nws nrog rau Dr. Gary Lee Yia ho tawm tswv yim li cas txog nqe lus no xwb?
READ MORE
Nqe mis nqe hno
Hmoob thawj tug kws tshawb fawb nrog pej kum haiv cov kws tshawb fawb mus teeb txheeb nram qab ntuj Antarctica:
Thiab mloog tau ntau yam xov xwm ntawm xov tooj cua SBS Radio Hmong Program ntawm:
Digital TV tshooj 38
Downlaod SBS Radio App ntawm Google Play thiab App Store tso rau koj lub smartphone ces mloog tau rau hnub Thursday 6pm thiab Sunday 11am.
Xa messenger tuaj rau SBSHmong facebook los yog 042 999 6263
Hu xov tooj tuaj nrog SBS Radio Hmong Program tham tau ntawm +61 3 9949 2259.
Thiab mloog tau raws li cov Radio freguencies ntawm Australia ccov nroog li hauv qab no tau:
HOBART 105.7FM
MELBOURNE 93.1FM OR 1224 AM
CANBERRA 105.5FM OR 1440 AM
SYDNEY 97.7FM or 1107 AM
BRISBANE 93.3 FM
CAIRNS 90.5 FM
SBS Radio Hmong Program.
