Tej neeg zos uas nyob ntawm sab qab teb hnub tuaj Queensland thiab NSW uas raug teeb meem los ntawm lub khaub zeeg cua chaw sov Alfred dhau los muaj peev xwm thov nyiaj pab cuam yog tias lawv khwv tsis tau nyiaj siv los yog muaj peev xwm thov lwm cov kev pab ntawm tsoom fwv teb chaws Australia thiab tsoom fwv xeev tau.
Thawj pwm tsav Anthony Albanese tau hais rau hnub zwj Hli (Monday) tias tej neeg ua hauj lwm uas muaj cai thov thiab tej neeg ua hauj lwm tib tug neeg uas ua ib yam lagluam dab tsi (Sole traders) uas nyob rau ntawm tej chaw (raug teeb meem los ntawm khaub zeeb cua Alfred) uas khwv tsis tau nyiaj hauj lwm muaj peev xwm mus thov tau nyiaj pab ntev txog li ntawm 13 limtiam raws li cov nyiaj pab kom rov qab ua tau lub neej vim raug tej xwm txheej ntuj tsim kev puas tsuaj (Disaster recovery allowance scheme).
Nws tau hais tias: "Kuv tsab xo xa rau tej zejzog no rau lub caij nyuaj heev no ces yog peb yeej txhawb nqa nej thiab yuav pab nej kom rov qab ua tau lub neej.''
Nws tau hais tias tej neeg yuav muaj peev xwm thov tau tej nyiaj no txij sij hawm 2 teev tav su dua raws sij hawm sab hnub tuaj (2 pm AEDT) hnub zwj Quag (Tuesday) mus.
Albanese tau hais tias tau neeg uas xav paub txog tej kev pab no kuj muaj peev xwm log in rau lawv cov myGov account los yog mus txheeb tau ntawm tsoom fwv teb chaws lub koom haum pab cuam zej tsoom Services Australia lub vas sab tau.
Cov nyiaj pab cuam Disaster Recovery Allowance yog nyiaj dab tsi?
Cov nyiaj no yog tsoom fwv teb chaws ib co nyiaj them pab txog li ntawm 13 limtiam kom tej neeg ua hauj lwm nyob ntawm tej chaw uas raug tej xwm txheej ntuj tsim kev puas tsuaj ntawm tej chtau nyiaj siv.
Tej nyiaj no muaj hom phiaj pab tej neeg ua hauj lwm, tej tswv lagluam me thiab tej neeg ua liaj ua teb uas khwv tsis tau nyiaj vim raug tej xwm txheej puas tsuaj uas ntuj tsim.
Leej twg yog cov neeg muaj cai thov tau siv?
Muaj cov nyiaj no coj los pab rau tej neeg hnoob nyoog 16 xyoo los sis siab tshaj ntawd. Ces yuav them raws li cov nyiaj JobSeeker los yog Youth Allowance rau lub caij 13 limtiam txij li thaum lawv pib khwv tsis tau nyiaj siv.
Txij hnub zwj Hli (Monday) ces tau muaj tej cuab yig thiab tej lagluam tshaj 238,000 lub tsis tau hluav taws xob siv vim lub khaub zeeg cua Alfred tau ua rau muaj ntuj los nag hlob heev thoob plaws rau ntau thaj chaw feem ntau ntawm sab qab teb hnub tuaj Queensland thiab sab qaum teb NSW thaum tseem los rau nruab teb.
Thiaj tau muaj cov kev ceeb toom tias tsam muaj dej nag nyab rau ntau thaj chaw raws tej ntug hiav txwv tom qab tau muaj ntuj los nag hlob thoob sab qab teb hnub tuaj Queensland ib hmo dhau los. Thiab muaj tej kev ceeb toom no rau tej nom tswv zos ntawm Brisbane, Gold Coast, Logan thiab Ipswich.
Nyob sab qaum teb NSW ces yeej tseem muaj ntuj los nag txuas ntxiv, tej kev los kuj raug muab kaw, thiab kuj tau ceeb toom rau tej neeg zos kom tsis txhab tsav tsheb mus kwm los yog mus hla tej chaw raug dej nyab.
Albanese tau hais tias muaj 31 tus nom tswv zos yog cov chaw raug teeb meem ncaj qha los ntawm lub khaub zeeg cua Alfred ntawm 2 lub xeev no.
Thawj pwm tsav Anthony Albanese tau hais tias yuav qhia txog cov kev koom tes sib pab ntawm tsoom fwv xeev thiab tsoom fwv teb chaws sai sai no nrog Queensland tus hau xeev David Crisafulli coj mus pab rau tej neeg raug kev puas tsuaj los ntawm lub khaub zeeg cua Tropical Cyclone Alfred dhau los. Credit: Tertius Pickard/AAP
Muaj tej nyiaj pab cuam dab tsi?
Albanese tau hais tias nws thiab Queensland tus hau xeev David Crisafulli yuav los qhia txog tej nyiaj pab cuam ntawm tsoom fwv teb chaws thiab tsoom fwv xeev sib pab sai sai no.
Tsoom fwv Queenslad los kuj tseem tab tom los tswj tej program pab cuam rau tej neeg ntiag tug uas ntsib kev txom nyem ntawm cov zos Logan, Gold Coast city thiab ntau thaj chaw ntawm Redlands city council.
Tej nyiaj pab no yog pab rau tej neeg zos raug teeb meem uas muaj cai tau txais coj mus them nqe yuav zaub mov noj, rhis tsho hnav thiab yuav tshuaj noj, los yog coj mus yuav tej khoom cuab yeej cuab tam hauv tej tsev uas raug kev puas tsuaj, los yog pab kom rov qab tau siv ntau cov services dua.
Tej nyiaj pab cuam rau tej xwm txheej ti tes ti taw uas ua rau raug kev txom nyem (Emergency hardship assistance grants) no ces yuav tau $180 rau tej neeg ntiag tug ib tug twg thiab yuav tau txog li $900 rau cov tsev neeg uas muaj 5 tug neeg los sis muaj neeg coob tshaj ntawd.
Thiab tej kev pab cuam tseem ceeb pab rau tej neeg raug kev txom nyem (Essential services hardship assistance grant) ces yog pab rau tej kev pab tseem ceeb li hluav taws xob, gas, dej, thiab tej chaw tso dej qias uas yuav them $150 rau tej neeg ntiag tug thiab them $750 rau tej cuab yig uas muaj neeg txog li 5 leeg los yog ntau tshaj ntawd.
Tsis tas li ntawd los kuj yeej tseem muaj lwm cov nyiaj pab cuam li cov Essential Household Contents Grant, Essential Services Safety and Reconnection Scheme thiab cov the Structural Assistance Grant ntxiv thiab.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm , , , los yog . Download thiab mloog , caum Pod follw los yog lwm cov podcasts platforms (, ).
