Key Points
- Nyob Australia no ces tej xeev yeej muaj cai ntau yam los pov puag tej tsiaj txhu
- Cov kev tsis kub siab tu saib xyuas tej tsiaj txhu yog ib co ua kev txhaum cai
- Yog txhaum ces yuav raug rau txim li raug nplua nyiaj thiab raug kaw tsev laj cuj
- Yeej muaj cai pov puag tej tsiaj nruab nrag nyob ntawm lub teb chaws Australia
Kev tu saib xyuas tsiaj txhu yog ib co cai lij choj
Australia yog ib haiv neeg nyiam tej tsiaj txhu heev, thiab yog ib haiv neeg ntawm ntau haiv uas uas muaj neeg yug tsiaj ntau tshaj plaws hauv ntiaj teb no thiab. Tsis tas li ntawd los lub teb chaws no kuj muaj ib cov tshiaj txhu txawv lwm cov thiab.
Australia tej xeev yeej muaj ntau yam cai sib txawv coj los siv tswj tej tsiaj txhu kom tau txais kev noj qab nyob zoo.
Raws li Dr Sarah Zito uas yog ib tug Senior Scientific Officer uas lis cov hauj lwm cuam tshuam txog tej tsiaj uas yog tib neeg tej phooj ywg ntawm lub koom haum Royal Society for the Prevention of Cruelty to Animals los yog lub koom haum uas sawv daws ib txwm paub hu ua RSPCA Australia. Tag nrho tej cai no yeej tau txwv tsis pub ntaus tej tsiaj lub cev thiab tsis pub ua kom tej tsiaj ntshai.
Yeej muaj ntau lub xeev yeej tseem muaj lawv ib co cai coj los siv ntxiv nrog tej cai pov puag tej tsiaj txhu kom tau txais kev noj qab nyob zoo, kom tej tswv tsiaj yuav tsum muaj lub luag hauj lwm los tu saib xyuas tej tsiaj lawv yug.
Dr Zito hais tias “Lub luag hauj lwm tu saib xyuas txhais tau tias tus tswv yuav tsum tau xyuas kom muaj zaub mov, dej thiab chaw nyob tsim nyog rau tej tsiaj thiab xyuas kom tiv thaiv tsis txhob pub muaj teeb meem dab tsi rau tus tsiaj."
Yeej yuav tau tu ib tug tsiaj uas lwm tus coj tuaj rau koj tsev los yog hauv koj lub tsheb tib yam thiab.Dr Sarah Zito, Senior Scientific Officer for companion animals- RSPCA Australia.
Raws cai lawm ces tej tswv tsiaj yuav tsum tau kub siab tiv thaiv thiab coj tej tsiaj mus ntsib kws kho tsiaj raws li qhov tsim nyog.
Yuav tsum xyuas kom tus tsiaj ntawd coj tau cwj pwm yam li yog ib tug tsiaj thiab tu saib xyuas lawv kom haum raws li hom tsiaj ntawd.
Tej neeg saib xyuas ib tug tsiaj twg ces yog cov tswv tswj raug cai, yog ib tug twg uas yog tus tswv los yog tus muaj cai tswj tus tsiaj ntawd, los sis yog lwm tus tswv ntawm ib lub chaw tu tsiaj muag los yog cov tswv tu saib xyuas tej tsiaj.
Cov kev tsis kub siab thiab las mees txog ib tug tsiaj uas peb yuav tau tu saib xyuas ntawd yog ib co kev ua txhaum cai.
Source: Getty / Getty Images/John McKeen
Tej chaw yug me nyuam dev thiab me nyuam miv yog dab tsi?
Tej chaw yug me nyuam dev thiab me nyuam miv yog ib co chaw ua luam uas tej tsiaj nyob thiab yug me nyuam muag kom tau nyiaj.
Yog li tej tsiaj yug coj los saib ua ib co tsiaj zoo nkauj li tej dev uas muaj caj ntswm npub pob taub luv ntawd yog cov muaj teeb meem tsis tau txais kev noj qab nyob zoo ntau yam.
Yeej muaj neeg coob heev xav tias yeej txwv tsis pub muaj tej chaw tu tsiaj muag li no ntawm teb chaws Australia, tab sis tej neeg yug yeej muaj cai thov tau ntaub ntawv tso cai los yug tau thiab.
Laura Weyman-Jones uas yog tus kis ntawm lub koom haum People for the Ethical Treatment of Animals () Australia hais tias, ''Muaj qee lub xeev ces yeej txwv tias pub tu cov tsiaj coob npaum li cas yug me nyuam ntawm ib qhov chaw twg xwb.''
“Ces tej zaum Victoria thiaj yuav yog lub xeev tswj tau tej hauj lwm no zoo tam sim no.''
Thiaj yuav zoo dua yog tias koj mus coj tej tsiaj ntawm tej chaw pab cawm tej tsiaj coj los tu. Vim yeej muaj tej tsiaj ntawm tej chaw ntawd uas tau txais kev noj qab haus huv yeej xav mus nrog tej tswv tsev tshiab nyob thiab.
Tej tsiaj ib txwm muaj ntawm lub teb chaws no puas muaj cai?
Raws li Tara Ward uas yog ib tug volunteer Principal Solicitor ua hauj lwm ntawm lub koom haum Animal Defenders Office hais, ces tsoom fwv yeej muaj cai tswj tias peb muaj feem cuam tshuam nrog tej tsiaj qus thiab Australia tej tsiaj ib txwm muaj ntawm lub teb chaws no li cas.
“Tej cai no yog ib co cai coj los siv ntxiv rau tej cai uas twb muaj siv coj los pov puag tej tshiaj txhua txhua yam.”
Yuav yog ib co kev ua txhaum cai yog tias koj cia li ntes los yog ua phem rau ib co tsiaj haiv, tsuas yog tias ntshe koj ho tau ntaub ntawv tso cai ntawm tsoom fwv xwb.Tara Ward, volunteer Principal Solicitor-Animal Defenders Office.
Some endangered species have added protections.
Injured wallaby at a wildlife hospital Source: Getty / James D. Morgan/Getty Images
Koj puas muaj peev xwm coj tej tsiaj ntawm haiv neeg no los yug?
Yeej tsis tso cai rau ib tug twg coj tej tsij ntawm lub teb chaws no los tu ntawm tsev vim yeej tau muaj cov kev pov puag ib co tsiaj uas tej zaum yuav tu noob thiab txhawj tsam lawv tsis tau txais kev noj qab nyob zoo. Vim tej zaum thaum tib neeg los tu lawv ces yuav ua rau lawv nyuaj siab.
Thiaj nyob ntawm seb koj nyob qhov twg xwb, txawm li cas los yog koj xav coj ib tug tsiaj qub ntawm teb chaws no los tu ces koj yuav tsum muaj ntaub ntawv tso cai. Tab sis kuj muaj ib txhia noog thiab tej nab qa ces tsis tas siv ib daim ntaub ntawv tso cai li.
Tej cai feem ntau yeej tso cai rau peb coj tej tsiaj ntawm teb chaws no uas raug mob coj mus rau ib tug kws kho tsiaj los yog ib tug neeg tu saib xyuas tsiaj qus tau.
Muaj cov kev rau txim dab tsi xwb?
Yeej muaj cai sib txawv ntawm ib lub xeev rau ib lub xeev twg teev txog cov kev txhob txwm ua phem rau tej tsiaj los yog txhob txwm tsis kub siab tu saib xyuas tej tsiaj.
Raws li tsab cai Animal Welfare and the Prevention of Cruelty to Animals Acts tau teev tseg lawm, ces yog ua txhaum ces yuav raug txim kaw tsev laj cuj txog 7 lub xyoo.
Yog 'txhob txwm ua phem rau tej tsiaj' ces ib tug neeg ntiag tug twg yuav raug nplua nyiaj tshaj $200,000 hos yog ib lub koom haum twg ua txhaum ces yuav raug nplua nyiaj ntau tshaj $1 million.
Qhia tej xwm txheej lwm tus ua phem rau tej tsiaj
Yog tias koj pom ib tug twg ua phem rau ib tug tsiaj twg li tsis kub siab txog thiab tso tej tsiaj nws nyob nws tsis tu tsis saib xyuas, ces xav kom qhia rau tej nom tswv muaj feem xyuam. Thiab feem ntau ces yog lub koom haum Royal Society for the Prevention of Cruelty to Animals , ntawm ib lub xeev twg.
Thiab lawv yeej yuav tsis qhia rau lwm tus paub tias koj yog tus qhia tej xwm txheej no rau lawv.
Yog tias muaj ib tug tsiaj twg yuav tau txais kev phom sij kiag tam sim ntawd li raug muab kaw rau hauv ib lub tsheb uas kub heev, ces tsim nyog koj hu rau tub ceev xwm.
Hu rau lub koom haum Wildlife Rescue tus xov tooj 1300 596 457 qhia txog tej tsiaj muaj mob, raug mob los yog tsiaj ntsuag nos tau 24 teev.
Lub koom haum yeej tau khaws ib cov lists txog tej cai tswj kom tej tsiaj tau txais kev noj qab nyob zoo thiab lwm yam xov xwm thoob teb chaws no thiab.
