Anzac Day: Vim li cas thiaj muab hnub no zwm rau zwj thaj tim 25 lub 4 hlis ntuj thiab ho tsim nyog yuav ua li cas ntxiv?
Nyob rau zaj xov xwm no yuav tham txog:
- Peb ua kev nco txog dab tsi?
- Vim li cas thiaj yuav tau nco txog cov xwm txheej ntawm Gallipoli?
- Neeg Australian ho ua li cas rau hnub no xwb?
- Ho muaj cov kev ua kev zoo siab dab tsi rau hnub no?
- Tsoom hwv ho siv nyiaj ntau npaum li cas los ua kev zoo siab rau hnub no?
- Thiab xyoo 2019 no peb ho yuavua dab tsi rau hnub Anzac no?
Hnub tim 25 lub 4 hlis ntuj txhua xyoo ces yeej muaj neeg Australians tau los cog lus thiab hais lo lus tias “Lest we forget”.
Yog li Thoob teb chaws Australia los yog ntiaj teb no txog hnub Anzac Day no ces neeg Australia yeej nco txog, mus taug kev, muaj kev sib tw thiab muaj kev twv txiaj coj los ua kev nco txog tej qub peeb zeej dhau los uas tau muab lawv txoj sia thiab roj ntsha puas teb chaws rau ntiaj teb cov tsov rog zeeg ib 1914-1918 (World War I - WWI) kom ntiaj teb tau txais kev thaj yeeb thiab kev ruaj ntseg.
Tab sis tsoom hwv kuj tau los xaus cov kev ua kev zoo siab rau hnub Anzac Day txwm 100 xyoo rau 4 lub xyoo no rau lub xyoo 2018 dhau los lawm thiab.
Peb ho ua dab tsi coj los nco txog hnub Anzac Day no xwb?
Anzac ces yog lo lus luv luv sau los ntawm the Australian and New Zealand Army Corps uas teev zwm txog hnub uas pej kum haiv cov tub rog tau mus txog thiab sib ntaus sib tua ntawm Gallipoli, teb chaws Turkey rau tim 25.04.1915 rau thaum sawv ntxov ces thiaj li tau muaj hnub no tshwm sim los lawm.
Lub hom phiaj yog yuav tsum txeeb kom tau lub nroog Constantinople (uas tam sim no yog Istanbul), vim Turkey yog ib lub teb chaws phooj ywg nrog Germany, thiab yuav sib tua kom Turkey swb cov tsov rog zaum no - tab sis pej kum haiv cov leem no yuav tau sib tawm tsam muaj ceem heev los tau 8 lub hli rau ntawm thaj chaw no diam.
Anzac Day raug tsim tsa los ua kev nco txog pej kum haiv cov peeb tau mus txog ntawm ciam teb Turkey no thiab nco txog lawv cov kev tau muab txoj sia thiab roj ntsha pua teb chaws tsis hais yog Australia cov peeb, cov tug rog nruab deb, tub rog nruab ntug thiab cov neeg pab cuam tej peeb zeej no tshaj100 xyoo dhau los no lawm.
Muaj neeg Australians tshaj 102,000 raug tua tuag rau cov tsov rog no los yog lwm cov tsov rog zoo siab xws. Muaj Australia tej leem no tas sim neej yuav laug tag rau tej tshav rog txawv teb chaws tsis hais yog tsov rog ntiaj teb zeeg ib los yog zeeg ob ntawd.
Dr Brendan Nelson tau qhia rau SBS News ua ntej yuav ua kev zoo siab rau hnub Anzac Day xyoo 2018 tias “Txhua txhua haiv neeg nyias yeej muaj nyias zaj dab neeg tab sis hnub Anzac Day yog pb zaj dab neeg."
Vim li casthiajyuavncotxogcovxwmtxheejntawm Gallipoli?
Yeej muaj ntau haiv neeg ua kev zoo siab rau cov kev muaj yeej rau tsov rog ntiaj teb zeeg ib uas muaj hnub Remembrance Day (11 November), tab sis Australia phej tham txog cov tej peeb zeej cov kev swb nkaus xwb.
Txhua txhua cov tswv yim siv coj los tawm tsam ntawm Gallipoli yeej siv tsis tau hauj lwm li. Tab sis cov kev sib tawm tsam muaj yeej thiab mus tau zoo tshaj plaws yog cov muaj tom qab sib tawm tsam tau ntev tshaj 8 lub hli tom qab lawv tau thim thaum tsaus ntuj ntawm uas tau ua rau Australia cov peeb zeej ze txog li 8,000 tus tau plam lawv txoj sia ntawd.
Nws tau qhia rau SBS News tias '' Peb yog ib haiv neeg uas nrhiav txog tej dab neeg, vim tej dab neeg no ua rau peb ntseeg peb tus kheej thiab thiaj tsim nyog siv nyiaj los ua kev zoo siab rau tej xwm txheej no."
Australia nyuam qhuav tau teeb tsa los ua teb chaws rau xyoo 1901. Thiab txawm tias Australia tej pej xeem xeem los yog tej peeb zej yeej tau mus ua rog ntawm Sudan xyoo 1885 thiab koom cov tsov rog Boer War xyoo 1899-1902 los, tsov rog ntiaj teb zeeg ib yeej yog thawj zaug uas Australia tej leem tau sib tua sawv cev rau teb chaws Australia.
Dr Holbrook hais tias ''Yeej yog ib cov kev qhia txog sab ntuj plig los yog sab kab lis kev cai rau tej neeg Australians, yog yog tham txog tej xwm txheej tau tshwm sim ntev npaum li cas ces haj yam pab qhia tau tej dab neeg ntawd zoo npaum li ntawd xwb."
Dr Nelson yeej pom zoo tias tej xwm txheej hais no tau qhia txog peb cov neeg Australians no ho yog leej twg, tab sis ho tsis yog qhia txog cov kev qhuas los yog teev hawm txog tej tsov rog dab tsi."
Nws hais tias “Lub ntsiab tseem ceeb tiag ntawmhnub Anzac Day tsisyog tham txog tsov rog dab tsi. Yeej cuam tshuam txog tsov rog tab sis yeej tham txog cov kev lub kev tshua thiab kev phooj ywg ntau dua."
“Peb yeej muaj yeej tab sis kuj tau tsim kev sib tawg tswj thiab muaj kev tua siab rau 62,000 tus peeb zeej uas tau tas sim neej ntawd; ua rau peb haj yam to taub zoo tuaj ntxiv tias kev yog ib tug neeg Australia muaj txiaj ntsim li cas thiab haj yam ua rau peb ntseeg peb tus kheej ntau tshaj qub ntxiv."
Neeg Australia ho ua dab tsi rau hnub Anzac Day no xwb?
Yeej muaj kev ua kev zoo siab tag nrho ib hnub rau hnub Anzac Day rau ntawm tus pej thuam peeb zeej us muaj neeg mua koom coob heev ntawm tuam ceeb Canberra mus txog rau ntau cov koom txhoo thoob plaws lub teb chaws Australia no.
Tau xub pib hnub no li tau muaj ntau txheeb tus neeg tau mus koom cov koom txoos ze li ntawm 5:30 sawv ntxov uas muaj neeg tau mus hais lus teev hawm thiab thov vaj tswv pub rau tej qub peeb zeej, nqa paj thiab tswm ciab coj mus fim rau lawv thiab sawv ntsiag to thiab tso Australia zaj nkauj haiv.
Cov kev ua kev nco txog Australia cov peeb zeej no kuj los hais txog zaj paj huam The Ode uas yog ib feem tham txog cov peeb zeej tau tas sim neej uas Laurance Binyon sau ntawd thiab.
Sob lusuasntonpeheevuassawv daws paubyog:
Lawv yeej tsis txawj laus li peb txawj laus.
Hnoob nyoog thiab lub caij nyoog yeej tsis ua rau lawv qaug zog los yog cem thiab thuam lawv dab tsi.
Tsis hais tsaus ntuj los yog sawv ntxov peb yeej yuav nco lawv tsis ploj.
Thaum hnub tawm tuaj thaum sawv ntxov lawm ces kuj muaj tej neeg thiab tej qub tub-rog nrog lawv tej txheeb ze uas muaj lawv tej neeg tau tas sim neej mua rwg npoj.
Ho muaj cov kev ua kev zoo siab dab tsi xwb?
Txawm hnub Anzac Day no yog ib hnub coj los ua kev cam hwm rau tej qub leem thoob plaws lub lub teb cahws no los kuj muaj tej yam kev twv txiaj hu ua "Two-Up" uas muaj cai twb tau raug cai li ob peb hnub txhua lub xyoo thiab kuj muaj cov kev sib tw National Rugby League (NRL) thiab cov kev sib tw Australian Football League (AFL) nrog thiab.
Dr Holbook hais tias “Txog xyoo 1927, [Anzac Day] ces tau muab hnub Anzac Day los ua ib hnub so public holiday rau txhua lub xeev ntawm teb chaws Australia, thiab yeej tau tsim ib tsab cai rau thaum ntxov xyoo 1916 coj los txwv tsis pub tej neeg siv lub tsam thawj no los ua lagluam kom lawv tau nyiaj thiab."
Tab sis nws kuj tau hais tias, cov kev tseem ceeb ntawm hnub Anzac Day no kuj tau muaj kev pauv hloov lawm thiab txij li tau muaj cov tsov rog Nyab Laj rau lub caij xyoo 1980s uas cov nyom thiab muaj neeg tib hnyav heev tias tsis cuam tshuam txog lub koom txoos no thiab.
“Thiaj tau ua rau tej neeg thiaj tsis tshua nyiam thiab muaj cov neeg paub zoo txog tej keeb kwm no tau hais tseg tias ntshe lub koom txoos no yuav ploj mus yog cov qub peeb zeej kawg tas sim neej lawm."
Tab sis yeejtsisyog li haisntawd. Australia yeejyogntiajteb ib lubteb chaws uastseemncotxognws tej qubpeebzeejuas tau tas sim neejthiab.
Tsoom hwvsivnyiajntaunpaum li cascojlsoualubkoomtxooshnub Anzac Day no?
Dr Holbrook hais tias "Australia yog lub teb chaws siv nyiaj ntau tshaj lwm haiv neeg tsis hais Askiv, Fabkis, Germany los ua koom txoos nco txog tsov rog ntiaj teb zeeg ib."
Mloog thiab nyeem zaj xov xwm tib yam li no ntawm nod:
Txij xyoo 2014 los ces kuj tau ua kev zoo siab rau lub caij 100 xyoo no.
Dr Holbrook hais tias “''Tsoom hwv teb chaws kuj tau siv nyiaj ze txog $330 million, tej xeev yeej siv nyiaj txog $140 million thiab tej tuam txhab lagluam los yeej tau siv nyiaj yam tsawg txog li $18 million thiab. Yog muab xa ua ke tag nrho lawm ces twb raug nyiaj txog li ntawm $550 million lawm.''
Germany tau tib tias nws siv nyiaj coj los ua koom txoos nco txog kob tsov rog no ntau heev (€4m / $6.4m rau xyoo 2014) hos Askiv (United Kingdom -UK) tsuas tau npaj nyiaj faj seeb tseg coj los siv ua kub koom txoos Anzac Day txog 100 xyoo no txog li £50m ($91m) xwb txij tau muaj cov kev ua kev zoo siab no los.
Yog li peb ho yuav ua dab tsi rau xyoo 2019 no?
Xyoo 2018 raug xaiv coj los ua xyoo kawg ntawm cov kev ua kev zoo siab nco txog hnub Anzac Day uas txwm 100 xyoo. Txij xyoo 2019 ces yuav tshaj 100 xyoo lawm txij tau muaj ntau kob tsov rog tseem ceeb thiab ntau yam xwm txheej tau tshwm sim txij kob tsov rog ntiaj teb zeeg ib ntawd.
Yog li puas txhais tau tias txog caij lawm yuav tsum tau kub siab tshaj no txog lwm cov tsov rog li tsov rog ntiaj teb zeeg ob (World War II -WWII), tsov rog CobTsib thiab cov tsov rog ntawm Afghanistan tau muaj tsis ntev los no?
Dr Holbrook hais tias “Tej zaum peb xav kom yuavtsum kub siab txog tej peeb zeej tam sim no tab sis cov xwm txheej tau tshwm sim rau hnub Anzac Day ntawm tsis yog tej yam yuav piv tau rau tej xwm txheej tau tshwm sim tam sim no thiab."
Dr Nelson uas yog tus coj lub koom haum pej thuam rau Australia cov qub tub rog (The Australian War Memorial) hais tias peb yeej yuav tsis hnov qab txog cov xwm txheej tau tshwm sim rau lub caij xyoo 1914 – 1918 li.
“Tsis yog ib cov kev xav xwb tab sis peb yeej tau mus koom kob tsov rog ntiaj teb zeeg ib no tiag, thiab peb yeej tau nco txog tej leem txog 62,000 tus uas tau nruam sim lawm ces tam sim no peb yuav ua lwm yam lawm."
Nws yeej tau hais ntxiv tias pej xeem Australia los yeej kub siab txog lwm cov tsov rog tib yam thiab.
“Tej peb ua no tsuas yog coj los ua kev nco txog tej leem poj niam thiab txiv neej txog li 2 roob tus uas tau muab lawv tej roj ntshav thiab txoj sia mus pua teb chaws xwb."
