NTSIAB LUS TSEEM CEEB:
- ATO tau rov qab los tsib cov neeg tseem tiv nuj nqe txog li 290,000 tus, txhais tau tias ntshe yuav thov tsis tau nyiaj se xyoo no rov qab li lawm.
- Yeej tau siv lub tswv yim no rau lub caij tseem kis kab mob COVID-19 thiab lub caij hav zoov kub hnyiab Black Summer.
- ATO hais tias tsuas muaj tsawg txoj xub ke zam rau tej neeg uas nws yuav tsis sau se xwb..
Tej zaum yuav muaj neeg Australia ze txog li 300,000 tus yuav thov tau se rov qab tsawg dua los yog ntshe tej zaum yuav thov tsis tau se rov qab hlo li, tom qab uas Australia lub tuam chav sau se (Australian Taxation Office - ATO) yuav rov qab los txheeb tej neeg tej nuj nqe tau cheem tseg uas tseem tsis tau them rov qab ntawd.
Thiaj muaj tej xwm txheej no rau lub caij uas tau muaj cov kev pauv hloov uas yuav muab tej nyiaj tau los ntawm cov tax return ntawm tej neeg ntau txheeb tus uas khwv tau nyiaj tsawg thiab khwv tau nyiaj nrab txiav coj mus them tej nuj nqe rau lub caij uas tej cuab yig yuav tau ntxeem nrog tej nuj nqes siv ua lub neej los ntev tshaj ib lub xyoo.
Ces ATO thiaj yuav txiav tej neeg ntiag tug tej tax return uas thov tau rov qab ntawd coj mus them tej nuj nqes uas lawv tsis tau them, thiab hais tias vim nws yeej muaj tej xub ke tsawg tsawg sam rau tej neeg xwb.
Rau qhov tias tau ncua tsis tsib tej neeg tej nuj nqe ntawm Australia no rau lub caij hav zoov kub hnyiab 2020 Black Summer thiab lub caij uas muaj kab mob COVID-19 kis coob heev ntawd. Tab sis lub caij nrab xyoo 2022 ces lawv txawm tau rov qab kom tej neeg them tej nuj nqes, thiab neeg Australia coob heev tsuas raug coob toom rau lub caij thov se rov qab xwb los yog paub thaum lawv mus siv lub MyGov website xwb.
The ATO said the move could impact up to 290,000 Australians. Source: AAP / Lukas Coch
Tau muaj ATO ib tug kis tau qhia meej txog tej hauj lwm no, tias yeej ua raug cai, thiab tej zaum yuav ua rau muaj tau teeb meem rau 290,000 tus neeg Australia rau financial year xyoo no. Thiab txawm tias yog ib tug twg tsis paub tias lawv tshuav nuj nqes dab tsi, los lawv tau hais tias ntshe xyov puas yuav tau txais kev ceeb toom ua ntej li cas li thiab.
Lawv tau hais tias "Yog peb paub tias tej zaum yog ib tug twg tsis paub tias lawv tseem tshuav nuj nqe uas tsis tau them, ces tej zaum peb yuav qhia lawv ua ntej yuav txiav lawv tej nyiaj."
"Vim tej zaum lawv muaj tej nuj nqes no ntev lawm, ces tej zaum kuj muaj ib txhia neeg them se tsis nco qab tias lawv tseem tshuav nuj nqe tsis tau them, ces tej zaum thiaj yuav ua rau tej neeg ceeb tias tej nyiaj tax return ntawd raug them nuj nqe rau ATO lawm.
"ATO yeej tau sau ntawv ncaj qha mus rau tej neeg them se los yog lawv tej tax agents thiab qhia rau lawv paub tias lawv tseem tshuav nuj nqe, thiab ATO yuav txiav tej nyiaj tax return lawv thov tau coj mus them lawm.''
ATO tej neeg ua hauj lwm los yeej muaj cai tsib nuj nqe tsuas yog tias ntshe ''yog tej tsis tsim nyog thiab nkim nyiaj xwb.'' Tab sis yog thaum muab tej no los sib sau ua ke lawm ces twb yog tej nuj nqe uas rau nyiaj txog li ntawm $1.2 billion rau xyoo 2021/22, thiab muaj ATO ib tug kis tau qhia tias ''yeej tseem muaj tej nuj nqe li no thiab''.
Yog tias ib tug twg tseem tshuav nuj nqe ces tej zaum nws yuav tsis tau tej nyiaj tau los ntawm cov tax return li lawm, tab sis ATO qhia tias nws tsis xav kom pheej ntsib tej teeb meem no thiab, thiaj txhais tias tej zaum tus neeg ntawd yuav raug yuam kom yuav tau them tej nuj nqe ntawd.
Cov kev nqua hu kom ATO xyuas kom qhia thiab muaj kev dawb huv
Phil McCann uas yog tus coj lub koom haum McCann Financial Group hais tias lub tuam chav sau se no ''yeej ua tau hauj lwm zoo'' raws li tsoom fwv tej cai, thiab tau qhia tias ATO yeej ib tib zoo xyuas kom siv tau tej xub ke yooj yim los pab neeg Australia kom ntxeem dhau lub caij muaj kab mob COVID-19 ntawd.
Tab sis McCann hais tias tom qab tau tsib xyoo thiab cia li rov qab hais kom tej neeg them tej nuj nqe no ces tej neeg thiaj pom tias uas li cas ''ho tsis ua tib zoo qhia'' rau lawv paub.
Nws tau hais tias “Yuav tsum tau xyuas kom ua tau ob yam li qhia rau tej neeg paub thiab yuav tsum muaj txoj kev dawb huv.”
“Tej zaum ib txhia yuav hais tias qhia rau lub caij tsis tsim nyog, thiab kuj yuav muaj ib txhia hais tias tsim nyog yuav tau qhia tej no kom meej tseeb rau zej tsoom paub kiag. ”
Thiab McCann tau hais tias tsim nyog yuav tsum tau ceeb toom rau tej neeg paub txog tej no rau lub sij hawm ob peb hli tso.
Nws tau hais tias “Hais tsi ntsees rau tej lagluam me, tej niam tej txiv, los yog tej neeg ntiag tug uas them se tib si, vim yog tej yam yuav cuam tshuam rau tej nyiaj lawv siv [tam sim no].''
“Tej zaum ib co lagluam me twg kuj xav yuav ib yam twj siv twg thiab cia siab tias yuav thov tau GST rov qab...ces tej txheej txheem no thiaj ua rau lawv thov tsis tau lawm.
“Yog li ntawd, thiaj yuav muaj teeb meem rau tej neeg Australia, thiab yuav muaj teeb meem rau tej cuab yig tej nyiaj txiaj siv."
Elinor Kasapidis uas yog tus coj tej policy thiab advocacy ntawm lub koom haum CPA Australia, yeej tau qhia tias ATO yeej muaj cai yuav sau tej nuj nqes no rov qab, thiab kuj tau hais ntxiv tias yog tej yam tseem ceeb yuav tau kub siab txog tej nuj nqe ntau billion dollars uas tsim tiv los tau ntau lub xyoo thiab.
Nws tau hais tias "[Tab sis] tsim nyog yuav tsum tau tshab txhais tias vim li cas thiaj tsis paub tsis pom txog tej no. Thiab yog tej yam tsis zoo rau tej neeg uas tseem yuav tau mus txheeb mas thiaj li paub xwb."
"Yog li ntawd txuas ntxiv mus, peb yuav tau ua tib zoo xyuas kom muaj txoj kev dawb huv ntau tuaj ntxiv txog tej no."
Kasapidis tau hais tias yeej muaj tej neeg Australia coob heev ''tsis nkag siab txog tej se no li,'' thiab tau nqua hu kom yuav tsum mus ntsib thiab sab laj nrog tej tax agents uas muaj cai ua tej hauj lwm no raug cai.
Nws tau hais tias "Vim rau qhov yeej tsis muaj peev xwm tham txog tej no thiab yuav pab kom yus nkag siab txog tej no tau yooj yim."
"Qhov tseem ceeb ces yuav tau kub siabkom yus nkag siab zoo txog yus tej se, tej se uas yuav tau txiav ntawm tej neeg ua hauj lwm, thiab tej se uas yus muaj peev xwm thov tau rov qab, ua ke no los yuav tsum paub tias yuav tau teev tej ntau ntawv dab tsi cia. Thiab yuav tau kub siab txog tej nuj nqe uas yus muaj ntawd nrog thiab."
