Twb yuav muaj 6 million tus neeg Australia mus teem caij kom tau hno thawj koob tshuaj COVID-19 vaccine rau hnub zwj Quag (Wdnesday tim 17 March 2021) lawm.
Yog li ntawd tag nrho tej neeg uas muaj cai hno tshuaj vaccine theem 1B no (Theem 1B yog cov kev hno theem 2, tom qab cov kev hno theem 1A, tab sis tseem hno theem 1A txuas ntxiv) ces tam sim no thiaj li muaj cai mus hno tshuaj COVID-19 vaccine lawm.
Txawm li cas los hnub tim 19 lub 3 hlis ntuj xyoo 2021 no nom tswv Australia qhia tias nws pom zoo tshwm nyiaj coj los pab kom muaj 100 lub clinics teev zwm tej neeg npe kom tau hno tshuaj COVID-19 vaccine theem 2 no lawm thiab.
Tsis tas li no los yuav muaj cov clinics hno tshuaj ntau tshaj 1,000 twb tab tom npaj yuav pib hno cov tshuaj AstraZeneca vaccine rau tej neeg lawm. Thiab yuav muaj cov chaw hno tshuaj no txog li 4,000 lub clinics coj los hno rau tej neeg rau lub caij hno tej tshuaj no rau tej neeg mus hno coob coob.
Australia cov kev hno tshuaj COVID-19 vaccine - Australian Department of Health Source: Australian Department of Health
Thiab mam li los qhia hauv online tias tej chaw no nyob qhov twg kom tej neeg muaj cai mus hno tshuaj thiaj teem tau caij hauv online mus hno tau.
Yog li Australia thiaj tseem yuav hno tej tshuaj AstraZeneca vaccine no txuas ntxiv vim tsis hais Australia tus coj tswj kev noj qab haus huv thiab lub koom haum Theurapeutic Goods Administration (TGA) pom tias yog ib cov tshuaj tau txais kev nyab xeeb. Thiab yuav pib coj cov tshuaj AstraZeneca vaccine uas lub tuam txhab Commonwealth Serum Laboratories (CSL) tsim tau thawj zaug hauv teb chaws Australia no yuav raug coj los hno rau cov neeg 6 million tus uas yuav pib hno theem 1B ua zum 2 rau hnub zwj Hli (Monday) hnub tim 22 lub 3 hlis ntuj xyoo 2021 no mus raws li 7NEWS Melbourne tau qhia.
Thiab li tau muaj tej xwm txheej no txawm tias tau muaj ib txhia teb chaws ntawm Europe tau muab cov tshuaj AstraZeneca vaccine coj los hno rau tej neeg no ncua ib ntus tso vim tseem muaj teeb meem lwm yam cuam tshuam txog cov kev siv tus tshuaj vaccine no.
Tej nom tswv ntawm lub koom haum Europe Medicines Agency hais tias lawv yeej tseem lees tias cov tshuaj AstraZeneca vaccine yog ib cov tshuaj zoo txawm tias tau muaj ib txhia teb chaws ntawm Europe (Germany, France, Italy thiab Portugal) uas yog qee lub teb chaws ntawm 17 lub uas tau tso tseg tsis hno cov tshuaj no ib ntus lawm.
Emer Cooke, uas yog tus coj lub koom haum European Medicines Agency (EMA) hais tias tseem yuav tau mus tshuaj ntsuam xyuas cov teeb meem no ua ntuv zus ntxiv seb zoo i cas, tab sis yeej tau rov qab hais dua ntxiv tias tej xwm txheej muaj ib txhia neeg ntshav khov li tau muaj xov xwm cej luam tom qab tej neeg tau mus hno cov tshuaj no tsis yog ib cov xwm txheej ntau yog piv rau tej neeg feem coob.
Emer Cooke tau hais ntxiv rau hnub tim 19 lub 3 hlis ntuj xyoo 2021 no tias "cov tshuaj AstraZeneca yeej siv kho tau tus mob COVID-19 no li ntawm 60% thaum tseem sim tus tshuaj no, thiab raws li tej xov xwm tseeb tiag los ntawm ntiaj teb cov kev siv tus tshuaj no kuj yuav qhia tau tias siv tau tus tshuaj no zoo tshaj ntawd los kuj tau thiab."
Mloog tau tej xov xwm ntau yam txog cov kev pab cuam tswj kev noj qab haus huv thiab cov kev pab cuam daws tus kab mob coronavirus ua lus Hmoob tau ntawm
rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm ,, , thiab los yog download kom koj mloog tau SBS Hmong.
