Yog tias koj xav tau neeg txhais lus los yog txhais ntaub ntawv ces hu rau lub koom haum Translating and Interpreting Service (TIS National) tus xov tooj 13 14 50.
Faiza Mahat hais tias nws xav kom nws peb tug me nyuam uas tseem kawm primary school tau hno tshuaj vaccine tiv thaiv kab mob COVID-19 kom sai.
Ms Mahat yog ib tug nures ua hauj lwm ntawm North Richmond Community Health, uas yog ib lub clinic ntawm Melbourne uas pab tej neeg nyob ntawm nom tswv tej vaj tse npaj rau zej tsoom nyob kom tau hno tshuaj vaccine. Thiab tej neeg hais no feem coob ces yog neeg Nyab laj, neeg Suav, neeg Africa los sis yog neeg Timorese.
She tau hais tias kev no tshuaj vaccine rau me nyuam yaus yog ''ib lub cib fim zoo."
"Ntau hlis dhau los ces peb yeej pom tias muaj tej me nyuam yaus coob heev kis tau tus kab mob virus no, vim rau qhov lawv tsis tau hno tshuaj vaccine. Yog li tus tshuaj vaccine no thiaj yuav pov puag lawv kom tsis txhob mob hnyav."
Safa uas yog nws tus ntxhais muaj hnoob nyoog 8 xyoo cia siab tias yuav pab kom tau siv sij hawm so kawm ntawv tsawg.
Nws hais tias "[Kuv] tshais. Tab sis mam ua siab loj."
Andy uas muaj hnoob nyoog 6 xyoo los kuj ntshai hno tshuaj, tab sis Hoa Dran uas yog nws niam uas ua hauj lwm ntawm lub clinic kuj tau hais tias ''yeej yuav hno tshuaj rau nws xwb xwb li.''
Pib txij hnub zwj Hli (Monday) tim 10 January ces, yuav muaj cov kev teem caij rau tej me nyuam yaus hnoob nyoog 511 xyoo mus hno tshuaj Pfizer COVID-19 vaccine lawm.
Hoa Dran pictured with her son, Andy. Source: SBS News
Lub koom haum Therapeutic Goods Administration (TGA) tau tso cai pom zoo hno tau cov tshuaj vaccine no rau cov me nyuam yaus muaj hnoob nyoog li hais no thaum lub 12 hlis ntuaj Lub koom haum Australian Technical Advisory Group on Immunisation (ATAGI)
Tsoom fwv teb chaws tau qhia rau lub caij ntawd ces nws hais tias "Yeej tau muaj kev teeb txheeb qhia tias cov tshuaj Pfizer vaccine siv tau hauj lwm zoo txog 91% rau tej me nyuam yaus."
"Xav kom tej niam txiv, cov neeg tu saib xyuas los yog tsom kwm tej me nyuam yaus tso siab tias cov kev hno tshuaj COVID-19 vaccine tiv thaiv kab mob rau lawv tej me nyuam ces yeej yog lawv tau ua txhua yam coj los pov puag lawv tej me nyuam kom tau txais kev nyab xeeb ntawm tus kab mob virus no.''
Tej me nyuam no yeej yuav tau hno 2 koob tshuaj vaccine rau lub sij hawm sib nrug li 8 limtiam (2 hlis). Cov tshuaj no ces tsuas muaj txog li 1 feem 3 ntawm cov uas tau txais kev tso cai coj los hno rau cov me nyuam yaus hnoob nyoog 12 xyoo los yog hnoob nyoog siab tshaj ntawd xwb.
Alison McMillan uas yog tus coj tsoom fwv lub koom haum Nursing and Midwifery tau hais tias txawm tias tej me nyuam tsuas muaj cov yam ntxwv mov COVID-19 hauj sim rau tej me nyuam yaus xwb los yeej muaj pov thawj tiv khawv zoo txaus coj los txhawb nqa kom hno tshuaj vaccine rau tej me nyuam yaus.
Tej kws paub zoo txog dej num noj qab haus huv hais tias tus tshuaj vaccine no yuav pav tiv thaiv kom tsis txhob mob sab sab.
Professor Margie Danchin, uas yog ib tug kws kho mob rau me nyuam yaus thiab yog ib tug kws paub zoo txog cov hno tshuaj vaccine ntawm Melbourne lub tsev kho mob Royal Children's Hospital in Melbourne hais tias "Yog tej yam tseem ceeb heev, vim rau qhov yuav tau txais txiaj ntsim ntau yam los ntawm cov kev hno tshuaj no li pab kom txhob sib kis tus kab mob no hauv tej cuab yig, hauv tej zejzog thiab hauv tej teej kawm."
Yeej tau muaj cov kev hno tej tshuaj vaccine no rau tej me nyuam yaus hnoob nyoog 5-11 xyoos ntawm qee cheeb tsam ntawm Europe, America thiab Canada lawm. Ces yeej pom tias thaum hno cov tshuaj vaccine no lawm yuav ua rau mob caj npab, mob taub hau, nkees nkees thiab ua npaws daus no.
Professor Danchin tau hais tias "Tab sis yeej tseem pom muaj qee cov yam ntxwv mob muaj tsawg tsawg tab sis mob sab heev li ua rau cov nqaij ntawm lub plawv o los sis yog ua rau daim phiaj ziam qhwv lub plawv o, uas yeej raug ua tib zoo kub siab tshuaj ntsuam rau tej me nyuam yaus uas muaj cov hnoob nyoog li hais no lawm.''
Ces thiaj yuav muaj tej tshuaj vaccine no hno rau tej me nyuam haus ntawm tej GPs, pharmacies thiab tej nom tswv xeev tej clinics.
Lub koom haum North Richmond Community Health yeej muaj ib cov tswv yim yuav los siv cov program no pab tej cuab yig.
Raws li Laura O'Shea uas yog tus senior project coordinator tau qhia ces nws hais tias "Peb yeej tau ntiav tej tub koom siab ntawm tej zejzog txog li ntawm 20 leej ntawm lub tsev Richmond housing estate uas yeej hais tau ntau hom lus sib txawv kom muaj peev xwm pab tau peb sib cuag tau nrog tag nrho tej neeg zejzog uas nyob ntawm lub tsev ntawm no lawm."
Thiab raws li Mohammad Al-Khafaji uas yog tus coj lub koom haum yeej yuav siv tej koom haum Federation of Ethnic Communities Councils of Australia (FECCA) tau qhia ces yeej yuav si tej koom haum zejzog ntawm cov zejzog neeg tsiv teb tsaws chaw thiab neeg thoj nam thoob teb chaws no coj los pab lawv thiab.
"Lawv yog cov paub tej koom haum no zoo tshaj plaws. Thiab lawv yeej paub tias muaj teeb meem dab tsi lawm. Thiaj tsis muaj lwm cov kev pab cuam yuav zoo tshaj cov kev pab cuam uas tej zej zog cov lus pab rau lawv lawm."
Nws thiaj tau txhawb nqa kom tej neeg tu tshiab tsom kwm tej me nyuam yaus no faib xov xwm los yog ua tib zoo xyuas kom tswj tau tej me nyuam yaus no thaum hno tshuaj vaccine.
Nws tau hais tias "Tej zaum tej me nyuam yaus no txhawj txog cov kev yuav hno tsuaj vaccine no. Yog li tej niam txiv los sis tej neeg uas tu thiab tsom kwm lawv thiaj muaj peev xwm qhia xov xwm rau lawv ua ntej kom thiaj pab tej me nyuam yaus no tswj tau cov kev hno tshuaj no zoo thaum lawv mus hno tshuaj los yog seb leej twg ho yuav nrog lawv mus hno tshuaj."
Dr Anthea Rhodes, uas yog ib tug kws kho mob kho me nyuam yaus ntawm tsev kho mob Royal Children's Hospital tau hais tias yog tej yam tseem ceeb heev yuav tau qhia qhov tseeb rau me nyuam yaus paub, tsis txhob ua rau lawv ntshai, thiab yuav tsum qhia tej xov xwm txog cov tshuaj vaccine rau lawv paub thiab."
"Tham txog tus tshuaj vaccine no rau lawv, thiab qhia tias 'zoo li dab tsi ib nyuag chob los yog ib nyuag tshum me ntsis xwb, thiab tib npliag ntshis xwb twb hno tas lawm."
Muaj 3 million koob tshuaj coj los siv rau lub 1 hlis ntuj no
Greg Hunt uas yog tus nom teb chaws uas tswj dej num noj qab haus huv tau qhia tias yeej muaj tshuaj COVID-19 vaccine txaus coj los hno rau tej me nyuam yaus hnoob nyoog 5-11 xyoos pib txij li hnub Monday (10.01.2022) no mus lawm.
Mr Hunt hais tias qhia tias yuav muaj 3 million koob tshuaj vaccine coj los hno rau cov me nyuam yaus 2.3 million tus uas muaj cai hno tshuaj rau lub 1 hlis ntuj no lawm.
Thiab nws tau qhia ntxiv tias yeej tau muaj Australia tej me nyuam hnoob nyog 12-15 xyoo ntau tshaj 80 feem pua tau hno 2 koob tshuaj vaccine lawm.
Mr Hunt tau qhia rau tej neeg tshaj xov xwm ntawm Canberra hauv video link rau hnub Sunday tias "Tej ntawd yog ib lub cim tseem ceeb heev rau lub caij uas peb tseem yuav siv cov program hno tshuaj vaccine no rau tej me nyuam yaus."
Tab sis Anthony Albanese uas yog tus coj pab nom lwm pawg fai kum xeeb tau hais tias tej niam txiv yeej txhawj heev vim lawv tsis muaj peev xwm teem tau caij rau lawv tej me nyuam mus hno tshuaj."
Txawm li cas los Mr Hunt cav tias tsis yog txhua tus me nyuam yaus yuav muaj peev xwm hno tshuaj rau ib hnub twg tsi ntsees thiab vim tsuas muaj 8000 cov chaw hno tshuaj vaccine thoob teb chaws Australia no xwb.
Ces thiaj yuav tau ua tib zoo xyuas koj tej neeg nyob tej zos yaj sab, tej zos cheeb tsam, cov chaw muaj tej neeg tsis hais lus Aaskiv los sis tej chaw muaj neeg txom nyem nyob los kom tau hno tib yam tshiab.
Nws tau qhia tias yeej muaj tej kws kho mob cov chaw kho mob tshaj 6000 qhov chaw tau tej tshuaj vaccine hno rau tej me nyuam yaus no, musj tsoom fwv teb chaws tej chaw hno tshuaj tshaj 150 lub clinics, muaj Australia cov keeb cag neeg Indigenous cov clinics tshaj 115 lub, muaj 2000 lub chaw muag tshuaj, thiab tej nom tswv xeev cov clinics tshaj 250 lub yog cov chaw koom hno tej tshuaj vaccine no rau me nyuam yaus.
Txog hnub pib hno tshuaj lawm ces tej me nyuam yaus yuav muaj cai hno lawv thawj koob tshuaj ua ntej yuav rov qab pib mus kawm ntwv rau lub 1 hlib ntuj no thiab tos txog 8 limtiam (2hlis) tom qab hno thawj koob lawm ces mam li rov qab mus hno koob 2 ntxiv.
Hnub Sunday dhau los ces, Queensland tus hau xeev Annastacia Palaszczuk tau hais kom tos txog hnub tim 7 lub 2 hlis ntuj mam pib kawm thiab xaus rau hnub tim 16 lub 12 hlis ntuj tsis txhob xaus rau hnub tim 9 lub12 hlis ntuj lawm. Thiab kom tej tub kawm uas kawm xyoo 11 thiab xyoo 12 ntawm nws lub xeev kawm tom tsev mus txog hnub tim 31 lub 1 hlis ntuj tso.
rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm ,, , thiab los yog download kom koj mloog tau SBS Hmong.
