Australia cov tswv yim hno tshuaj yeej tau los qhia tias yuav xub hno tej tshuaj vaccine rau tej neeg twg ua ntej thiab yuav hno rau ntau qhov chaw thoob teb chaws no. Tej neeg kho mob, tej neeg tswj cov neeg raug cais thiab tej neeg tswj ciam teb, thiab tej laus neeg nrog rau tej neeg puas cev yog cov yuav xub tau hno ua ntej.
Peb hom tshuaj vaccines
Australia yuav siv 3 cov tshuaj vaccines sib txawv uas tsim txawv teb chaws thiab tag nrho tej tshuaj no yuav tau hno ib yam twg 2 koob: tsis hais cov tshuaj vaccine, vaccine thiab cov tshuaj tib si.
Tom qab tuaj yog tias tau txais kev taw qhia ntawm tej nom tswv tswj kev noj qab haus huv ces mam li hno tej tshuaj vaccines no rau tej me nyuam hnoob nyoog qes dua 16 xyoo xwb. Tsis li ntawd ces yeej tsis hno ib hom tshuaj vaccines twg ntawm peb hom tshuaj no rau lawv li.
Tej neeg feem coob ces yuav mus hno tej tshuaj vaccines no ntawm tej tsev kho mob, cov kws kho mob tej chaw kho mob (GP clinics), tej chaw kho tej neeg mob hawb pob thiab mob ntsws, tej chaw muag tshuaj hauv zejzog thiab cov chaw kho mob rau Australia cov keeb cag neeg Aboriginal, tsuas yog tej neeg ua hauj lwm tu tej laus thiab tej neeg puas cev thiaj tau hno ntawm tej chaw lawv ua hauj lwm no xwb.
Australia cov kev hno tshuaj COVID-19 vaccine - Australian Department of Health Source: Australian Department of Health
Tej tswv yim hno tshuaj rau Australia tej neeg zejzog coj ntseeg ntau yam kev cai dab qhuas thiab hais ntau hom lus
Tsoom fwv Australia yeej npaj ib cov tswv yim thiab muaj lub hom phiaj los xyuas kom pab tau tej neeg coj ntseeg ntau yam kev cai dab qhuas sib txawv, tej neeg pawg tsawg thiab hais ntau hom lus tau siv cov kev hno tej tshuaj vaccine uas tau txais kev nyab xeeb thiab haum raws li lawv tej kab li kev cai.
Tej neeg hno tshuaj vaccine yuav tsum tau ua hauj lwm nrog tej koom haum zejzog thiab tej coj ntau cheeb tsam nrog xyuas kom muaj peev xwm tsim tau cov kev hno tshuaj haum tau txais kev nyab xeeb raws lawv tej kab lis kev cai. Yog li ntawd yuav tsum muaj tej neeg ntawm ntau cov neeg zejzog hais ntau hom lus thiab coj ntseeg ntau yam kev cai dab qhuas sib txawv no koom ua hauj lwm ntawm tej chaw hno tshuaj vaccine thiab mas thiaj yuav ua tau tej hauj lwm li hais ntawd.
Yog li no thiaj yuav tsum kom muaj ntau tsav neeg sib txawv ua hauj lwm ua ke, tej neeg no yuav tsum paub 2 hom lus, thiab yuav muaj neeg txhais lus los qhia tej xov xwm rau tej neeg kom thiaj muaj peev xwm ua tib zoo xyuas kom tej neeg no muaj peev xwm rov qab mus hno tau tshuaj vaccine koob 2 ntxiv.
Cov neeg yuav tau xub hno tshuaj COVID-19 vaccine ua ntej - Australian Department of Health Source: Australian Health Department
Koj cov kev hno tshuaj vaccine yuav raug nom tswv teev zwm tseg cia
Tsoom fwv yuav tsum tau khaw qee yam xov xwm txog tej neeg ntiag tug uas tau hno tshuaj vaccine tseg cia kom thiaj paub tias leej twg tau hno lawm. Thiab yog ib cov hauj lwm uas Australia cov neeg hno tshuaj vaccine uas ua cov hauj lwm Australian Vaccination Program yuav tau teev ib tug neeg twg uas lawv tau hno tshuaj vaccine rau lawm.
Thiab tej neeg ntiag tug tej xov xwm hno tshuaj vaccine no yuav muaj rau sawv daws mus saib tau ntawm My Health Record, Medicare (Immunisation History Statement), los yog tej neeg yuav tau ib daim ntawv pov thawj hno tshuaj vaccine thaum tau hno lawm, thiab nom tswv mam li xa ib daim electronic copy hauv email tuaj rau yus ntxiv.
Yuav tau txais cov kev pov puag sib txawv los ntawm cov kev hno tshuaj vaccine no
Yuav siv sij hawm li ntawm 2 limtiam mas yus lub cev thiaj mam li tsim cov antibodies los pov puag yus thiab tua tus kab mob virus no, tab cov kev tiv thaiv no tsis yog yuav pab kom yus tsis txhob kis tau tus mob no hlo li lawm thiab. Dry Kylie Quinn uas yog ib tug kws paub zoo txog tib neeg lub cev cov kev tua kab mob (immunologist) tshab txhais rau SBS tias cov tshuaj vaccine no pov puag tau 3 theem sib txawv li hauv qab no:
Theem 1 - tiv thaiv kom tsis txhob kis tus mob no
Theem 2 - tsis muaj peev xwm tiv thaiv kom yus tsis txhob kis tus mob no, tab sis tej zaum yuav pab kom txhob ua mob rau yus
Theem 3 - tsis muaj peev xwm tiv thaiv tau kab mob tab sis kuj tsis ua rau yus mob sab sab heev
Tag nrho cov tshuaj Covid-19 vaccines nod ces hno dawb xwb
Yeej hno tej tshuaj vaccines no dawb rau tag nrho txhua txhua tus pej xeem Australia, tej neeg nyob ruaj, thiab tag nrho tej neeg thov tau visa tuaj rau teb chaws Australia. Tsis hais tej neeg no yog tub kawm, tuaj ua hauj lwm, thov cov skilled migrant visa, tuaj xyuas lawv tsev neeg, tej txij nkawm, neeg thoj nam, neeg tawg rog, thiab tej neeg tau cov visa pov puag, cov neeg tau txais cov visa humanitarian visa (cov visa tuaj nyob Australia vim raug nom tswv tsim teeb meem yuav lawv txoj cai, raug tsim txom), cov visa tuaj nyob tej zos cheeb tsam ntug nroog, thiab cov visa pub rau cov neeg ntawm teb chaws New Zealand tuaj rau teb chaws Australia ces yog cov neeg uas muaj cai hno tau cov tshuaj COVID-19 vaccine dawb xwb.
Tej neeg ntiag tug uas raug kaw hauv tej chaw kaw neeg los kuj muaj cai hno tej tshuaj no dawb tib yam thiab, suav cov neeg uas nom tswv tsis pub visa rau lawv siv tib si nrog.
Txheeb tau SBS tej xov xwm qhia txog kab mob coronavirus ua koj hom lus ntawm sbs.com.au/coronavirus
Txheeb tau tsoom fwv Australia tej xov xwm qhia txog kab mob coronavirus tau ntawm:
- Department of Health - cov xov xwm qhia txog tshuaj Covid-19 Vaccine
- Department of Home Affairs - cov xov xwm qhia txog kab mob Covid-19
- Tej neeg ntawm Australia yuav tsum nyog kom nrug ntawm lwm tus yam tsawg li 1.5 metres
- Yog koj muaj tej yam ntxwv mob khaub thuas ces nyob hauv tsev thiab npaj mus sim
- Xav kom txheeb tej xov xwm thiab kev taw qhia ntawm tej xeev koj nyob li xeev: , , , , , , .
