Thiaj tau muaj cov kev ceeb toom rau tej neeg Australia txog neeg phem ib cov kev ntxias dag sawv daws tshiab uas ua txoj dag tias yog ib co xo xa ntawm Australia ib lub tuam txhab nyiaj loj tuaj rau yus tej xov tooj thiab txhob txwm xav nyiag yus tej xov xwm ntiag tug.
Lub txhab nyiaj National Australia Bank (NAB) tau ceeb toom txog cov pop-up SMS scam no hnub zwj Feej (Wednesday) no tias tau muaj nws ib tug customer tau txais tej message no limtiam dhau los. Tab sis lub txhab nyiaj no kuj tsis qhia tias seb nws puas paub tias ho puas muaj xov xwm dab tsi cej luam ntxiv.
SBS News kuj tau sib txuas lus nrog lub txhab nyiaj NAB ces tau muaj Laura Hartley uas yog tus coj uas sab laj txog cov kev ruaj ntseg rau NAB tau sau ib co ncauj lug tias:
Cov Pop-up SMSes — ces yeej yog ib cov sytem siv tau raug kev raug cai ntawm tej tsoom fwv txawv teb chaws coj los xa tej kev ceeb toom ti tes ti taw qhia zej tsoom — ces tau raug tej neeg ua txhaum cai nyiag coj mus siv coj los ntxias dag neeg Australia.NAB security advisor Laura Hartley
Cov scam pop-up SMS uas pom ntawm lub txhab nyiaj NAB ib tug customer hais kom hu rau ib tug xov tooj. Credit: NAB/Screenshot
Yuav txheeb tau cov pop-up SMS scam li cas
NAB tau qhia tias tau muaj ib tsab xo (SMS) ntawm nws ib tug customer lub locked phone screen thiab cia li ua rau nws lub xov tooj siv tsis tau txog rau thaum nws nyem lub pob dismissed tso mam li siv tau.
Lub txhab nyiaj kuj tsis nrog nws tej customer uas siv cov pop-up SMS messages tham dab tsi, thiab Hartley tau hais tias tej neeg phem tau tab tom siv lub tswv yim los los dag tej neeg kom qhia lawv tej logins password, tej PIN codes los yog kom them ib yam dab tsi.
Yog tias koj tsis paub tseeb tias puas yog tej xo (SMS) uas lub txhab nyiaj NAB xa tuaj rau yus, ces kom hu xov tooj rov qab rau lub txhab nyiaj no raws li qhov yus nrhiav tau hauv lawv lub vas sab los yog hu rau tus xov tooj sab nram qab ntawm yus daim bank card ntawd.NAB security advisor Laura Hartley
Hartley tau hais tias yus muaj peev xwm cej luam qhia cov pop-up SMS cuav rau NAB paub, los yog muaj peev xwm qhia rau yus lub tuam txhab xov tooj paub.
Tsis tas li ntawd los yus kuj muaj peev xwm cej luam qhia rau lub koom haum pov puag tej neeg yuav khoom siv thiab tswj tej lagluam cov kev sib tw lagluam (Australian Competition and Consumer Commission - ACCC) ntawm nws lub Scamwatch website tau.
NAB tau piv tias cov pop-up SMS yog ib co kev ntxias dag tshiab uas tej neeg phem ua txoj dag tias yog tej xo xa ntawm tej txhab nyiaj tuaj uas yeej xub xa text messages tuaj ntxias dag tej neeg kom hu xov tooj rau lawv, los sis kom nyem rau ib qho link twg kom thiaj dag tau lawv.
Cov pop-up message no ces yeej tsis raug khaws cia kiag tam sid rau hauv lub xov tooj qhov chaw khaws cov message (SMS inbox), ces thiaj nyuaj zog rau tej neeg cej luam qhia thiab yog ib co twj muaj fwj chim heev rau tej neeg ua txhaum cai.Raws li lub txhab nyiaj NAB tau hais ntawm nws lub vas sab.
Xyoo 2024 ces yeej muaj neeg txog li 77,365 tus tau qhia rau Scamwatch tias tau muaj tej neeg phem xa text message mus dag lawv. Thiab kuj yog lub tswv yim ob uas tej neeg phem nyiam siv tshaj plaws coj los nrog ib tug neeg uas lawv yuav dag ntawd sib txuas lus, uas tau ua rau tej neeg raug dag poob nyiaj txog li ntawm $14 million.
Tsis tas li ntawd ntxiv los lub txhab nyiaj NAB kuj tau qhia tias yeej muaj tej xov xwm cej luam qhia tias tau muaj tej xwm txheej neeg phem ua txoj dag tias lawv yog cov neeg tuaj ntawm tej txhab nyiaj tuaj dag tej neeg tau muaj tsawg txog 45 feem pua txij li xyoo 2023-24 lawm.
SBS News tau sib txuas lus nrog ACCC tab sis nws kuj tsis tawm tswv yim dab tsi.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm , , , los yog . Download thiab mloog , caum Pod follw los yog lwm cov podcasts platforms (, ).
