Ntsiab lus tseem ceeb:
- Muaj tej neeg kis tau kab mob COVID-19 thiab kab mob khaub thuas coob tuaj ntxiv thoob Australia lawm.
- Muaj neeg Australia coob heev tseem tsis tau mus hnob koob tshuaj COVID booster, thiab twb dhau caij hno ntev lawm.
- Lub koom haum Australia Medical Association (AMA) thiaj tab tom nqua hu kom neeg Australia kav tsij mus hno lawv cov tshuaj COVID booster thiab hno cov tshuaj tiv thaiv khaub thuas ua ke.
Tab tom yuav muaj phaum kab mob COVID-19 tsib (5) sib kis rau lub caij ntuj no nod lawm, ces thiaj tau muaj kev nqua hu kom neeg Australia mus hno lawv cov tshuaj COVID-19 booster dose thiab cov tshuaj hno tiv thaiv kab mob khaub thuas.
Twb ntev tshaj rau (6) hli lawm txij li tej neeg Australia feem coob tau hno lawv koob tshuaj , thiaj tau ua rau muaj kev txhawj xeeb tias tsam yuav rov qab muaj phaum kab mob tsib (5) sib kis dua tshiab ntawm lub teb chaws no.
Ces thiaj pom tau tias muaj tus zauv nrab ntawm tej neeg txog li 5,517 tug tau kis tau tus kab mob COVID-19 rau ib hnub twg rau hnub tim 30 lub 5 hlis ntuj ntawd, uas yog tus zauv ntau tshaj ob npaug yog piv rau tej neeg kis tau tus mob no rau lub 3 hlis ntuj dhau los.
Tej neeg los kuj kis tau tus mob khaub thuas coob ntxiv tuaj txog li 17,277 tus rau lub caij tim 15 txog tim 28 lub 5 hlis ntuj dhau los no, thiab muaj tej neeg no kis tau tus mob no ntau tshaj ob npaug yog piv rau tej uas kis tau tus mob no ob limtiam dhau los.
Steve Robson uas yog tus coj ntawm lub koom haum Australian Medical Association (AMA) thiaj tab tom nqua hu kom neeg Australia mus hno lawv ob koob tshuaj ua ke li - COVID-19 booster thiab tshuaj vaccine tiv thaiv khaub thuas (flu vaccine).
Raws li lub koom haum AMA hais ces muaj neeg Australia coob tshaj 16.5 million tus yeej tseem tsis tau hno koob tshuaj COVID-19 booster shot rau lub sij hawm ntev tshaj 6 hli lawm.
Dr Robson tau qhia rau hnub zwj Teeb (Thursday) tias "Lub caij kaw zejzog thiab txwv twb dhau mus lawm, thiab yeej nkag siab tias tej neeg tseem nkag siab yuam kev tias tau txais kev nyab xeeb lawm, tab sis raws li tej xov xwm tshiab qhia ces yeej tseem muaj ntau txheeb tus neeg Australia kis tau tus kab mob virus no txhua hnub."
"Yog li ntawd cov kev tau hnob ob koob tshuaj li COVID-19 booster thiab flu shot tib lub caij ua ke no thiaj yog ib txoj xub ke zoo thiab tau txais kev nyab xeeb uas yuav pov puag kom yus tsis txhob kis tej kab mob viruses no xwb."
"Peb tab tom pom tias muaj neeg kis tau khaub thuas thiab kab mob COVID coob heev, ces thiaj yuav ua rau raug kev phom sij rau lub caij ntuj no nod, hais tsis ntsees rau tej laus neeg los yog tej neeg uas lub cev tsis muaj zog ntawd."
Dr Robson los kuj tau nqua hu kom tej niam txiv ua tib zoo xyuas kom tau txais kev pov puag rau lawv tej me nyuam thiab.
"Raws li peb paub lawm, ces tej me nyuam hnoob nyoog qes dua 5 xyoos yeej tsis tshuaj kis tau tus kab mob COVID-19 no pes tsawg, tab sis tus kab mob khaub thuas yog ib tug uas yuav ua rau muaj teeb meem loj heev rau lawv, yog li ntawd thiaj tseem ceeb uas xav kom hno tshuaj tiv thaiv khaub thuas rau lawv kom sai npaum li sai tau."
rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm ,, , thiab los yog download thiab
kom koj mloog tau SBS Hmong.
