Ntsiab lus tseem ceeb:
- Tej txhab nyiaj uas tsis kub siab pab tej customers qev nyiaj siv kom them tau tej nyiaj qev ntawm lawv siv them tau rov qab yuav raug teev npe thiab yuav ua rau lawv poob ntsej muag.
- Tej cai tswj tej txhab nyiaj raug kho tshiab no yeej tau kho lub ntsiab lus ntawm cov kev pab cuam rau tej customers thiab tej lagluam me ntau tshaj 10,000 lub thiab tau nce lawv cov nuj nqe tias pub tiv npaum li cas ntxiv.
- Tej cai tshiab no tau txhawb nqa kom sawv daws muaj feem koom siv, thiab nqua hu kom tej txhab nyiaj yuav tsum nrhiav neeg txhais lus pab thiab tsim cov accounts uas tsis sau nqe dab tsi siv.
Tej txhab nyiaj yuav raug teev npe thiab yuav poob ntsej muag yog tias lawv tsis kub siab nrog xyuas kom tsim tau cov kev pab cuam txaus coj los pab rau tej customers uas ntsib teeb meem nyiaj txiaj rau lub caij tseem muaj nuj nqes siv ua lub neej kim tuaj ntxiv.
Tau muaj tej xwm txheej no tom qab tau muaj 'ib lub ntawm tej txhab nyiaj loj' tau raug tib tsis ntev los no tias tseem tau tsub tej nqe rau tej customers uas twb tas sim neej los yog tseem tsub tej nqe rau tej customers thaum uas nws cia li muab nws ib co ceg txhab nyiaj twg kaw kiag tam sid lawm.
Australia lub koom haum sawv cev rau tej txhab nyiaj (Australian Banking Association) tau kho dua tej cai tswj tej txhab nyiaj tej hauj lwm no thiab tau piv siv tej cai kho dua tshiab no txij hnub zwj Kuab (Friday) no uas muaj lub hom phiaj txhawb nqa kom muaj txoj kev ntseeg siab rau tej txhab nyiaj thiab coj los ua ib co kev pov puag tej customers.
Ces thiaj tau kho me ntsis rau tej ntsiab lus ntawm tej cai tswj tej lagluam me tshiab li yuav pov puag tej lagluam 10,000 cov ntxiv thiab kho lub ntsiab lus ntawm cov kev pab cuam tej neeg txom nyem nyiaj txiaj kom nthuav dav tshaj qub ntxiv.
Tsis tas li ntawd los tej lagluam yuav muaj cai tiv nuj nqe ntau tuaj ntxiv txog $2 million uas ntej lawv yuav tsis muaj cai raug xam tias yog cov lagluam me raws li tej cai kho dua tshiab no.
Anna Bligh uas yog tus coj lub koom haum no tau hais tias tej cai kho dua tshiab no yog ib co cai yuav coj los siv thoob plaws thiab qhia rau lwm tus kom paub tseeb tias tej customers cia siab tias tsim nyog lawv tej txhab nyiaj ua dab tsi.
Bligh tau hais tias "Tam sim no ces yeej paub meej tseeb dua lawm tias tej txhab nyiaj yuav pab tej customers uas txom nyem nyiaj txiaj li cas lawm, li yuav tau npaj cov program coj los pab tej neeg txom nyem nyiaj txiaj kom lawv rov qab muaj peev xwm ua tau lub neej li qub.
"Thiaj yog tej yam xyuas kom muaj cov kev luj haum ntawm cov kev tsim tej kev pov puag tshiab thiab kho ntau yam kom tau taub yooj yim thiab siv tau — tsis yog tias siv rau tej neeg ua hauj lwm rau tej txhab nyiaj xwb tab sis kom siv tau rau tej customers thiab tej neeg sawv cev rau lawv tib si thiab.''
Ces tej ntsiab cai raug kho dua tshiab no thiaj teev txog tej hauj lwm tshiab uas yuav kub siab ua kom tau li xyuas kom sawv daws muaj feem koom siv tau thiab kom muaj peev xwm siv tau, piv txwv li muaj cov kev npaj tej kev pab cuam sab nrauv li nrhiav neeg txhais lus pab rau tej neeg tsis tshua paub lus Askiv zoo.
Tsis tas li ntawd los yeej taw qhia kom yuav tsum xyaum thiab qhia tej neeg ua hauj lwm kom ras txog thiab lees paub thaum tej customers yuav yog cov neeg uas muaj cai tau siv cov phau ntawv siv nyiaj (accounts) uas tau them nqe tsawg los sis tau siv tej accounts uas tsis tau them nqe dab tsi.
Ces tej txhab nyiaj uas tseem yuam tej cai no yuav raug teev npe thiab yuav ua rau lawv puas koob npe uas yog ib co kev rau txim hnyav tshaj plaws rau tej txhab nyiaj, uas txawm tias tsis yog ib co cai uas coj los siv raws kev raws cai kiag tab sis yeej raug tsim coj los siv kom muaj txoj kev ntseeg siab thiab txhawb nqa kom muaj txoj kev dawb huv.
Lub txhab nyiaj ANZ ces yeej raug teev npe thiab ua rau nws puas koob npe lub 7 hli ntuj cuam tshuam txog cov kev txhawj xeeb thiab cov kev tsis uas raws tej cai tom qab uas nws tau tsub nqe rau tej customers tas sim neej kom them thiab tsis kub siab rov qab thim tej nqe no rov qab kom sai raws li qhov tsim nyog.
Lub txhab nyiaj Westpac los kuj raug ntuas kom nws yuav tsum tau kub siab tshaj qub ntxiv rau tej kev pab cuam uas pab tsis tshua txaus rau nws tej customers ntawm xeev Northern Territory lub zos Tennant Creek tom qab uas nws tau muab nws ib ceg txhab nyiaj kaw lub 6 hli ntuj.
Ces pawg rooj saib xyuas uas tswj tej cai no (The Banking Code Compliance Committee) teh zaum thiaj yuav cej luam qhia cov kev ua txhaum loj los yog pheej ua txhaum tas mus li rau Australia lub koom haum tswj tej shares thiab nqes peev lagluam (Australian Securities and Investments Commission) paub thiab.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm , , , los yog . Download thiab mloog , caum Pod follw los yog lwm cov podcasts platforms (, ).
