Ntsiab lub tseem ceeb:
- Tsoom tau haiv kom muab lub AI chatbot DeepSeek app tshem tawm kiag tam sim no.
- Lub tuam chav Home Affairs tau ua tus los hais kom txwv tsis pub tsoom fwv tej neeg ua hauj lwm siv lub app no tom qab ''tau ib cov xov xwm tias tsam tsis tau txais kev ruaj ntseg''.
- Nkag siab tias SBS, ABC thiab NBN kuj raug zam tsis raug txwv.
Nom tswv Australia tau hais kom tej neeg ua hauj lwm rau nws cia li muab Suav lub AI chatbot DeepSeek lwv kiag tawm tam sid ntawm txhua cov devices tsis txhob siv rau lub caij nws txwv tsis pub nws tej neeg ua hauj lwm siv txij 10:30 pm hnub zwj Quag (Tuesday), thaum tau muaj kev taw qhia ntawm lub tuam chav Home Affairs tias ''yuav tsis tau txais kev nyab xeeb rau tej neeg siv tej xov xwm'' los ntawm Australia tej chaw soj xwm qab rooj.
Tony Burke uas yog tus nom tswj lub tuam chav Home Affairs tau hais tias "Artificial Intelligence (AI) yeej yog ib co technology uas yuav tau txais txiaj ntsim ntau yam thiab yog ib co cib fim — tab sis tsoom fwv yeej yuav kub siab los nrog xyuas yog thaum peb tej tuam chav txheeb tias tsam yuav tsis tau kev ruaj ntseg rau peb haiv neeg. Peb lub tswv yim ces peb ntseeg tias tsis muaj ib lub teb chaws yuav paub tseeb thiab yuav tau kub siab xyuas kom tsis txhob raug kev phom sij rau tsoom fwv Australia thiab peb tej peev txheej.''
Thiaj tau muaj cov kev txwv no tom qab Australia lub tuam txhab cyber security Cyber CX tau ceeb toom tias tsam lub DeepSeek app — khaws tej neeg siv tej xov xwm — uas yeej "yuav laug ntseeg tau tias ... tsam raug tsoom fwv Suav txib kom ua thiab tswj.''
Txawm tsoom fwv tau txwv tsis pub siv lub app no rau nws tej twj txhua yam los kuj tsis txwv zej tsoom dab tsi, tab sis yeej nqua hu kom neeg Australia ceev faj txog ''lawv tej xov xwm ntiag tug uas lawv siv qhia rau lwm tus hauv online.''
Tau muaj tej xwm txheej no tom qab lub 4 hlis ntuj xyoo 2023 uas tsoom fwv tau txwv Suav lub app TikTok rau tib lub caij ntawd vim txhawj tsam tsis tau txais kev ruaj ntseg haiv thiab.
Tab sis kuj tsis txw zej tsoom tej chaw nthuav xov xwm li SBS thiab ABC los yog NBN.
Muaj cov kev txwv rau lub caij ntiaj teb muaj cov kev sib tw AI muaj ceem tuaj ntxiv
Tsoom fwv tau txwv tsis pub siv lub DeepSeek app tom qab tau ib limtiam uas tau muaj neeg mus download ntawm Apple Stores siv coob heev, uas tau ua rau ntiaj teb tej stock market poob nqe thiab tau ua rau .
Tib hnub ntawd los Tony Haymet uas yog Australia tus chief scientist tshiab hais tias DeepSeek yog ib cov piv txwv ''qhia rau peb tias technology muaj peev xwm tsim tau teeb meem li cas.''
Nws tau qhia rau tej neeg nthuav xov xwm tias "Lub tuam txhab startup ntawm Shanghai uas muaj ib co hluas tshaj lij hnoob nyoog 22 xyoos yam tsis tau siv ntiaj teb cov chips zoo tshaj plaws, li Nvidia tej, zoo li cia li muaj peev xwm los tsim tau ib yam dab tsi uas zoo tshaj tej uas tej teb chaws vam meej tej tuam txhab zoo tshaj plaws muaj peev xwm tsim tau.''
Lub caij uas muaj neeg kub siab txog DeepSeek heev, kuj tau muaj ib cov lus cav tias tej neeg tsim lub app no siv nyiaj tsawg tshaj tej uas Meskas tej tuam txhab tsim, li cov OpenAI, vim nws siv tej chips zoo heev tsawg dua.
Meskas los kuj tau muaj cov kev txwv ua ntuv zus tsis pub muag tej chips zoo rau Suav tuam tshoj.
Industry Minister Ed Husic uas yog Australia tus nom tswj cov hauj lwm Industry tau hais tias ntiaj teb cov kev sib tw kom ras los ua tus muaj peev xwm tshaj plaws rau sab txuj technology yeej tsis yog ib co xwm txheej tshiab dab tsi.
Nws tau hais tias "Qhov tseeb ces yeej muaj cov kev sib tw tsim thiab txhim kho tej artificial intelligence. Thiab yeej tau muaj cov kev sib tw no ua ntuv zus txij tom qab tsov rog ntiaj teb zeeg ob los lawm,''
"Suav yeej tau tsim tau nws ib co siv uas nkag siab tias lawv tej neeg yuav khoom siv yuav ris tej txiaj ntsim rau lawv tej xub kaw khaws tej data thiab tswj tej neeg tej privacy,''
"Tab sis tej no puas yog tej khoom uas yuav muaj peev xwm xa tau muag txawv teb chaws los yog puas yuav muaj neeg siv lwm qhov chaw? Kuv xav tias tseem yog ib lo lus nug tseem ceeb.''
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab mloog tau caum los yog lwm cov podcast platforms (, , thiab ).
