Tau rov qab muaj ib tug txiv neej tshiab uas tau mus rau thaj chaw Bondi Junction Westfield ntawm xeev New South Wales (NSW) kis tau kab mob COVID-19 lawm.
Thiaj tau ua rau nom tswv xeev tau teev 2 lub zos li Northmead thiab Zetland ntxiv rau ntau thaj chaw uas ntseeg tias yog tej chaw uas tej zaum yuav muaj neeg kis tau kab mob.
Yog koj xav txheeb seb cov chaw twg ntawm xeev NSW uas tej zaum muaj neeg kis kab mob COVID-19 yog cov chaw twg ces .
Ces thiaj tau ua rau xeev Western Australia, South Australia thiab Tasmania kaw lawv cov ciam teb tsis pub ib tug neeg twg ntawm Sydney tej zos muaj neeg sib kis kab mob mus rau lawv tej xeev hlo li lawm. Hos Victoria los kuj tau kaw ciam teb tsis pub tej neeg ntawm Sydney tej zos li hais ntawd mus rau nws lub xeev thiab.
Gladys Berejiklian uas yog hau xeev NSW hais tias cov CCTV footage yeej tau qhia tias tau muaj cov kev sib kis tus kab mob no rau lub caij tus neeg no tau ntsib lwm tus neeg sai sai xwb.
Ces tej zaum thiaj yuav rov qab kho dua tej chaw uas tej zaum yuav kis tau kab mob ntxiv thiab tam sim no ces tej zaum kuj yuav muaj cov xwm txheej uas tau mus nyob ib ncig ze tus neeg kis tau COVID-19 no xam tam li yog ib cov kev tau nyob ze nrog tus neeg kis tau kab mob COVID-19 lawm.
Ms Berejiklian thiaj hais tias lub sij hawm 5 hnub ntxiv no yuav yuam kom tej neeg ntawm nroog Sydney uas caij public transport yuav tsum tau siv ntaub npog qhov ncauj - thiab yuav tso cai ua tau tej koom txoos muag pib rau tej neeg mus koom tau thiab.
"Peb thiaj tsis xav kom ib tug twg ncua tsis mus koom ib cov koom txoos twg. Peb tsis xav kom ib tug twg ncua los yog mus koom tsis tau tej koom txoos dab tsi uas lawv twb yuav pib tag lawm. Tab sis yuav tsum ua tib zoo xyuas kom zoo tsis hais yuav yog tej tswv cuab tswj koom txoos los yog ib tug twg uas mus koom tej koom txoos ntawd yuav tsum ua raws li tej kev taw qhia uas peb twb tau qhia rau nej lawm, thiab ua raws li tej tswv yim COVID Safety plans. Txawm tej safety plans no pab tau peb ntawm New South Wales no zoo los yog tias tag nrho peb sawv daws ua qhov tsim nyog ua, ces peb yuav muaj peev xwm ntxeem dhau 2-3 hnub ntxiv tom ntej no kom thiaj tsis txhob muaj cov kev txwv dab tsi ntxiv coj los txwv rau peb tej pej xeem ntxiv lawm," raws li Ms Berejiklian tau hais.
- Tej neeg ntawm teb chaws Australia yuav tsum nyob kom nrug ntawm lwm tus neeg yam tsawg li 1.5 metres. Txheeb seb koj lub xeev ho muaj cov kev txwv tsis pub neeg sib sau ua ke li cas ntxiv.
- Yog tias koj tau khaub thuas thiab muaj yam ntxwv mob lawm ces nyob twj ywm hauv tsev, thiab npaj hu nrog koj tus kws kho mob tham los yog hu rau lub chaw tswj xov xwm txog tus kab mob coronavirus (Coronavirus Health Information Hotline) tus xov tooj 1800 020 082 tham seb yuav ua li cas.
- Mloog tau xov xwm txog tus kab mob COVID-19 ua 63 hom lus tau ntawm
- Xav kom koj yuav tsum tau mus txheeb tej nom tswv ntawm koj lub xeev: , , , , , , cov kev taw qhia ntxiv.
rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm ,, , thiab los yog download kom koj mloog tau SBS Hmong.
