Balance of power: Yog lub fwj chim ntawm ib pab nom me los yog ib pawg nom ywj pheej uas cov pab nom loj xav tau lawv cov kev pab kom tsim tau tus tsoom hwv tshiab.
Ballot: Ib cov kev xaiv tsa uas tsis muaj neeg paub tias yuav xaiv tus nom twg los yog pab nom twg, tab sis feem ntau yeej yog tham txog daim ntawv xaiv nom los yog lub tub rau cov ntawv xaiv nom ntawd.
Ballot paper: Yog ib daim ntawv xaiv tsa uas teev cov nom sawv cev pej xeem tej npe thiab lawv pab nom uas cov neeg xaiv nom yuav tau kos los yog xaiv seb lawv nyiam leej twg rau ib cov kev xaiv tsa twg. Nyob rau Australia cov kev xaiv tsa tsoom hwv teb chaws ntawd ces yeej muaj 2 daim ntawv xaiv tsa xws li; ib daig yog xaiv cov nom ntawm tsev kis xeev qes (House of Representatives) hos daim 2 ces yog xaiv cov nom ntawm tsev kis xeev siab (Senate).
Bellwether seat: Yog cov kev tshab txhais txog cov kev xaiv tsa ntawm ib lub zos uas cov neeg xaiv nom tswv tau xaiv ib tug nom ntawm pab nom yeej kev xaiv tsa los ntawm ntau cov kev xaiv tsa.
Bicameral: Yog cov kev muab Australia lub tsev tsoom hwv cai ua 2 lub xws li tsev kis xeev qes (House of Representative) thiab tsev kis xeev siab los yog (Senate).
Blue ribbon seat: Ib pawg neeg muaj cai xaiv nom uas yeej ib txwm xaib ib tug nom twg los yog ib pab nom twg los tau ntev lawm, thiab yeej paub tias yog ib lub rooj nom uas te neeg yeej yuav xaiv ib pab nom twg lawm xwb.
Canvassing: Cov kev mus ntsib kiag cov neeg xaiv nom seb lawv puas tig los xaiv ib pab nom twg piv txwv li mus khob tej neeg xaiv nom qhov rooj thiab nrog lawv tham tim ntsej tim muag kiag.
Coalition: Yog cov kev sib sau ntawm 2 pab los yog ntau pab nom los koom tsa ib tug tsoom hwv los yog los ua pab nom lwm pawg fai kum xeeb. Nyob teb chaws Australia no ces pab nom coalition no yog pab nom Liberal thiab National los sib koom tswj xwb.
Conservative: Yog ib tug neeg los yog ib tug nom uas xav kom txhua yam zoo li qub tsis nyiam pauv hloov tshiab, txhawb nqa tej kab lis kev cai thiab kev coj taug zoo thiab tsis nyiam kom tsoom hwv raus tes. Feem ntau mas yeej paub tias yog cov 'right', 'right wing', 'right of centre' ntawm tej laj fai kum xeeb (Politics).
Deficit: Qhov sib txawv ntawm tej nyiaj se tsoom hwv sau tau thiab tej nyiaj nws siv rau ib lub caij twg. Thiab cov kev daws cov teeb meem deficit no yog ib cov hauj lwm tseem ceeb heev.
Dog-whistle politics: Ib tsab xo laj fai kum xeeb uas tej zaum yauv muaj ib lub ntsiab lus dab tsi rau ib pawg neeg twg tab sis kuj yog ib lub ntsib lus txawv rau ib pawg neeg twg tsi ntsees thiab. Feem ntau yog siv coj los tib tsis pom zoo nrog ib tsab cai twg cuam tshuam txog tej cai coj taug ua zoo twg tab sis txhob txwm xav ua kom cov neeg nyiam cov kev pauv hloov uas muaj cai xaiv nom ntawd kub siab heev. Tab sis feem ntau ces Australia tej laj fai kum xeeb yeej ib txwm siv qhia txog txoj kev kub siab thiab tej lus tawm tswv yim cuam tshuam txog tej cai tswj cov kev tsiv teb tsaws thiab tej neeg thoj nam tawg tsov tawg rog.
Elector: Yog txhua tus neeg uas muaj cai xaiv nom rau ib cov kev xaiv tsa twg.
Electoral roll: Yog ib cov npe ntawm cov neeg uas tau mus teev npe kom muaj cai xaiv tsa hauv teb chaws Australia. Australia lub koom haum tswj kev xaiv tsa (Australian Electoral Commission -AEC) yog tus teev xwm tej neeg no cov npe.
Electorate: Yog thaj chaw los yog lub rooj nom uas xaiv ib tug nom sawv cev rau pej xeem mus ua hauj lwm hauv tsev tsoom hwv. Teb chaws Australia yeej muaj 150 lub rooj nom hauv tsev tsoom hwv qes. Thiab ib thaj chaw twg los yog ib lub rooj nom twg yeej muaj pej xeem txog li 150,000 tus los yog muaj tus zauv nrab txog li 100,000 tus.
Freedom of speech: Yog txoj cai ntawm ib tug neeg twg muaj cai tawm tau tswv yim txog teb chaws los yog tej laj fai kum xeeb yam tsis raug txwv dab tsi los yog tsis raug yuam thiab tsis tas ntshais tias tsam raug txwv kom tsis txhob hais dab tsi.
Sim teb cov lus nug txog Australia tej laj fai kum xeeb seb koj paub zoo npaum li cas:
est your knowledge of Australian political language with an Aussie political jargon quiz.
Favourite: Yog ib tug sib tw ua nom twg uas tej zaum yuav yeej cov kev xaiv nom los yog ib tug neeg uas ib pab nom twg xaiv los sib tw ib lub rooj nom twg rau ib pab nom ntawm ib cov kev xaiv tsa twg.
Gerrymander: Yog ib pawg neeg xaiv nom uas yuav tau txais txiaj ntsim rau ib pab nom twg los yog ib cov neeg xaiv nom twg.
Grassroots: Yog tej pej xeem uas txhawb nqa ib lub koom haum twg los yog ib pab nom twg uas feem ntau lawv paub tias yog cov chaw tiag tawg los yog 'the base' ntawd.
The House of Representatives: Yog lub tsev kis xeev qes (The lower house of the Parliament of Australia) uas muaj 150 tus nom uas raug pej xeem Australia xaiv los sawv cev rau lawv tej zos los yog 'electoral division thiab electorates' li sawv daws paub.
Hung parliament: Yog cov xwm txheej uas tsis muaj ib pab nom twg yeej cov rooj nom feem ntau uas yog 76 lub rooj nom ntawm tag nro 150 lub ntawm tsev kis xeev qes.
Hustings: Yog zej tsoom ib cov kev sab laj uas cov neeg sib tw ua nom los qhia lawv tej cai rau pej xeem rau lub caij nrhiav suab xaiv tsa ntawd.
Incumbent: Yog ib tug neeg uas yeej tswj ib lub rooj nom twg lawm.
Informal vote: Yog ib cov kev xaiv tsa uas tsis suav nrog cov kev xaiv tsa vim tej neeg sau cov ntaub ntawv xaiv tsa yuam kev los sis tsis yog lawm, los yog txhob txwm ua yuam kev coj los ua ib cov kev tawm tsam.
Independent: Yog ib tus nom los yog ib tug neeg sib tw xaiv nom uas tsis koom thiab tsis zwm nrog ib pab nom twg tab sis yog ib tug nom ywj pheej tuaj nruab nrab tsis nce rau pab nom twg.
Interest group: Yog ib pawg neeg uas kub siab qes tes los ua ib yam dab tsi, pov puag lawv ib yam txiaj ntsim dab tsi los yog tawm tsam txog lawv ib cov kev txhawj xeeb dab tsi.
Kingmaker: Yog ib pab nom me los yog ib tug nom kum xeeb ywj pheej uas muaj lub fwj chim tseem ceeb yuav txiav txim koom nrog ib pab nom loj twg kom tsim tau tus tsoom hwv tshiab thiab kom yeej cov kev xaiv tsa. Tab sis lawv tau cov rooj nom tsis txaus, ces thiaj yuav tau tos cov pab nom me los yog cov nom ywj pheej los pab thiab lawv kuj yog ib lub fwj chim tseem ceeb heev hauv tsev tsoom hwv.
Landslide victory: Yog ib cov kev xaiv tsa uas muaj neeg xaiv ib tug nom twg ntau tshaj plaws los yog xaiv ib pab nom twg ntau tshaj plaws thiaj ua rau lawv yeej cov rooj nom ntau dua lwm pab nom lawm.
Marginal seat: Yog ib lub rooj nom ntawm ib pab nom uas tseem ceeb heev kuj yuav yeej thiab pab kom ib pab nom twg yeej cov kev xaiv tsa los yog yuav swb lbu rooj nom ntawd rau lwm pab nom thiab ua rau ib pab nom ntawd swb cov kev xaiv tsa los kuj tau.
Moderate: Yog ib tug neeg los yog ib tug neeg los sib tw xaiv nom uas tsuas tawm tswv yim thiab muaj cov kev xav xws teb xws chaw xwb tsis yog cov nyiam coj li qub los yog cov xav muab txhua yam hloov thiab kho tshiab kom tag.
Mudslinging: Yog ib co kev hais tej yam tsis zoo txog lwm pab no rau lub caij sib tw nom los yog 'dirty politics'.
Multiculturalism: Yog ib lub tswv yim nyiam kom muaj ntau cov kab li kev cai muaj feem koom kom lwm tus ho tau kawm thiab paub txog lawv tej zaub mov, paj nruag, txuj ci thiab dab neeg, lus thiab kab lis kev cai kom lwm tus txhob totaub yuam kev thiaj tawm tsam tau nrog cov kev faib cai ntxub ntxaug thiab txhob totaub yuam kev rau lwm tus kom thiaj tsim tau lub teb chaws uas tos txais txhua leej txhua tus.
The Left: Yog ib cov koom haum lis laj fai kum xeeb uas los xyuas kom tau txais vaj huam sib luag, tau txais kev ywj pheej los ntawm tej kiabkhw lagluam ywjpheej, uas muaj lub hom phiaj xav muab lub teb chaws cov kev nplua nuj coj lso faib kom sib npaug rau sawv daws. Sawv daws yeej paub tias lub tswv yim no yog lub tswv yim vam meej 'progressive' los yog 'leftie' uas yog ib lo lus sawv daws nyiam hais ua chaw tib ib tug neeg uas txhawb nqa lub tswv yim 'The Left' no.
Liberalism: Yog ib lub tswv yim laj fai kum xeeb uas nyiam kom tej neeg ntiag tug tau txais kev ywj pheej, yog ib tug tsoom hwv tso kev dav thiab txhawb nqa cov lagluam ywj pheej, tab sis muaj lub tswv yim los txhawb nqa tsoom hwv kom los pov puag tej lagluam thiab tej neeg txom nyem.
Mandate: Yog tej nom tswv uas sawv cev thiab pov puag pej xeem tau txiaj ntsim thiab nqes tes los lis tej dej num no sawv cev rau lawv.
Manifesto: Yog ib cov ntaub ntawv teev txog ib pab nom twg txoj kev coj taug ua zoo, tej hom phiaj thiab tej dej nuam nws npaj yuav nqes tes ua yog tias lawv raug xaiv los ua tsoom hwv tshiab. Feem ntau yog cuam tshuam txog ib pab nom twg.
MP: Yog lo lus luv sawv cev rau 'Member of Parliament-MP'. Txhua lub rooj nom ntawm 150 lub ntawd yeej muaj ib tug nom sawv cev pej xeem 'MP sawv cev rau lawv ib cov txhiaj ntsim dab tsi hauv tsev kis xeev qes (House of Representative).
Nanny state: Yog ib lo lus siv coj los tib tsis pom zoo rau ib tsab cai los yog ib lub tswv yim twg ntawm ib tug tsoom hwv uas pov puag los yog raus tes rau ib yam dab tsi nruj heev cuam tshuam txog neeg ntiag tug txoj kev ywj pheej thiab lawv txoj kev xaiv yuav ua ib yam dab tsi ntawd.
Nativism: Yog ib tsab cai pov puag cov neeg txum tim uas yeej ib txwm nyob ntawm ib lub teb chaws twg dua cov neeg tsiv teb tsaws chaws mus nyob lub teb chaws ntawd.
Opposition: Yog lwm pawg fai kum xeeb uas tsis pom zoo nrog tsoom hwv tej cai, tej zaum yuav yog pab nom koom tswj hauv tsev kis xeev qes los yog siab.
Platform: Yog ib cov ncauj lug ntawm ib pab nom uas qhia txog nws tej cai thiab thiab ntau yam hauj lwm uas coj los qhia rau tej neeg paub rau lub caij sib tw nom uas sawv daws yeej paub tias yog 'manifesto' ntawd.
Polls: Yog cov kev nug, teev tseg thiab coj tej lus teb ntawd coj mus tshuaj ntshuam thiab txheeb xyuas rau lub caij sib tw xaiv nom. Peb hu tej neeg los yog cov koom haum los tsim cov polls no hu ua poolsters.
Polling station: Yog cov chaw uas tej neeg mus sau thiab xaiv nom ntawm thaj chaw uas lawv nyob piv txwv li ntawm lub teej kawm, church los yog cov koom haum neeg zejzog 'community centre'.
Political correctness: Lo lus no qee zaus kuj muaj neeg siv luv lus ua ‘PC’ thiab coj los qhia tej lus, tej cai thiab tej xub ke ntau yam kom txhob hnyav rau ib tog siab rau ib tog los yog ua rau ib txhia neeg ntawm lub teb chaws plam txiaj ntsim.
Pork-barrelling: Yog ib sob lus yeej siv tas li rau Australia tej laj fai kum xeeb, uas yog tias ib tug tsoom hwv los ib tug nom raug liam tias ‘pork-barrelling’ no ces yog cov kev cog lus tias yuav pab nyiaj kom ntau ntxiv rau cov rooj nom marginal seats ntau dua thiab yuav tau sib khom nrog cov nom ywj pheej tseem ceeb ntawd.
Postal voting: Yog cov kev qhia txog cov kev xaiv tsa tom qab tau xaiv tsa tag, uas tej neeg muaj cai hais kom nom tswv rov qab xa lawv cov ntawv xaiv tsa rov qab rau lawv. Koj muaj cai mus thov hauv online tau nrog Australia Electoral Commission-AEC lub vas sab tau los yog koj thov tau cov ntawv no tau rau ntawm AEC tej chaw ua hauj lwm rau lub caij sib tw nrhiav suab xaiv nom no tau.
Preferential voting: Yog Australia yog lub teb chaws siv cov preferential system rau cov kev xaiv tsa rau lub tsev kis xeev qes. Txhais tau tias, cov neeg xaiv nom yuav tsum rau cov zaum txhua nrho rau txhua tus neeg sib tw xaiv nom ntawd seb yuav nyiam tus twg ua ntej tshaj plaws. Yog tsis muaj ib tug neeg sib tw nom twg tau cov suab ntau tshaj 50% ces tsuas suav cov tau suab ntau zog xwb tsis suav cov tau suab tsawg. Thiab yeej muaj cov txheej txheem los txheeb xyuas txog rau thaum muaj cov neeg xaiv nom nyiam ib tug nom twg feem coob lawm ces tus ntawd yog tus yeej.
Preference deals: Ces Australia cov pab nom yeej tau cev ntawv rau cov neeg xaiv nom vim lawv xav ua kom muaj neeg nyiam thiab mus xaiv lawv rau tom tej chaw xaiv nom, thiab tau qhia lawv tias cov neeg nyiam tus nom twg dua. Yog li ces thiaj nyob ntawm cov kev sibpom zoo tias seb tsim nyog yuav tau txiaj ntsim rau cov rooj nom zejzog los yog cov rooj nom thoob plaws teb chaws xwb. Thiab cov preference deals yeej yog ib cov kev sab laj tseem ceeb rau lub caij nrhiav suab sib tw xaiv tsa vim yog tej yam tseem ceeb yuav qhia tau tias seb cov kev xaiv tsa yuav zoo li cas hais tsi ntsees rau cov rooj nom marginal seats los yog cov pab nom me dua ntawd.
Prime Minister: Yog tus coj ntawm pab nom yeej kev xaiv tsa, yog tus coj ntawm pab nom loj tshaj plaws uas tau sib koom nrog lwm pab no me tsim tsoom hwv tshiab ntawm cov kev xaiv tsa tsoom hwv teb chaws yog tus tau los ua tus thawj pwm tsav.
Progressive: Yog ib tug neeg los yog ib tug nom uas nyiam cov hloov thiab txhim kho thiab yeej tso kev dav rau tej tswv yim tshiab los kho kom tej cai qub zoo dua tuaj ntxiv. Feem ntau yog cov nom uas nyiam lub tswv yim 'left', 'left wing' los sis 'left of centre' uas cuam tshuam txog tej laj fai kum xeeb ntawd.
Protest vote: Yog ib cov kev xaiv nom ntawm ib tug neeg uas txhob txwm sau kom yuam kev coj los ua ib cov kev tawm tsam tsis xav pab ib pab nom twg, los yog ib tug nom twg.
Populism: Yog ib cov kev tawm tsam ntawm ib pawg neeg uas xav thiab ntseeg zoo tib yam uas txawv tej nom ib txwm muaj. Cov neeg no yeej muaj tej tswv yim tsis hais left thiab right tib sib, tsis pom zoo nrog tej tuaj txhab lagluam loj thiab tej tuam txhab nyiaj loj thiab yeej tssi nyiam cov pab nom uas muaj los ntev ntawd.
Populist: Yog ib los lus siv coj los tib ib tug neeg twg los yog ib pab nom twg uas cav tias lawv sawv cev rau ib cov neeg muaj tib lub tswv yim los yog xav mus tib seem.
Pub test: Yog los lus siv coj los qhia txog Australia tej pej xeem ua lub neej txhua hnub txog tej xwm txheej tshwm sim tshiab, tej nom tswv thiab lawv tej cai. Piv txwv li yog ib cov tswv yim tsis tau txais kev pom zoo los ntawm Australia tej pej xeem no ces yog cov neeg no tsis ntseeg los yog tsis pom zoo rau tej hauj lwm ntawd.
The Right: Yog ib feem ntawm ib pab nom los yog ib lub koom haum los sis ib cov system twg uas tsis nyiam kev pauv hloov thiab nyiam coj li qub.
Seat: Yog ib lub rooj nom. Lub ntsiab chiv keeb yeej tham txog ib thaj chaw twg uas muaj ib tug nom sawv cev rau tej pej xeem ntawd hauv tsev tsoom hwv qes, tab sis tam sim no yeej muaj neeg paub tias yog 'electorate' dua lawm.
Safe seat: Yog ib lub rooj nom uas tej zaum ib tug nom twg los yog ib pab nom twg yeej yuav yeej raws li tau muaj cov kev xaiv tsa dhau los los sis raws li tau muaj cov kev ntsuam xyuas pejxeem cov kev tawm suab lawm.
The Senate: Yog lub tsev kis xeev siab (Senate) ntawm tsev tsoom hwv Australia nrog lub tsev kis xeev qes (House of Representatives) ntawd ua ke thiab. Muaj 76 tus nom ntawm Senate no. Ib lub xeev twg muaj cai xaiv 12 tug nom los sawv cev rau lawv tsis hais muaj pej xeem coob los tsawg, thiab muaj lub lub xeev hu ua 'Territory' uas yog the Australian Capital Territory thiab the Northern Territory tsuas muaj cai xaiv 2 tug nom sawv cev rau ib lub xeev twg xwb. Yog li thiaj li siv tib cov kev xaiv tsa uas xyuas tias seb muaj neeg nyiam tus nom twg ntau dua coj los sawv cev rau hauv tsev kis xeev siab thiab xwb.
Small ‘L’ Liberal: Feem ntau mas siv los lus no qhia txog ib tug neeg twg uas nyiam pab nom Liberal Party lub tswv yim pauv hloov uas txawv cov nyiam coj lus qub tsis nyiam pauv hloov ntawm pab nom no.
Spin: Yog tej dej num sib txuas lus thiab tsim kom muaj kev sub cuag mus los nrog zej tsoom, piv txwv li tshaj xa los yog mus nug thiab nrog zej tsoom tham txog ib cov xwm txheej dab tsi, nrog ib tug nom tham los yog nrog lawv pab nom tham uas tsuas tham tsi ntsees rau lawv tib pab nom tib ntug nom ntawd thiab yeej muaj neeg tau txais tej txiaj ntsim no tsi ntsees rau tej hais no xwb tsis cuam tshuam txog lwm tus lwm pab.
Spin doctor: Yog ib lo lus siv rau ib tug neeg uas tsuas nyiaj ib tug nom twg cov lus los yog cov kev nqes tes lis ib cov dej num dab tsi xwb.
Sound bite: Yog ib lo us luv luv uas tawm tswv yim tas mus li hauv xov tooj cua, TV thiab cov xov xwm online qhia txog ib tug nom los yog ib pab nom twg. Feem ntau mas yog siv coj los tib tias tus nom ntawd cov lus hais tsis muaj laij thawj tsis muaj qab hau dab tsi.
Straw poll: Yog ib cov kev tawm suab los yog ib cov kev teeb txheeb txog ib lub tswv yim uas tej neeg nyiam tawm ntawd.
Swing: Yog cov kev pauv hloov rau cov kev txhawb nqa ntawm cov neeg xaiv nom thoob teb chaws los yog rau ntawm ib lub rooj nom twg. Feem ntau yeej yog tham txog cov feem pua ntawm qhov zoo thiab phem.
Swing voter: Yog ib tug neeg uas tej zaum hloov siab mus xaiv los yog txhawb ib pab nom twg nyob ntawm seb ho muaj tej teeb meem dab tsi los yog cov kev xaiv tsa ntawd ho zoo li cas.
Surplus: Yog ib cov zwj ceeb uas ib tug tsoom hwv sau se ntau dua coj tej nyiaj se ntawd mus siv pab rau zej tsoom. Ua txawv cov nyiaj poob peev (Deficiet) ntawd.
Tactical voting: Yog thaum ib tug neeg xaiv nom twg tsis xaiv pab nom los yog tus nom uas nws ib txwm nyiam tab sis ho mus xaiv lwm tus coj los tiv thaiv kom pab uas yuav yeej ntawd txhob yeej.
Term: Yog lub caij uas cov nom raug xaiv tsa muaj cai los ua nom ntev npaum li cas mus txog rau thaum rov qab los xaiv tsa dua tshiab. Feem ntau cov nom sawv cev rau pej xeem ntawm tsev kis xeev qes MPs (House of Representatives) tsuas muaj cai los ua ib zaug nom xwb.
Two-party-preferred vote: Yog cov kev xaiv tsa los ygo cov kev ntsuam xyuas pej xeem xov kev tawm suab uas tau rau 2 nom ntau tshaj plaws. Two Party Preferred yog tham txog cov feem pua ntawm cov kev xaiv tsa uas raug muab faib rau 2 pab nom teb chaws tseem ceeb li pab nom koom tswj 'The Coalition' thiab pab nom 'Labor Party'.
Ultra-marginal seat: Yog ib lub rooj nom ntawm ib pab nom uas tej zaum yuav yeej los yog swb tau rau lwm pab nom.
Voter turnout: Yog cov feem puag ntawm cov neeg muaj cai xaiv nom uas tau mus xaiv nom ntawd.
Yog li thiaj muaj ntau cov lus uas tej neeg tshaj xovxwm thiab tej nom siv qhia lawv tej xov xwm thiab tej laj fai kum xeeb uas tej pej xeem yeej tsis pom tias muaj txiaj ntsim dab tsi li.
Tsis tas li no los tseem yuav tau siv caij nyoog mam li swm rau tej lus no thiab seb ho muaj lub ntsiab lus li cas tiag rau lub caij nrhiav suab xaiv tsa ces tej neeg thiaj tsis muaj sij hawm txaus los kawm kom paub txog tej lus siv cuam tshuam rau Australia tej laj fai kumxeeb no. Tab sis koj yeej muaj peev xwm txheeb tau ntawm .
Thiab cov kev tau nyeem Australia cov lus cuam tshuam txog cov laj fai kum xeeb no tej zaum kuj yuav pab kom koj totaub tej xov xwm, tej lus tawm tswv yim los yog paub zoo txog tej kev xaiv tsa no tuaj ntxiv los kuj tau.
Lo lus ‘pub test’, yog ib lo siv ntau tshaj plws coj los qhia tias seb pej xeem Australia puas ntseeg ib yam dab tsi, los yog lo ‘dog-whistle politics’, uas yog xa ib tsab xo rau ib pawg neeg twg tab sis ho muaj lub ntsiab lus txawv rau lwm pawg neeg thiab.
Askiv thiab America cov laj fai kum xeeb los kuj muaj feem cuam tshuam loj kawg nkaus rau Australia cov laj fai kum xeeb tej lus ua nws siv thiab, vim Australia yeej siv raws li Askiv cov parliamentary system, tsis tas li no los America tej kab lis kev cai los kuj muaj feem cuam tshuam rau Australia tej laj fai kum xeeb thiab.
‘Nanny state’ yog Askiv ib lo lus uas qhia txog tsoom hwv thiab nws tej cai uas pom tias raus tes rau tej pej xeem txoj kev xaiv yuav ua lawv lub neej li cas thiab tej nom tswv cov kev tham qhia txog lawv tej tswv yim thiab tej cai rau zejtsoom kom nyiam thiab xaiv lawv rau lub caij lawv nrhiav suab xaiv tsa ntawd.
Tsis tas li no tseem muaj neeg paub lo lus 'Nanny state' no tias yog America cov neeg los sib tw ntev heev seb lawv puas yeej tau los ua America tus president thiab.
Hos lo ‘Pork barreling’ ces yeej ib txwm paub tias yog cov neeg American ib lo lus uas tham txog cov kev cog lus tias yuav pab nyiaj rau ib lub rooj nom twg los yog ib pab nom twg yog tias lawv yeej cov kev xaiv tsa.
Lo lus tias 'spin doctor' ces yog ib lo lus siv coj los tawm tswv yim txog cov neeg tawm tswv yim txog 2 pag nom los yog tej neeg uas xav muab tej xov xwm phem tig coj los ua ib cov kev sib raug zoo rau ib pab nom twg.
Yog koj xav tias koj totaub zoo txog Australia cov lus siv rau tej laj fai kum xeeb (Australian political jargon), los yog twb tau nyeem ntawm lawm ces mus sim tau cov lus nug hauv qab no los tau.
