Hnub Friday ces muaj 58 tus neeg tas sim neej ntawm Australia uas muaj 25 tug ntawm xeev Victoria, 15 tug ntawm New South Wales thiab 10 tus neeg ntawm Queensland.
Txheeb tau xov xwm tshiab tias seb muaj neeg tshiab kis tau kab mob COVID-19 npaum li cas, raug coj mus kho ntawm tsev kho mob li cas thiab tas sim neej npaum li cas ntawm Australia .
Lub koom haum Australian Bureau of Statistics yeej tau qhia tias muaj ib tug neeg Australia twg (los yog muaj neeg txog 4.2 million tus) yeej tau ntsib ib yam teeb meem nyuaj siab ntxhov plawv twg rau xyoo 2022-21.
Ntawm 4.2 million tus neg no ces muaj 3.3 million tus yeej tau qhia tias lawv muaj kev nyuaj siab ntxhov plawv uas ua rau tsis muaj kev sib haum xeeb, txhawj xeeb thiab muaj kev ntshai. Tej poj niam yog cov muaj kev txhawj xeeb ntau dua tej txiv neej.
Cov kev teeb txheeb no tau qhia tias muaj neeg Australia ntau tshaj 3.4 million tus yeej tau mus nrhiav kev pab cuam ntawm tej neeg kho mob puas paub daws cov teeb meem nyuaj siab ntxhov plawv no rau xyoo 2020-21.
Hnub Friday dhau los ces tsoom fwv teb chaws thiaj li tau tsim ib cov kev taw qhia coj los haub tau yaum qhia txhiab txhawb nqa kom tej neeg paub txog cov kev kho mob uas siv tshuaj los tua tus kab mob virus COVID-19 no.
Mark Butler uas yog tus nom tswj hauj lwm noj qab haus huv tau qhia tias cov tshuaj noj kuj yog ib cov kev kho tus kab mob virus no thiab yuav pab tawm tsam nrog tus kab mob virus no thiab.
Dr Maria Van Kerkhove uas yog ntiaj teb lub koom haum tswj hauj lwm noj qab haus huv (World Health Organization-WHO) tus coj tswj cov hauj lwm Technical Lead tau hais tias tus kab mob virus BA.4 thiab BA.5 yog 2 tug kab mob ncau tshiab uas kis tau zoo tshaj plaws, tab sis lawv kuj tsis mob sab yog muab piv rau ntau yam kab mob virus ua ntej dhau los lawm.
Nws kuj tau hais tias WHO tau txhawj xeeb txog tus kab mob BA.2.75 uas yog ib tug kab mob ncau tshiab ntawm Omicron vim tseem paub txog tus kab mob no tsawg heev.
America tus President Joe Biden los kuj raug sim tau tias kis tau kab mob COVID-19 lawm thiab. Txawm li cas los President Bident yeej tau hno tshuaj vaccine 4 koob lawm. Tam sim no ces nws 'tsuas muaj yam ntxwv mob hauj sim' xwb thiab tseem tab tom noj cov tshuaj Paxlovid kho kab mob virus.
Sally McManus uas yog tus coj lub koom haum Australian Council of Trade Unions (ACTU) tau nqua hu kom tej lagluam tso cai rau tej neeg ua hauj lwm ua tau hauj lwm tom tsev txog rau thaum muaj neeg kis tau tus mob Omicron no tsawg tso.
Nod yog cov koom haum pab cuam:
Pab cuam daws kev nyuaj siab (Mental health support) 24 teev 7 hnub.
Lifeline: 13 11 14
Suicide Call Back Service: 1300 659 467
Beyond Blue: 1300 224 636
MensLine Australia: 1300 789 978
Kids Helpline: 1800 551 800
Yog tias koj txhawj xeeb txog cov kev txov txo tus kheej txoj sia, nyob nrog ib tug twg uas tej zaum yuav khwv tswv yim txov nws tus kheej los yog pheej xav khwv tswv yim txov txos tus kheej txoj sia vim plam ib tug neeg hluab tshua lawm - ces hu rau lub koom haum Suicide Call Back Service tus xov tooj 1300 659 467 los yog mus txheeb tau ntawm lawv .
Nrhiav tau ib lub chaw sim kab mob COVID-19 ntawm:
Teev zwm koj cov kev sim (Rapid Antigen Test - RAT) ntawm no, yog tias koj sim tau tias kis kab mob lawm:
Ua ntej koj yuav mus txawv teb chaws, .
Yog tias koj xav tau txais kev pab cuam nyiaj txiaj,
Nod yog qee yam lus muaj lub ntsiab lus tob sau ua koj hom ntawv qhia rau koj txog tus kab mob .
rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm ,, , thiab los yog download kom koj mloog tau SBS Hmong.
