Latest

COVID-19 update: Australia tej xeev xaus cov kev cais tej neeg hnub tim 14 lub 10 hli ntuj no lawm

This is your update on COVID-19 in Australia for 30 September.

(Back row) ACT Chief Minister Andrew Barr, South Australia's Premier Peter Malinauskas, West Australia’s Premier Mark McGowan, Tasmania's Premier Jeremy Rockliff and Northern Territory’s Chief Minister Natasha Fyles (front row) Queensland’s Premier Annastacia Palaszczuk, New South Wales’s Premier Dominic Perrottet, Prime Minister Anthony Albanese, Chief Medical Officer Paul Kelly and Victoria’s Premier Daniel Andrews at a press conference after a National Cabinet meeting at Parliament House in Canberra, Friday, September 30, 2022. Source: AAP / MICK TSIKAS/AAPIMAGE

Key Points

Professor Paul Kelly hais tias yuav tsis siv Australia cov emergency response rau tus kab mob kis thoob ntuj no ntxiv lawm.
Professor Steve Robson uas yog AMA tus coj ceeb toom tias kom tsis txhob xav tias tus kab mob COVID zoo tib yam li kab mob khaub thuas xwb.
Tej nyiaj pandemic leave disaster payments los kuj xaus rau hnub tim 14 lub 10 hli ntuj no thiab.

Txij hnub tim 14 October mus ces tej neeg Australia uas sim tau tias kis tau kab mob COVID-19 tsis tas cais lawv tus kheej ntxiv lawm.

Thiaj tau muaj cov kev ''pom zoo tib yam'' thaum thawj pwm tsav Albanese ua tus tswj lub rooj sab laj National Cabinet meeting rau hnub Friday.

Raws li thawj pwm tsav Anthnoy Albanese tau hais ces "Kuj yuav xaus tsis them cov nyiaj pandemic leave disaster payments rau tib lub caij ntawd tib yam thiab, tsuas yog tej neeg ua hauj lwm ntawm tej chaw uas yuav kis tau kab mob yooj yim thiaj yuav tau cov nyiaj pab cuam no xwb.'

Tam sim no ces tej neeg uas txawm kis tau kab mob thiab tsis muaj yam ntxwv mob los yeej yuav tau cais lawv tus kheej tsib hnub thiab.

Paul Kelly uas yog Australia tus coj tswj dej num noj qab haus huv tau qhia tias tej zaum ntshe yuav xaus Australia cov emergency response rau tus kab mob kis thoob ntuj no lawm.

Txawm li cas los nws kuj tau ceeb toom tias tus kab mob kis thoob ntuj no yeej tseem tsis tau dhau mus thiab ntshe tseem yuav muaj neeg kis tau kab mob phaum tshiab rau yav pem suab zoo sib xws li tej uas peb tau pom thaum ntxov xyoo no thiab.

Prof Kelly tau hais tias Australia yeej muaj neeg kis tau tus kab mob COVID-19 tsawg, raug coj mus kho ntawm tsev kho mob thiab chav ICU tsawg thiab muaj tej laus ntawm tsev laus kis tau kab mob tsawg tam sim no lawm.

Nws hais tias "Tam sim no los peb kuj tiv thaiv tau tus mob no los ntawm cov kev tau kis tus kab mob no dhau los, muaj neeg hno tshuaj vaccine coob hais tsis ntsees rau tej neeg uas yuav kis tau kab mob yooj yim ntawd - li tau laus neeg, tej laus ntawm tsev laus, thiab tej neeg puas cev thiab tej neeg uas peb tau tham txog ntau zaus dhau los.

Prof Kelly txhab lus ntxiv tias "Kuv ntseeg tias muaj laj thawj zoo txaus uas yuav tshem tsis siv cov kev cais no tam sim no lawm yog tej yam tsim nyog ua raws li tej dej num tswj zej tsoom cov tawm tswv yim lawm.''

Prof Kelly teb lo lus nug txog cov kev yeem cais yus tus kheej thiab tau hais rau tej neeg tias tej neeg yeej muaj peev xwm kis tau tus mob no tshaj plaws rau thawj thawj ob peb hnub thiab yuav kis tau rau lwm tus rau lub caij uas tej neeg no tseem muaj yam ntxwv mob.

Nws hais tias ''peb yuav tsis cheem tej neeg uas yuav kis tau kab mob rau lwm tus mus ncig hauv tej zejzog tam sim no lawm, thiab peb yeej yuav tsis cheem lawv rau yav pem suab ntxiv lawm thiab."

“Txawm li cas los peb yeej tseem hloov tsis tau cov kev sib kis ntawm tus kab mob virus no li cas.''

Thawj pwm tsav Albanese tau hais tias tsoom fwv tau hloov nws tej dej num no raws cov kev taw qhia thiab raws tej xwm txheej xwb. Thiab nws tau hais tias tej coj yeej tau sab laj txog tias yuav tsum tau muaj cov kev taw qhia txuas ntxiv kom tej neeg mus hno tshuaj vaccine.

"Peb yuav muaj cov kev pab cuam rau tej chaw uas tseem yuav raug kev phom sij kis tau kab mob. Thiab peb yeej yuav zoj tej xwm txheej no txuas ntxiv thiab mam rov qab sab laj ib zaug ntxiv rau lub kaum ob hlis ntuj no.''

Professor Steve Robson ntawm lub koom haum Australian Medical Association tau ceeb toom tias tsi tsim nyog yuav muab tus kab mob COVID no saib tam li tus kab mob khaub thuas.

Nws tau qhia rau lub chaw nthuav xov xwm ABC thaum sawv ntxov tias "Yog nej xav tias kab mob khaub thuas yog kab mob COVID ces ntshe nej tseem nyob rau lub ntuj npau suav xwb. Kab mob COVID yog ib tug kab mob uas kis ntev. Peb twb tau tab tom pom tias yeej muaj teeb meem ntawm tej yam ntxwv mob COVID ntev rau peb tej neeg ua hauj lwm thiab tej zejzog lawm. Tab sis yeej tsis muaj tej yam ntxiv mob ntev yog tsuas kis tau khaub thuas xwb.''

Nrhiav tau ib lub Clinic kho cov mob COVID uas mob ntev tau ntawm:

Nrhiav tau ib lub chaw sim COVID-19 tau ntawm no:

ACT

New South Wales