Hnub Wednesday zwj Feej no ces muaj xov xwm tshaj tawm tias kab mob COVID-19 tau ua rau muaj neeg tas sim neej yam tsawg li 32 leeg, uas muaj 20 tus neeg yog cov nyob ntawm xeev Queensland, thiab 11 tug nyob ntawm New South Wales (NSW). Thiab kuj muaj 4 tug neeg tas sim neej ntawm Western Australia thiab.
Tau muaj xov xwm qhia tias NSW muaj 11,607 tus neeg tshiab kis tau kab mob COVID-19 - uas yog ib co kis kab mob coob tshaj plaws txij hnub tim 19 lub 5 hlis ntuj dhau los.
Kuj muaj xov xwm tshaj tawm tias Australian Capital Territory (ACT) los kuj muaj 1,458 tus neeg tshiab kis tau kab mob thiab - uas yog muaj neeg kis coob tshaj plaws rau lub sij hawm plaub hlis dhau los no.
Txheeb tau xov xwm tshiab seb kab mob COVID-19 tau ua rau muaj neeg kis tshiab, muaj neeg raug mob thiab muaj neeg tas sim neej li cas lawm .
Mark Butler uas yog tus nom tswj hauj lwm noj qab haus huv tau nqua hu kom tej neeg Australia uas muaj cai mus hno tshuaj booster dose mus hno koob peb los yog koob plaub vim rau qhov muaj neeg tshiab kis tau kab mob COVID-19 coob tuaj ntxiv ntawm lub teb chaws no lawm.
Nws tau hais tias xav siv cov kev taw qhia no rau tej neeg uas tseem tsis tau hno tshuaj txwm kom pov puag tau tus kab mob Omicron, tsuas yog tias ntshe lawv ho tau hno peb koob tshuaj vaccine lawm xwb.
Mr Butler tau nqua hu kom tej niam txiv coj lawv tej me nyuam mus hno tshuaj vaccine tiv thaiv kab mob khaub thuas. Nws tau hais tias muaj tej neeg yuav laug txog li 60 feem pua uas raug txais kho ntawm tsev kho mob no ces yeej yog cov neeg tau khaub thuas hnoob nyoog 16 xyoo los yog qes tshaj ntawd xwb.
Tau muaj ib cov kev teeb txheeb tshiab qhia tias tej neeg uas yuav kis thiab mob tus kab mob no ntev yog cov neeg muaj hnoob nyoog 45 txog 54 xyoos thiab 55 txog 69 xyoos.
Askiv cov kev teeb txheeb no tau coj mus nthuav tawm ntawm phau ntawv xov xwm Nature Communications thiab pom tau tias tej poj niam yog cov yuav muaj tej yam ntxwv mob COVID ntev dua txiv neej.
South Australia los yuav khaw nws qee cov chaw hno tshuaj COVID-19 vaccine rau lub sij hawm ob limtiam ntxiv no. Yog li ntawd thiaj xav taw qia kom tej neeg ntawm lub xeev no mus txheeb tej xov xwm ntawm lub xeev no lub tuam chav tswj dej num noj qab haus huv ua ntej yuav mus siv ib lub clinic twg.
Victoria los kuj tau rub lub sij hawm ntxiv rau cov kev hno tshuaj tiv thaiv kab mob khaub thuas (flu vaccine) ntawm hnub tim 30 lub 6 hli ntuj mus txog hnub tim 10 lub 7 hli ntuj no. Hos tej neeg Tasmania ces muaj peev xwm mus hno tau tshuaj tiv thaiv khaub thuas dawb mus txog hnub tim 6 lub 7 hli ntuj no.
Nrhiav tau ib lub chaw sim kab mob COVID-19 ntawm:
Teev zwm koj cov kev sim (Rapid Antigen Test - RAT) ntawm no, yog tias koj sim tau tias kis kab mob lawm:
Ua ntej koj yuav mus txawv teb chaws, .
Yog tias koj xav tau txais kev pab cuam nyiaj txiaj,
Nod yog qee yam lus muaj lub ntsiab lus tob sau ua koj hom ntawv qhia rau koj txog tus kab mob .
rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm ,, , thiab los yog download kom koj mloog tau SBS Hmong.
