Hnub Wednesday ces muaj xov xwm tshaj tawm tias kab mob COVID-19 tau ua rau muaj neeg yam tsawg li 57 leej ntawm teb chaws Australia tau tas sim neej lawm, suav 20 tus neeg ntawm Victoria, 15 tug ntawm New South Wales (NSW) thiab 12 tug neeg ntawm xeev Queensland.
Mark Butler uas yog Australia tus noj tswj dej num noj qab haus huv tau qhia rau lub chaw nthuav xov xwm Channel 7 tias ntshe tseem yuav ua rau muaj ntau millions tus neeg Australia yuav kis tau kab mob COVID-19 rau lub sij hawm ntau limtiam yuav los txog no thiab. Nws thiaj tau nqua hu kom tej neeg sawv daws siv ntau npog ntsej muag thaum mus rau tej chaw muaj neeg coob ntawd.
Mr Butler kuj tau hais tias nws yeej tsis tau txais kev taw qhia dab tsi tias seb puas yuav rov qab muab tej teej kawm kaw rau lub caij term 3 no li cas li.
Txheeb tau xov xwm tshiab tias seb muaj neeg tshiab kis tau kab mob COVID-19 npaum li cas, raug coj mus kho ntawm tsev kho mob li cas thiab tas sim neej npaum li cas ntawm Australia .
Tsoom fwv teb chaws yuav tsis ua cov hauj lwm Concessional Access Program uas sim cov COVID-19 rapid test ntxiv thaum dhau lub 7 hli ntuj xyoo 2022 no mus lawm. Cov program no ces pub tej neeg uas muaj cov Pensioner Concession car, cov Commonwealth Seniors Health Care card, Low Income Health Care card thiab Department of Veterans's Affairs Gold, White los yog Orange cards ntawd tau mus sim 5 zaug rapid antigent test dawb ntxiv lawm.
Thawj pwm tsav Anthony Albanese thiaj tau hais kom tej neeg muaj cov concession cards khaws cov twj sim seb puas kis kab mob COVID-19 (Rapid Antigent Tests -RATs) uas tau dawb ntawd cia. Txawm li cas los tej kws tshuaj thiab tej kws kho mob tau nqua hu kom tsoom fwv teb chaws txhob xaus cov program no rau lub caij tseem muaj neeg kis kab mob coob tuaj ntxiv thiab raug coj mus kho ntawm tsev kho mob ntau tuaj ntxiv.
The COVID-19 stricken cruise ship Lub nkoj Coral Princess uas tau los nres ib hnub ntawm Sydney ntawd ces muaj neeg kis kab mob COVID-19 coob heev. Muaj 118 tus neeg ua caij lub nkoj no raug sim tau tias kis kab mob COVID-19 tsis hais tej neeg caij lub no los yog cov neeg ua hauj lwm ntawm lub nkoj no los kuj mag tib si thiab.
Ntawm tej neeg 118 tus tus uas kis kab mob no ces muaj 114 tug yog cov neeg ua hauj lwm hauv lub nkoj. Txawm li cas los kuj pub tej neeg caij lub nkoj no nqes tau ntawm Sydney yog tias lawv sim thiab paub tias tsis kis kab mob COVID.
Ntiaj teb kub koom haum tswj dej num noj qab haus huv tseem muab tus kab mob COVID-19 no xam tias yog zej tsoom pej kum haiv ib co xwm txheej teeb meem kub ntxhov txaus txhawj xeeb rau phab kev noj qab haus huv txuas ntxiv, los yog tseem yog cov xwm txheej kab mob kis thoob ntuj, tom qab tau sab laj nrog nws pawg rooj saib xyuas tswj cov xwm txheej kub (Emergency Committee) rau hnub tim 8 lub 7 hli ntuj.
Xeev South Saustralia los kuj tau pib ib cov chaw hno tshuaj COVID-19 vaccine clini ntawm West Parklands. Lub clinic no yuav hno cov tshuaj Pfizer vaccine rau tej neeg muaj hnoob nyoog 5 xyoos los yog siab tshaj ntawd thiab cov neeg mus hno koob plaub (rau lub caij ntuj no) uas muaj hnoob nyoog 30 xyoo los yog siab tshaj ntawd.
Nrhiav tau ib lub chaw sim kab mob COVID-19 ntawm:
Teev zwm koj cov kev sim (Rapid Antigen Test - RAT) ntawm no, yog tias koj sim tau tias kis kab mob lawm:
Ua ntej koj yuav mus txawv teb chaws, .
Yog tias koj xav tau txais kev pab cuam nyiaj txiaj,
Nod yog qee yam lus muaj lub ntsiab lus tob sau ua koj hom ntawv qhia rau koj txog tus kab mob .
rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm ,, , thiab los yog download kom koj mloog tau SBS Hmong.
