- Sab qaum teb xeev NSW, ces tej neeg ntawm lub zos raug taw qhia kom mus sim
- Tam sim no Victoria muaj neeg txog 6,666 leej tseem kis tau kab mob coronavirus
- ACT raug kaw tau limtiam 7 lawm
- Queensland muaj 1 tug neeg kis tau kab mob tshiab thiab cais ntawm tsev lawm
New South Wales (NSW)
NSW muaj 1,063 tus neeg tshiab kis tau kab mob COVID-19 thiab muaj 6 tus neeg tas sim neej.
Lub zos Orange thiab Glen Innes ces yuav xaus tsis kaw ntxiv rau hnub zwj Cag (Saturday) zwj thaj tim 15.09.2021 no lawm.
Kuj txheeb tau tias pom muaj kab mob virus ntawm tej qauv dej qias uas tau los ntawm lub zos Grafton sab qaum teb ntawm xeev NSW uas yeej tsis muaj neeg kis kab mob li thiab.
Victoria (VIC)
VIC tau muaj 766 tus neeg kis tau kab mob COVID-19 ntawm nws lub xeev, thiab yog ib hnub muaj neeg kis tau kab mob coob tshaj txij li tau muaj kab mob kis thoob ntuj los no. Thiab ua rau muaj 4 tug neeg tas sim neej ntxiv lawm.
Tau hais kom tej lees kais txog li 100,000 tus ntawm lub xeev no nrog rau tej neeg ua hauj lwm tu thiab zov me nyuam yuav tsum tau mus hno tshuaj COVID-19 vaccine yam tsawg li 1 koob ua ntej hnub tim 18.10.2021 no, thiab yuav tsum tau hno kom txwm 2 koob rau hnub tim 29.11.2021 no, tsuas yog tias ntshe lawv ho muaj ib yam mob dab tsi pab lug kom lawv tsis txhob tau hno xwb.
Tej neeg Victorians ntawm Sydney uas tau hno tshuaj vaccine txwm 2 koob lawm yuav muaj peev xwm rov qab los tsev txij hnub tim 30.09.2021 no mus. Tab sis lawv yuav tsum mus sim rau lub sij hawm 3 hnub tias tsis kis kab mob thiab yuav tau cais lawv tus kheej 14 hnub, uas cais tau ntawm tsev thiab.
Australian Capital Territory (ACT)
ACT ces muaj 16 tus neeg tshiab kis tau kab mob COVID-19, ces thiaj ua rau lub xeev no muaj tej neeg tag nrho txog 674 tug tseem kis tau tus kab mob no.
Tej neeg hnoob nyoog txij 12 xyoos mus txog 59 xyoos ces muaj peev xwm hno tau cov tshuaj Moderna vaccine ntawm tej chaw muag tshuaj zejzog tau txij li hnub no mus.
24 teev dhau los thoob Australia
- Dan Tehan uas yog tus pwm tsav teb chaws uas tswj cov dej num ntoj ncig hais tias tsoom fwv tau tab tom npaj nws cov system kom txhij, uas muaj cov vaccine passports, uas yuav tso cai rau pej kum haiv cov kev ntoj ncig 'rau thaum lub caij Christmas' yam tsis tas yuam kom tej neeg yuav tau cais lawv tus kheej ntawm tej tsev tos qhua lawm.
Cov kev cais, kev ntoj ncig, chaw sim thiab nyiaj pab cuam pandemic disaster payment
Tej nom tswv xeev yog cov tswj tej dej num cais thiab sim tej neeg uas koj muaj peev xwm txheeb tau raws li hauv qab no:
Yog tias koj xav mus txawv teb chaws, ces tej zaum koj muaj peev xwm thov ntaub ntawv hauv online seb tej zaum nom tswv puas zam thiab pub koj mus. mus txheeb tej xov xwm txog tej lus zoj khi uas pub tej neeg tawm ntawm teb chaws Australia mus.
Tsis tas li no los yeej muaj ib cov cai coj los siv tswj pej kum haiv tej fij dav hlau ib ntus uas nom tswv yeej los txheeb xyuas tas mus lis thiab kho dua tej cai no tshiab uas koj muaj peev xwm mus txheeb tau ntawm lub vas sab .
- Muaj xov xwm txog kab mob COVID-19 ntau tshaj 60 hom ntawv thiab lus rau koj nyeem thiab mloog ntawm
- Txheeb tau tej cai thiab cov kev taw qhia ntau yam txog tus kab mob no ntawm tej xeev koj nyob li xeev: , , , , , , .
- Txheeb tau xov xwm qhia txog tshuaj
Mus txheeb lub koom haum NSW Multicultural Health Communication Service tej xov xwm txhais ua ntau hom lus qhia txog:
.
