Key Points
- Victoria yuav npaj ib lub chaw npaj tsam ho rov qab muaj kab mob kis thoob ntuj tshiab
- Australia yuav pab nyiaj $31.5 million nrhiav dua tswv yim tshiab los kho kab mob COVID-19
- Muaj ib cov kev teeb txheeb tshiab qhia tias tus tshuaj Paxlovid pab kom tej laus txhob raug kho ntawm tsev kho mob thiab txhob tas sim neej tsawg
Thawj pwm tsav Anthony Albanese tau hais tias tau muab lub sij hawm cais kab mob COVID-19 txog ntawm xya hnub los ua tsib hnub rau tej neeg kis tau cov mob no tab sis tsis muaj yam ntxwv mob lawm xwb.
Mr Albanese tau hais ib sob lus tom qab tau koom sab laj nrog pawg nom uas muaj thawj pwm tsav thiab tej hau xeev los tswj kab mob hais tias "Qhia meej meej los ma, yog tias nej muaj yam ntxwv mob lawm ces, peb xav kom nej nyob twj ywm ntawm tsev xwb.''
Nws hais ntxiv tias "Peb xav kom tej neeg paub paub txog lawv lub luag hauj lwm. Txawm li cas los tseem yuav kom tej neeg ua hauj lwm rau ib co chaw uas yuav kis tau kab mob yooj yim li chaw tu tsom kwm tej laus, tej chaw tu neeg puas cev thiab tej neeg ua hauj lwm mus tu lwm tus ntawm tsev yuav tau cais lawv tus kheej 7 hnub li qub yog kis tau kab mob."
Australia los kuj tso tseg tsis hais kom tej neeg siv ntaub npog qhov ncauj lawm thiab yog tias lawv caij cov fij dav hlau hauv teb chaws xwb. Thiab yuav pib siv cov kev pauv hloov li no txij hnub tim 9 lub 9 hlis ntuj xyoo 2022 no mus lawm.
Hnub zwj Feej (Wednesday 31.08.2022) ces kab mob COVID-19 ua rau muaj neeg tas sim neej yam tsawg li 65 leeg, uas muaj 26 tus neeg ntawm Victoria, 22 tug ntawm New South Wales thiab muaj 10 tus neeg ntawm Queensland.
Txheeb tau tej xov xwm tshiab txog kab mob COVID-19 seb ho muaj neeg kis tau tshiab npaum li cas, raug kho ntawm tsev kho mob li cas, thiab tas sim neej li cas ntawm Australia
Victoria yuav pab nyiaj $75 million rau lub tsev kawm qib siab University of Melbourne los tsim ib lub chaw npaj daws cov kab mob tshiab uas tej zaum yuav rov qab kis thoob ntuj no dua.
Geoffrey Cumming uas yog ib tug tuam los pav lagluam neeg Canada yuav tshwm nyiaj $250 million pab dawb coj los tsim lub chaw no. Thiaj li yog cov kev pab nyiaj ntau tshaj plaws los ntawm ib tug tuam los pav rau Australia lub chaw teeb txheeb txog kab mob raws li tau pom muaj los no.
Australia yuav pab nyiaj $31.5 million rau tej neeg teeb txheeb nrhiav dua ib co tswv yim tshiab los kho kab mob COVID-19 thiab kom nkag siab zoo txog tej teeb meem uas tus mob no yuav tsim ntev tom ntej.
Raws li tau muaj xov xwm tshaj tawm ces Australia muaj neeg kis kab mob COVID-19 tshaj10 million tus lawm. Txog rau thaum sij hawm 3 teev tav su dua rau hnub tim 30 lub 8 hli ntuj xyoo 2022 ces, twb muaj neeg kis tau kab mob 10,018,025 kis tau kab mob COVID-19 thiab muaj neeg txog 13,834 tag sim neej ntawm lub teb chaws no lawm.
Tus zauv hnoob nyoog nrab ntawm tag nrho tej neeg tas sim neej ces yog cov neeg muaj 31 xyoos thiab 83 xyoos sib law liag.
Tau muaj Israeli ib co kev teeb txheeb tshiab uas raug coj mus nthuav tawm hauv phau ntawv xov xwm New England Journal of Medicine tau qhia tias cov tshuaj ntsiav Paxlovid uas noj tua kab mob virus ntawm muaj peev xwm pab kom txhob raug kev phom sij coj mus kho ntawm tsev kho mob txog 73 feem puas thiab pab kom txhob tas sim neej txog 79 feem puas rau tej neeg hnoob nyoog 65 xyoos los yog siab tshaj ntawd.
Nrhiav tau ib lub chaw sim kab mob COVID-19 raws cov xeev hauv qab no:
Teev koj cov kev sim Rapid Antigen Tests (RATs) tau ntawm cov xeev hauv qab no yog koj sim thiab paub tias kis lawm:
Ua ntej koj yuav mus txawv teb chaws
Nod yog qee cov kev pab kom koj nkag siab txog
Nyeem tau tag nrho tej xov xwm txog kab mob COVID-19 ua koj hom ntawv tau ntawm
