Hnub zwj Feej (Wednesday) no ces muaj xov xwm tshaj tawm tias kab mob COVID-19 ua rau muaj neeg yam tsawg li 82 leej tas sim neej lawm, cov neeg no muaj 32 tug ntawm xeev Victoria, muaj 20 leej ntawm New South Wales (NSW) thiab muaj 19 leej ntawm Queensland.
Txheeb tau xov xwm tshiab tias seb muaj neeg tshiab kis tau kab mob COVID-19 npaum li cas, raug coj mus kho ntawm tsev kho mob li cas thiab tas sim neej npaum li cas ntawm Australia .
Tej kws teeb txheeb ntawm cov chaw teeb txheeb li National Centre for Immunisation Research and Surveillance thiab Kirby Institute yog cov tau coj tsab ntawf cej luam 2 txog 'serosurveillance - cov kev muaj antibody pab tiv thaiv kab mob'.
Ces lawv tau qhia tias muaj Australia tej pej xeem 46% kis tau kab mob COVID-19 rau thaum ntxov lub 6 hli ntuj ua ntej yuav muaj cov xwm txheej kis kab mob Omicron phaum tshiab tsis ntev los no. Yog ces thiaj muaj xov xwm qhia txog cov kev kis tus kab mob no 3 lub hlis ua ntej dhau los.
Tej kws teeb txheeb koj tshawb pom tias muaj tej neeg kis tau tus kab mob no (62 feem pua) yog cov neeg muaj hnoob nyoog 18-29 xyoo ntawm xeev Victoria, NSW, Queensland thiab Western Australia. Thiab tsab ntawv cej luam no tau raws li cov kev sim ntshav.
'serosurveillance - cov kev muaj antibody pab tiv thaiv kab mob' no yeej tau kwv yees tias yeej muaj cov antibody tawm tsam nrog tej kab mob no thiab yeej yog tej yam siv coj los ntsuam tej pej xeem cov kev muaj peev xwm tiv thaiv kab mob vim lawv tau kis kab mob dhau los los yog tau hno tshuaj vaccine.
Tus me nyuam hnoob nyoog 23 hlis (yuav laug txog 2 xyoos) uas kis tau kab mob COVID-19 ntawd ces tau tas sim neej ntawm Queensland lub tsev kho mob rau hnub zwj Hnub (Sunday) dhau los lawm.
Hnub zwj Feej (Wednesday) ces Steven Mile uas yog tus lwm hau xeev kuj tau xa moo tu siab rau tsev neeg no lawm. Txawm li cas los nws yeej tsis tham dab tsi txog tej tswv yim uas yuav rov qab yuam kom tej neeg siv ntau npog qhov ncauj los yog lwm cov cai los tswj zej tsoom cov kev noj qab haus huv dab tsi.
Lub koom haum Australian Institute of Health and Welfare (AIHW) tau qhia tias muaj neeg 139,300 Australia los yeej rau cawm cuam tshuam txog tej dej caw, tshuaj nees amphetamines, maj (canabis) thiab yeeb dawb (heroin) rau thaum ntxov uas muaj kab mob kis thoob ntuj (2020-2021).
Dr Gabrielle Phillips uas yog tus kis rau lub koom haum AIHW tau hais tias lawv yeej pom muaj tej neeg raug kho mob cuam tshuam txog cawv tas mus li.
Lub xeev Northern Territory lub tsev kho mob Royal Darwin Hospital tau rov qab qhib 2 lub chav los kho tej neeg mob uas kis tau kab mob COVID-19 lawm thiab.
Lub koom haum NSW Productivity Commission uas yog lub koom haum ywj pheej teeb txheeb thiab tawm tswv yim txog economic, social thiab welfare rau neeg Australia tawm tswv yim tias cov kev kho tej cai tswj kab mob COVID-19 yuav ua rau pab tau nws lub xeev tej lagluam $3.1 billion rau lub sij hawm 10 xyoo tom ntej no.
Qee cov kev kho no ces muaj cov kev pab tej lagluam kom muaj peev xwm qhib ua tau lagluam raws li lub sij hawm haum rau lawv thiab pab kom tej neeg siv tau cov long services leave.
Nrhiav tau ib lub chaw sim kab mob COVID-19 ntawm:
Teev zwm koj cov kev sim (Rapid Antigen Test - RAT) ntawm no, yog tias koj sim tau tias kis kab mob lawm:
Ua ntej koj yuav mus txawv teb chaws, .
Yog tias koj xav tau txais kev pab cuam nyiaj txiaj,
Nod yog qee yam lus muaj lub ntsiab lus tob sau ua koj hom ntawv qhia rau koj txog tus kab mob .
rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm ,, , thiab los yog download kom koj mloog tau SBS Hmong.
