Hnub zwj Kuab (Friday) no ces kuj muaj xov xwm qhia ntawm teb chaws Australia tias muaj neeg yam tsawg li 44 leej tas sim neej los ntawm tus kab mob COVID-19, uas muaj 22 tug neeg tas sim neej no yog cov neeg nyob ntawm Victoria, muaj 11 tug neeg nyob ntawm xeev New South Wales thiab muaj 6 tus neeg nyob ntawm xeev Queensland. Ntxiv ntawd los kuj muaj xov xwm qhia ntxiv tias muaj 6 tus neeg tas sim neej.
NSW lub tuam chav tswj dej num noj qab haus huv tau qhia tias tus kab mob Omicron's BA.2 ua ncaus hloov mus lawm yog cov ua rau muaj neeg kis tshiab feem coob ntawm lub xeev no.
Txawm li cas los raws li tau txheeb cov piv txwv kab mob BA.4 thiab BA.5 rau ntaui limtiam tsis ntev los no ces pom tau tias muaj tus kab kab mob BA.5 ntau tshaj tus BA.4.
Kuj muaj xov tshaj tawm ntawm NSW thiab muaj tus neeg 3 uas tau rov qab los tom qab tau mus ncig Europe kis tau tus kab mob monkeypox lawm thiab.
Txheeb tau tej xov xwm tshiab seb muaj neeg tshiab kis tau kab mob COVID-19 li cas, raug coj mus kho ntawm tsev kho mob li cas los sis yog tas sim neej li cas ntawm Australia .
Tasmania los kuj yuav hno cov tshuaj vaccine tiv thaiv kab mob khaub thuas pub dawb rau nws tej neeg rau lub sij hawm 4 limtiam pib txij hnub tim 6 lub 6 hlis ntuj mus.
Tej neeg ntawm xeev NSW, Victoria, Western Australia, South Australia thiab Queensland los yeej muaj peev xwm mus hno tau cov tshuaj vaccine tiv thaiv khaub thuas dawb ntawm tej chaw kho mob thiab tej chaw muag tshuaj tau.
Tsis tas li ntawd los tsoom fwv Australia kuj tau ceeb toom kom tej neeg ceev faj txog cov kev ntxias dag cuam tshuam txog kab mob COVID thiab.
Yeej tau muaj neeg qhia rau lub koom haum Scamwatch ntau tshaj 6,415 zaug tias lawv raug neeg phem ntxias dag cuam tshuam txog tus kab mob coronavirus thiab muaj xov xwm qhia tias ua rau tej neeg poob nyiaj ze txog li ntawm $1 million vim raug ntxias dag txij li thaum tau pib muaj tus kab mob no sib kis thoob ntuj los no. Tej kev ntxias dag pom muaj tas mus li cas yog xa xov xwm mus ntxias dag tej neeg tej xov xwm ntiag tug thiab cov kev mus yuav khoom hauv online.
Yog li sawv daws yeej muaj peev xwm thiab mus yws tej teeb meem no rau lawv thiab thov kev pab cuam tau.
Nrhiav tau ib lub chaw sim kab mob COVID-19 ntawm:
Teev zwm koj cov kev sim (Rapid Antigen Test - RAT) ntawm no, yog tias koj sim tau tias kis kab mob lawm:
Ua ntej koj yuav mus txawv teb chaws, .
Yog tias koj xav tau txais kev pab cuam nyiaj txiaj,
Nod yog qee yam lus muaj lub ntsiab lus tob sau ua koj hom ntawv qhia rau koj txog tus kab mob .
rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm ,, , thiab los yog download kom koj mloog tau SBS Hmong.
