Latest

COVID-19 update: TGA tso cai hno tau koob tshuaj booster dose rau tej me nyuam hnoob nyoog 5-11 xyoos

This is your update on COVID-19 in Australia for 21 September.

A health worker administers a COVID-19 vaccine at a pop-up vaccination clinic in Melbourne. (file) Source: AAP / CON CHRONIS/AAPIMAGE

Key Points

Neeg Queensland tsis tas siv ntaub npog qhov ncauj thaum siv public transport lawm
WHO taw qhia txob cov kev siv ob yam antibody los kho tus kab COVID-19
Ntiaj teb tej nomt swv tswj kev noj qab haus huv tseem txheeb ob tug kab mob hlav ncau tshiab

Lub koom haum Therapeutic Goods Administration (TGA) tau tso cai pom zoo hno tau koob tshuaj Pfizer's booster dose rau tej me nyuam yaus hnoob nyoog 5 -11 xyoos lawm.

Txawm li cas los lub koom haum Australian Technical Advisory Group on Immunisation (ATAGI) yeej tseem yuav los ua tib zoo txheeb xyuas tus tshuaj vaccine no tso thiab mam li taw qhia rau tus nom tswj cov dej num noj qab haus huv.

Queensland thiaj yog lub xeev tshiab uas tau tso tseg tsis siv tej cai los tswj kom tej neeg siv ntaub npog qhov ncauj ntxiv thaum mus siv public transport lawm uas suav cov kev caij tsheb taxi thiab coob tus neeg koom ntiav caij ib lub tsheb ntxiv lawm.

Thiaj tsis hais kom tej neeg zejzog siv ntaub npog qhov ncauj ntxiv thaum tseem tos siv public transport ntawm ib lub chaw tos qhov twg, ntawm ib lub chaw tos caij tsheb taxi, los yog ntawm ib qhov chaw tos caij tsheb twg ntxiv lawm.

Victoria thiab xeev Australian Capital Territory (ACT) tsuas yog ob lub xeev uas thiaj tseem hais kom nkawv tej pej xeem yuav tau siv ntaub npog qhov ncauj thaum caij tsheb me (busese) thiab tsheb ciav hlau xwb.

Tej zaum txog rau thaum xaus rau lub hli no ces ntshe ACT kuj yuav tsis siv tej cai hais kom tej neeg yuav tau siv ntaub npog qhov ncauj thaum siv public transport ntxiv lawm thiab.

Ged Kearney uas yog tus neeg ua hauj lwm pab tus nom tswj cov dej num noj qab haus huv thiab tsom kwm tej laus tau hais tias tsoom fwv tab tau tab tom nqe peev los tsim ib cov kev teeb txheeb tshiab txog tshuaj vaccines thiab cov kev kis kab mob no lawm.

Cov kev teeb txheeb no yuav los txheeb seb tej me nyuam yaus thiab tej laus cov immune system puas ua hauj lwm zoo yog tias lawv muaj ib co mob uas mob ntev li mob raum, mob ntsws, muaj teeb meem rau tej plab hnyuv, mob pob qej txha, thiab tej neeg mob HIV los yog cov neeg phais hloov khoom nrog cev ntawd.

Ntiaj teb lub koom haum tswj dej num noj qab haus huv (World Health Organization -WHO) los kuaj tau taw qhia txog cov kev siv ob yam tshuaj hu ua: sotrovimab thiab casirivimab-imdevimab coj los kho tus kab mob COVID-19 no tias siv tsis kho tsis tau tus kab mob COVID-19 zoo raws siab xav.

Thiab tej kws teeb txheeb tseem sam sim txheeb xyuas ib tug kab mob virus tshiab hu ua BF.7. lawm.

Sawv daws kuj paub tias tus kab mob no muaj lwm lub npe hu ua BA.5.2.1.7 uas yeej pom muaj ntawm ntau lub teb chaws tab sis yog tus kab mob ua rau muaj neeg ntawm teb chaws Belgium kis tau tshaj 25% thiab muaj neeg ze txog 10% kis tau ntawm teb chaws Fabkis, Germany thiab Denmark.

Hos lwm tus kab mob ces yog BA.4.6 uas tseem yog ib tug kab mob uas txaus txhawj xeeb txuas ntxiv, thiab tau muaj tej neeg coob tshaj 10% kis tau tus kab mob no ntawm teb chaws America lawm.

Nrhiav tau ib lub Clinic kho cov mob COVID uas mob ntev tau ntawm:

Nrhiav tau ib lub chaw sim COVID-19 tau ntawm no:

ACT

New South Wales