Victoria rov qab raug kaw 5 hnub txij hnub no mus txog hnub tim 20.07.2021.
New South Wales muaj 97 tus neeg tshiab ntawm nws lub xeev kis tau kab mob COVID-19 hnub no.
Victoria
Victoria kuj muaj 6 tus neeg tshiab kis tau kab mob COVID-19 rau thawj hnub uas tau kaw thoob plaws lub xeev no. Lub tuam chav tswj kev noj qab haus huv tau qhia meej tias 24 teev dhau los txog rau thaum sawv ntxov hnub zwj Kuab (Friday) sawv ntxov ces muaj 10 tus neeg tshiab kis tau kab mob COVID-19, thiab muaj 4 tug ces nom tswv yeej xub tau qhia ua ntej lawm. Tag nrho tej neeg kis tau kab mob tshiab no yeej cuam tshuam nrog tej neeg xub kis ua ntej lawm. Thiaj tau ua rau lub xeev Victoria no muaj neeg kis tau kab mob 36 leej lawm.
Txheeb tau ntawm ib cov list thiab ib daim map (luaj chib lig) tu. Cov kev kaw zum 5 no yuav siv mus txog ntua sij hawm 11:59 pm hnub zwj Quag (Tuesday) zwj thaj tim 20.07.2021.
New South Wales
New South Wales muaj 97 tus neeg ntawm nws lub xeev kis tau kab mob COVID-19 hnub no. 29 tus uas kis tau kab mob tshiab no ces yeej tau mus rau tej zejzog rau lub caij uas lawv muaj peev xwm yuav kis tau tus kab mob no rau lwm tus. 75 tus neeg ces raug coj mus kho ntawm tsev kho mob, muaj 18 tus ces raug kho hauv chav kho neeg mob hnyav (Intensive Care Unit-ICU), hos muaj 5 tug ces yuav tau rau cua pab.
Nrhiav tau tej ntawm ib daim list los yog ib daim map (luaj chib lig) tau. Thiaj ua rau yuav muab lub xeev no kaw txuas ntxiv mus txog ntua sij hawm 11:59 pm hnub zwj Kuab (Friday), zwj thaj tim 30.07.2021 no.
24 teev (1 hnub dhau los) thoob teb chaws Australia
- Queensland tab tom npaj kaw ciam teb nrog xeev Victoria pib txij hnub zwj Cag (Saturday) tim 17.07.2021 no mus. Lub xeev no tsuas muaj 1 tug neeg tshiab kis tau kab mob hnub no xwb.
- Thawj pwm tsav Scott Morrison tau xav thov los npaj ib cov tswv yim tshiab los xyuas cov nyiaj pab cuam pandemic support kom tej xeev thov tau tej nyiaj no siv yog lawv muab lawv tej xeev kaw 7 hnub los yog ntev tshaj ntawd rau tej chaw uas tsoom fwv teb chaws tau teev tias yog cov chaw muaj neeg kis kab mob COVID-19 coob.
Cov kev cais, kev ntoj ncig, tej clinics sim thiab cov nyiaj pandemic disaster payment
Tej nom tswv xeev yog cov los ua tus tswj cov kev cais tej neeg thiab hais kom tej neeg mus sim seb puas kis kab mob coronavirus, uas koj muaj peev xwm txheeb tau raws li cov xeev hauv qab no:
Yog tias koj xav mus txawv teb chaws, ces tej zaum koj muaj peev xwm thov ntaub ntawv hauv online seb tej zaum nom tswv puas zam thiab pub koj mus. mus txheeb tej xov xwm txog tej lus zoj khi uas pub tej neeg tawm ntawm teb chaws Australia mus.
Tsis tas li no los yeej muaj ib cov cai coj los siv tswj pej kum haiv tej fij dav hlau ib ntus uas nom tswv yeej los txheeb xyuas tas mus lis thiab kho dua tej cai no tshiab uas koj muaj peev xwm mus txheeb tau ntawm lub vas sab .
- Muaj xov xwm txog kab mob COVID-19 ntau tshaj 60 hom rau koj nyeem thiab mloog ntawm
- Txheeb tau tej cai thiab cov kev taw qhia ntau yam txog tus kab mob no ntawm tej xeev koj nyob li xeev: , , , , , , .
- Txheeb tau xov xwm qhia txog tshuaj
Mus txheeb lub koom haum NSW Multicultural Health Communication Service tej xov xwm txhais ua ntau hom lus qhia txog:
.
Tej clinics sim ntawm tej xeev:
Xov xwm qhia txog cov nyiaj Pandemic disaster payment ntawm tej xeev:
