Hnub zwj Feej (Wednesday) ces kab mob COVID-19 ua rau muaj neeg yam tsawg li 48 leej tas sim neej ntawm Australia, cov neeg no muaj 18 leej nyob ntawm Victoria thiab 11 leeg ntawm New South Wales thiab 10 leej nyob ntawm xeev Queensland.
Kuj tau rov qab muaj tej neeg tshiab kis tau kab mob COVID-19 ntau tuaj ntxiv ua ntuv zus thoob Australia thiab. Western Australia (WA) los kuj muaj cov neeg tshiab kis kab mob rau ib hnub twg txog li 17,033 leej uas yog muaj neeg kis coob ntxiv txog 27% piv rau cov kis rau hnub zej Quag (Tuesday) dhau los.
WA los kuj tau qhia tias nws muaj 3 tug neeg tas sim neej thiab.
Txheeb seb tej xwm txheej kab mob COVID-19 sib kis tshiab ho zoo li cas, muaj neeg raug coj mus kho ntawm tsev kho mob li cas los yog muaj neeg tas sim neej li cas ntawm Australia
Tsoom fwv WA tau thov tsim ib tsab cai tshiab hauv tsev kisv xeev qes kom thiaj muaj cai los tswj tej xwm txheej kub ntaiv raws li tsab cai Emergency Management Act mus txog rau hnub tim 3 lub 1 hlis ntuj.
Tsab cai no yuav pab kom tsoom fwv muaj peev xwm siv tej cai los txwv li kom tej neeg kis kab mob COVID-19 yuav tsum cais 7 hnub thiab kom tej neeg tau nyob ze nrog cov neeg kis tus kab mob no siv ntaub npog qhov ncauj.
South Australia yuav qhib ib cov clinics los tswj tej xwm txeej no tsi ntsees ntawm tsev kho mob Royal Adelaide Hospital, Queen Elizabeth Hospital, Women's and Children's Hospital, thiab lub chaw kho mob Flinders Medical Centre coj los pab tej neeg uas tseem muaj cov yam ntxwv mob tus kab mob
Ntiaj teb lub koom haum tswj hauj lwm noj qab haus huv (World Health Organization - WHO) tau thov kom ntiaj teb tsoom thawj coj qhia meej tias seb lawv puas mus koom ntiaj teb lub rooj sab laj zum 2 tham txog ntiaj teb cov kab mob COVID-19 rau hnub zwj Teeb (Thursday) yuav los txog no.
WHO tau hais tias ntiaj teb yuav tau nrog tswj cov kab mob Omicron tshiab li tus kab mob virus BA.4 thiab BA.5 uas tab tom ua rau muaj neeg tas sim neej ntau ntxiv thiab raug coj mus kho ntawm tsev kho mob tej chaw ntau qhov uas tej neeg yeej tsis tshua kis tau tus mob no. Ces thiab cia siab tias ntiaj teb tej coj yuav sab laj txog tej tswv yim los xaus cov xwm txheej kab mob uas tseem kis thoob ntuj no.
Bill Gates uas yog tus tsim tsa lub tuam txhab Microsoft tau rov qab raug sim tau tias kis tau kab mob COVID-19 dua lawm thiab. Tsis ntev los no tus tuam los pav lagluam no kuj nyuam qhuav tau sau ib phau ntawv tis lub npe hu ua ''Yuav tiv thaiv tus kab mob yuav sib kis txuas ntxiv tom ntej li cas - How to Prevent the Next Pandemic."
Nrhiav tau ib lub chaw sim seb puas yog kis kab mob COVID-19 ntawm cov xeev hauv qab no:
Teev zwm koj cov kev sim Rapid Antigen Test (RAT) tau ntawm no yog koj sim tau tias kis kab mob COVID-19 lawm:
txhua qhov chaw ntawm Australia.
Ua ntej koj yuav mus txawv teb chaws
Nod yog ib cov kev pab kom koj nkag siab txog tej lus muaj lub ntsiab lus tob txog kab mob
Nyeem tau tag nrho tej xov xwm txog kab mob COVID-19 ua koj hom ntawv tau ntawm .
rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm ,, , thiab los yog download kom koj mloog tau SBS Hmong.
