Latest

TGA tso cai siv tau cov tshuaj Moderna BA.4/BA.5 bivalent vaccine lawm

Nod yog xov xwm tshiab tshaj tawm txhua limtiam txog kab mob COVID-19 ntawm Australia.

AUSTRALIAN ISLAMIC CENTRE POP UP VAX CENTRE

A Melbourne resident receives his COVID-19 vaccine at a clinic in Newport. Source: AAP / JAMES ROSS/AAPIMAGE

Ntsiab lus tseem ceeb:

Lub xeev Australian Capital Territory (ACT) yuav tsis hais kom tej neeg qhia lawv cov kev sim Rapid Antigent Test (RATs) rau hnub tim 28 lub 2 hlis ntuj no lawm.
Sydney Airport tej xov xwm qhias tias tseem tsis tau muaj neeg ntoj ncig tsis hais ncig hauv teb chaws los yog neeg ntoj ncig pej kum haiv coob lu thaum tsis tau muaj kab mob COVID.
WHO cej luam tias muaj ntiaj teb tej neeg kis kab mob COVID-19 tsawg txog 89 feem pua rau lub sij hawm 28 hnub dhau los lawm.

Lub koom haum Therapeutic Goods Administration (TGA) tau tso cai siv tau cov tshuaj Moderna's bivalent COVID-19 vaccine coj los kho tus mob Omicron uas xub muaj ua ntej thiab tus mob BA.4/BA.5 variants.

Txawm li cas los tseem yuav tau txais kev tso cai ntawm pawg neeg Australian Technical Advisory Group on Immunisation (ATAGI) ua ntej yuav muaj peev xwm siv tau hom tshuaj no coj los hno tam li yog koob tshuaj hno txhab ntxiv (booster dose) rau tej neeg ntiag tug hnoob nyoog 12 xyoos thiab hnoob nyoog siab tshaj ntawd.

ATGAI yeej twb yeej tau tso cai siv tau hom tshuaj Moderna's bivalent vaccine uas siv kho thawj tus mob Omicron thiab tus mob BA.1 variant lawm.

Brendan Crabb uas yog tus coj lub chaw teeb txheeb Burnet Institute hais qhia rau lub caij teb tsev tsoom fwv tej lus nug tias yuav tau kho dua tsab xo qhia kom tej neeg paub txog tej yam ntxov mob COVID uas mob ntev no dua.

Zes kais Crabb tau hais tias tej neeg uas muaj cov yam ntxwv mob COVID ntev ntawd mloog tau tias zoo li tsoom fwv tsis kub siab txog lawv.

Nws tau hais tias "Cov neeg no mloog tau tias lawv tsis muaj feem koom sab laj tawm tswv yim dab tsi. Vim Australia tej cai ces tsuas siv los kho tej mob COVID uas mob sab sab xwb, kom thiaj li pov puag tau tej neeg yuav kis tau tus mob no yooj yim xwb.''

Muaj ib co

kev tshuaj ntsuam tshiab

tau qhia tias tej neeg tsis hno tshuaj vaccine yuav raug coj mus kho ntawm tej tsev kho mob txog 8 npaug, thiab yuav muaj cib fim tas sim neej txog 5 npaug yog piv rau tej neeg uas yeej tau hno tshuaj COVID vaccine txwm lawm.

Tej xov xwm tshiab uas tau los ntawm Sydney Airport tau qhia tias tseem muaj tej neeg ntoj ncig hauv teb chaws los yog pej kum haiv tej neeg ntoj ncig tsawg dua tej uas muaj rau thaum tseem tsis tau muaj kab mob COVID sib kis.

Kuj tau muaj tej neeg ntoj ncig txog 3,120,000 tus mus hla lub tshav dav hlau Sydney Airport rau lub 1 hlis ntuj xyoo 2023, los yog muab xam tias muaj tej neeg ntoj ncig txog li ntawm 79% uas tau siv lub tshav dav hlau no rau lub 1 hlis ntuj xyoo 2019.

Lub xeev Australian Capital Territory (ACT) los kuj yuav tsis hais kom tej neeg uas sim Rapid Antigent Test (RAT) uas paub tias kis tau kab mob COVID lawm tsis tas qhia rau nom tswv paub ntxiv rau hnub tim 28 lub 2 hlis ntuj no mus lawm.

Xeev ACT thiaj tsuas yog tib lub xeev ntawm lub teb chaws no uas thiaj tseem hais kom tej neeg sim thiab paub tias kis kab mob lawm yuav tsum tau qhia rau nom tswv paub xwb.

Txij hnub tim 1 lub 3 hlis ntuj xyoo 2023 ces tej neeg ntawm xeev ACT muaj peev xwm mus nqa tau tej twj RATs dawb ntawm ntau thaj chaw, suav state libraries (tsus xam Heritage Libray nrog) thiab tej chaw Access Canberra service centres.

Hnub zwj Kuab (Friday) ces NSW tau tshaj tawm tias ib nyuag muaj neeg kis tau kab mob COVID-19 coob tuaj ntxiv rau ib limtiam twg lawm. Ces thiaj ua rau muaj neeg tshiab txog 6,545 leeg kis tau kab mob COVID piv rau 6,033 tug limtiam dhau los.

Victoria tau qhia tias muaj tej neeg tshiab txog li 3,052 tus kis tau tus mob no lub limtiam no piv rau 3,334 tug limtiam dhau los.

Thiab raws li ntiaj teb lub koom haum tswj dej num noj qab haus huv (World Health Organisation - WHO) tsab ntawv cej luam tshiab tau qhia, ces kuj muaj tej neeg hauv ntiaj teb no kis tau tus kab mob COVID no tsawg txog li 89% lawm, thiab muaj neeg tas sim neej tsawg dua txog 62% rau lub sij hawm 28 hnub dhau los lawm.

Cov teb chaws li US (America), Japan, China (Suav tuam tshoj), Korea (Kaus Lim) thiab Germany ces yog cov teb chaws uas muaj neeg kis tau kab mob COVID-19 coob tshaj plaws raws cov theem teb chaws.

WHO tau hais tias tej neeg kis tau cov kab mob tshiab no yog tus mob Omicron BA.5 thiab kuj muaj tej kab mob hlav ncau ntawm tus mob no tsawg zuj zus lawm. Thiab tsuas muaj tej mob no txog 35.3% rau lub limtiam dhau los xwb.

Nrhiav tau ib lub Clinic kho cov mob COVID uas mob ntev tau ntawm:

Nrhiav tau ib lub chaw sim COVID-19 tau ntawm no:

ACT

New South Wales