Cov ntsiab tseem ceeb:
- University of Sydney hais tias muaj ib cov protein los yog cov receptor mus lo rau kab mob virus thiab rub tawm ntwm tej cells.
- "Cov protein no tsim ib co ntsa tiv thaiv kab mob hauv tib neeg lub cev."
- Australia tseem yuav tau cov tshuaj Omicron-specific Pfizer vaccines 10 million koob ntxiv rau thaum ntxov rau lub 3 hlis ntuj no.
Yeej muaj tej neeg uas kis tau kab mob COVID-19 tshiab txhua limtiam, tej neeg tas sim neej, thiab raug coj mus kho ntawm tsev kho mob los sis yog tej neeg raug coj mus kho hauv chav ICU tsawg zuj zus tuaj ntxiv thoob plaws rau Australia tej xeev lawm.
New South Wales tau cej luam tias muaj neeg kis tau kab mob COVID-19 tshiab txog 6,440 tus neeg rau hnub zwj Kuab (Friday) yog piv rau tej neeg kis tau tus mob no 6,567 tug rau lub limtiam ua ntej dhau los.
Dr Kerry Chant uas yog lub xeev no tus coj tswj dej num noj qab haus huv tau hais tias yeej muaj neeg sib kis tau tus mob no tsawg heev, thiab feem ntau yog kis tau tus kab mob coronavirus hom XBF no ntau tshaj plaws.
Victoria kuj tau tshaj tawm tias muaj 2,941 tus neeg kis tau tus mob no yog piv rau 3,056 tus uas tau xub kis tau limtiam dhau los ntawd.
Mark Butler uas yog Australia tus nom tswj dej num noj qab haus huv qhia tias muaj neeg kis tau tus mob COVID no tsawg dua 80 feem pua txij li tau muaj neeg kis phaum mob no coob heev rau lub 12 hlis ntuj.
Nws tau hais tias Australia tseem yuav tau cov tshuaj Omicron-specific Pfizer vaccines txog li 10 million koob ntxiv rau thaum ntxov lub 3 hlis ntuj coj los siv thiab, ces thiaj yog ib cov tshuaj ntau tshaj plaws coj los siv txij li yav lig xyoo 2021 los no.
Hnub zwj Feej (Wednesday) ces tsoom fwv Australia tau qhia tias yuav npaj cov tshuaj no coj los hno rau tag nrho txhua tus neeg muaj hnoob nyoog uas tseem tsis tau kis kab mob COVID-19 los yog cov neeg uas tau hno tshuaj COVID vaccine tau 6 hli dhau los lawm.
Yog li ntawd ces cov tshuaj yuav coj los siv rau xyoo 2023 no yeej muaj coj los hno dawb rau sawv daws txij hnub tim 20 lub 2 hlis ntuj mus.
Tej kws tshawb fawb (Scientists) ntawm tsev kawm qib siab University of Sydney kuj txheeb tau ib co protein hauv tej ntsws uas tiv thaiv kom tsis txhob kis tus kab mob COVID thiab kuj yog tej yam tsim ib co ntsa los tiv thaiv tus kab mob no hauv tib neeg lub cev.
Lawv ntseeg tias cov kev teeb txheeb tau no yuav pab kom tsim tau ib cov tshuaj tshiab coj los tiv thaiv kab mob virus, suav cov kab mob COVID-19 nrog, thiab tej zaum uas rau tej nqaij hauv ntsw caws pliav los yog to, thiab yuav ua rau mob ntsws loj tag ib sim neej.
Professor Greg Neely hais tias "Yog tham txog kuv tam li yog ib tug immunologist lawm ces, cov kev txheeb tau tias muaj ib cov immune receptor uas peb tseem tsis tau paub txog, uas qhwv peb lub ntsws thiab tiv thaiv thiab tswj tus kab mob virus no mas yog tej yam ua rau peb xav paub txog heev li."t
Raws li lub chaw teeb txheeb Lowy Institute cov kev teeb txheeb txog cov teb chaws muaj fwm chim ntawm cheeb tsam Asia (Asia Power Index) ces pom tau tias Suav tuam tshoj lub fwj chim ntawm cheeb tsam no tsuag lawm vim nws tej dej num cais tej neeg thiab nws tej cai tswj kom tsis txhob pub muaj ib tug neeg twg kis kab mob COVID hlo li lawm. Ces thiaj pom tias America ras los ua lub teb chaws muaj fwj chim tshaj plaws ntawm cov teb chaws Asia xyoo no hloov Suav tuam tshoj rau xyoo 2022 dhau los lawm.
Japan, India, Russia thiab Australia ces tau zum 3, 4, 5, thiab zum 6 ntawm sib law liag ntawm cov teb chaws Asia.
Raws li ntiaj teb lub koom haum tswj kev noj qab haus huv (World Health Organization-WHO) tsab ntawv cej luam tshiab tau qhia ces ntiaj teb tej neeg kis tau kab mob COVID rau lub sij hawm 28 hnub dhau los los kuj muaj tsawg lawm thiab kuj nyob tus lawm.
Yog li ntawd cov teb chaws li China, Japan, US, Korea thiab Brazil yog cov teb chaws uas muaj neeg kis kab mob COVID ntau tshaj plaws rau theem teb chaws.
Nrhiav tau ib lub Clinic kho cov mob COVID uas mob ntev tau ntawm:
Nrhiav tau ib lub chaw sim COVID-19 tau ntawm no:
Teev koj cov kev sim Rapid Antigen Test (RAT) tau ntawm no yog koj sim thiab paub tias kis lawm:
Ua ntej koj mus txawv teb chaws,
Nyeem tau tag nrho txhua yam xov xwm txog kab mob COVID-19 ua koj hom ntawv tau ntawm
