Vim lub caij sawv ntxov tsaus ntuj zog lawm thiab ib nyuab no me ntsis lawm, ces ua rau lub sij hawm daylight saving yuav xaus rau ob hnub so (weekend) no lawm.
Tos hloov sij hawm los yog tsim coj los pab kom tau lub caij nruab hnub ntev ntxiv rau thaum tsaus ntuj rau lub caij ntuj sov, thiab vim tias twb yuav txog lub caij ntuj no lawm ces thiaj tau rov qab hloov cov sij hawm no li yuav tau tig sij hawm kom qeeb zog lawm.
Nod yog txhua yam tsim nyog koj paub txog.
Thaum twg yuav xaus cov daylight saving?
Yuav xaus cov sij hawm daylight saving xyoo 2025 no rau hnub zwj Hnub (Sunday) tim 6 April sij hawm 3am AEDT.
Ces thiaj yuav tau tig sij hawm rov qab kom qeeb ib teev thaum sij hawm 2 am, txhais tias ib txhia neeg Australia yuav tau pw ntev zog ntxiv li ib teev ntxiv rau thaum 2am thiab 3am, ces thiaj ua rau hmo ntuj ntev zog ib teev lawm.
Yeej hloov lub sij hawm rau cov daylight saving txhua xyoo rau txog rau thawj hnub Sunday ntawm lub 4 hlis ntuj.
Ces txij hnub Sunday no mus, thiaj yuav ib nyuag pom kev zog thaum sawv ntxov lawm, vim rau qhov hnub tawm tuaj ib nyuag ntxov zog raws li cov kev hloov sij hawm ntawm lub teev lawm.
Vim li cas thiaj muaj cov daylight saving?
Daylight saving pab kom peb ua tau tej hauj lwm ntau yam ntawm ib hnub twg raws lub sij hawm ntawm ib hnub, kom tej neeg tau siv tej duab tshav ntuj rau thaum tsaus ntuj rau lub caij ntuj sov thiab mam li hloov rau thaum sawv ntxov lub caij ntuj no kom haum raws lub caij uas kaj ntug sai dua thiab tau txais kev nyab xeeb dua.
Thiab yog tej yam yuav tau hloov vim txoj kab kem plawv ntuj qaum teb raug qab teb tig ces thiaj ua rau hloov lub sij hawm hnub tuaj thiab hnub poob thawm xyoo.
Professor Tim Bedding ntawm lub tuam chav School of Physics ntawm University of Sydney tau hais tias: "Thiaj ua rau cov hnub ntev dua rau lub caij ntuj sov yog piv rau cov hnub lub caij ntuj no.''
''Ces lub caij uas lub txoj kab ntuj tig ze zuj zus rau txoj kab hnub ces thiaj tsis lub sij hawm Daylight Saving Time (DST) no thiaj tsis tshua tseem ceeb pes tsawg lawm, vim li ntawd xeev Queensland thiaj tau txiav txim siab tsis siv cov daylight saving.''
After daylight saving time ends, Australia effectively loses two of its time zones. Source: SBS
Tej xeev twg thiaj siv daylight saving?
Kuj tsuas nyog ntawm tej xeev cov kev txiav txim siab seb puas siv los tsis siv xwb thiab, tab sis tej xeev uas nyob nrug deb zuj zus ntawm txoj kab hnub lawm ces yuav ua rau hloov sij hawm thiab.
Ces thiaj muaj tej xeev txuas ntxiv hauv qab no siv cov daylight saving time:
- NSW
- Victoria
- South Australia
- Tasmania
- ACT
- Norfolk Island
Thiab muaj tej xeev txuas ntxiv no tsis siv cov:
- Queensland
- Western Australia
- Northern Territory
- Christmas Island
- Cocos (Keeling) Islands
"Vim nyog rau ib lub teb chaws loj dav thiab muaj ntau yam huab cua sib txawv no, ces cov kev siv tib lub sij hawm no yeej tsis haum rau sawv daws,'' raws li Bedding tau hais, thiab tshab txhais tias vim li cas tej xeev nyob ze zog ntawm txoj kab hnub thiaj tsis siv daylight saving.
Ho hloov sij hawm ntawm ib thaj chaw twg li cas?
Thaum xaus daylight saving lawm ces Australia yuav plam ob thaj chaw ntawm tsib thaj chaw uas xam raws tej sij hawm sib txawv lawm. Nod yog zoo li cas rau hnub tim 6 lub 4 hlis ntuj (2025):
- Queensland, NSW, ACT, Victoria thiab Tasmania yuav xam sij hawm raws li Australian Eastern Standard Time (AEST) lawm.
- Northern Territory, South Australia thiab Broken Hill (NSW) ces yuav xam sij hawm raws Australian Central Standard Time (ACST), uas qeeb dua 30 ntiag tiv ntawm AEST lawm.
- Western Australia ces tseem siv li qub raws cov kev xam sij hawm Australian Western Standard Time (AWST), uas tseem qeeb dua 2 teev piv rau cov sij hawm AEST thiab qeeb dua 1.5 teev ntawm cov sij hawm ACST.
Tau muaj ib cov kev tshuaj ntsuam zej tsoom cov kev tawm tswv yim xyoo 2024 txheeb tau tias zej tsoom feem coob yeej pom zoo kom siv daylight saving thoob plaws teb chaws Australia. Source: SBS
Neeg Australia feem coob yeej xav kom siv daylight saving
Daylight saving tau raug coj los siv thawj zaug ntawm xeev Tasmania xyoo 1916 kom txuag tau hluav taws xob rau lub caij tsov rog ntiaj teb zeeg ib (World War One - WWI). Ces txuas ntxiv tom qab tuaj ntawd thiaj tau raug coj los siv thoob teb chaws Australia xyoo 1971, tab sis xeev Queensland tau tso tseg tsis siv ib lub xyoos tom qab ntawd lawm.
Thiaj tau tsim cov daylight saving time no coj los pab kom tej neeg muaj lub sij hawm thaum tsaus ntuj ntev zog rau lub caij ntuj sov, thiab hloov sij hawm tig rov qab rau thaum sawv ntxov ntawm lub caij ntuj no kom tau duab tshav ntuj vim kaj ntug ntxov dua lawm.
Thiab raws li tau muaj ib co kev ntsuam zejtsoom cov kev tawm tswv yim, ces yeej pom tias 80 feem pua ntawm neeg Australia yeej txhawb nqa kom siv daylight saving, thiab tej neeg uas nyob nrug rau sab qab teb ntawm teb chaws Australia no thiab ua hauj lwm hauv tsev ces yeej nyiam dua, hos tej neeg uas nyob rau sab qaum teb thiab pheej ua hauj lwm nraum zoov ces yeej tsis tshua pom zoo kom siv.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm , , , los yog . Download thiab mloog , caum Pod follw los yog lwm cov podcasts platforms (, ).
