Teb chaws Denmark lub tuam chav Danish Veterinary and Food Administration tau qhia rau ib co ncauj lug tias tau muaj 3 hom mij ntawm lub tuam txhab Samyang Foods raug txheeb tias muaj kua txob ntsim heev txog theem tsim tau kev phom sij.
Tej xov xwm uas peb paub txog: 3 hom mij uas hais no ces yog — Buldak 3x Spicy Hot Chicken, 2x Spicy Hot Chicken, thiab Hot Chicken Stew — thiaj li raug muab tshem tawm ntawm tej khw tsis pub muag ntawm teb chaws Denmark lawm.
Denmark lub tuam chav Danish Veterinary and Food Administration kuj tau muaj ib cov kev ceeb toom kom tsis txhob pub tej me nyuam yaus noj tej mij no, thiab nqua hu kom tej niam txiv mus ntsib lub koom haum Poison Line yog tias pom tias lawv muaj tej yam ntxwv mob ''sab heev''.
Tej lus tseem ceeb uas lub tuam txhab muaj feem xyuam tau hais: "Tam sim no ces tej mij no yeej raug xa muag thoob ntuj, tab sis yog thawj zaug uas tsis pub muag vim tej laj thawj li hais no,'' raws li ib tug kis ntawm lub tuam txhab Samyang Foods tau qhia rau lub chaw nthuav xov xwm Agence France-Presse (AFP).
Tej uas peb paub txog: Lub tuam txhab Samyang tej mij no ces yeej yog ib co uas muaj neeg nyiam noj thoob ntuj, thiab ua rau lub tuam txhab no muag tej mij no tau nyiaj tsam tshaj USD 110 million (AUD 165 million) xyoo 2023. Ces thiaj ua rau lub tuam txhab Samyang Foods tej nqe share tau nce kim tuaj txog 70 feem pua rau ntau hli tsis ntev los no tom qab uas muaj neeg tau coj cov mij Buldak uas xyaw nqaij npuas thiab mis khov thiab fwj txob raug coj mus tso rau hauv TikTok thiab muaj neeg nyiam saib coob heev, ces thiaj ua rau muaj neeg nyiaj noj tej mij no heev ntawm teb chaws Meskas thiab kuj muaj xov xwm qhia tias muaj tsis txaus muag rau tej neeg yuav noj li.
Tam sim no ho ua li cas lawm xwb: Teb chaws Denmark lub tuam chav Danish Veterinary and Food Administration tej cauj lug tau qhia rau zej tsoom uas muaj tej mij no kom tsim nyog muab pov tseg los sis coj rov qab mus thim nyiaj nrog tej khw uas lawv tau yuav.
rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm ,, , thiab los yog download thiab kom koj mloog tau SBS Hmong.
