Lub tsam thawj yuav xav tsa tsoom fwv teb chaws no kuj tau muaj ntau cov sob lus laj fai kum xeeb muaj ntsiab lus tos thiab tej lus slang uas ua rau yus yoob.
Txawm tias muaj qee lo lus li democracy sausage yeej yog neeg Australia ib lo lus ua lawv siv xwb, los kuj yeej tseem muaj lwm cov lo lus uas tau coj ntawm lwm haiv neeg coj los siv thiab.
Ntxiv no yog qee cov lus thiab tej sob lus uas pom siv tas mus li uas koj yuav hnov rau lub caij xaiv nom thiab tej ntshiab lus ntawm tej lus ntawd.
Above the line thiab below the line txhais li cas tiag?
Voting above the line ces yog ib txoj xub ke ntawm ob txoj uas yus muaj peev xwm sau xaiv tej nom ntawm daim ntawv xaiv nom tsev tsoom fwv siab (tsev kis xeev siab) - Senate ballot paper.
Cov kev yuav xaiv cov nom above the line, ces yus yuav tau tso cov number rau cov pab nom yam tsawg li 6 pab los yog khij rau cov boxes pib ntawm thawj pab uas yus nyiaj tshaj plaws ua tus zauv 1, rau pab yus nyiam zum 2, raws cov zauv yam tsawg li 6 pab.
Yog thaum yus siv cov kev xaiv nom no ces yus tsis muaj peev xwm xaiv tej nom ib tug twg lawm, tsuas pub xaiv ib co pab nom los sis co pab pawg twg xwb. Ces ua rau yus muaj peev xwm xaiv tias yus nyiam pab nom twg ntau npaum li cas raws li tej nom.
Daim ntawv xaiv nom Senate ballot paper uas xaiv sab saum qaum kab. Source: Supplied / AEC
Yog tias yus siv cov kev xaiv nom no ces yuav tau xaiv (kos khaub lig rau cov thawv) ntawm ib tug nom twg yam tsawg li 12 tug, uas xub xiav thawj tug (1) uas yus nyiaj tshaj plaws ua ntej, tus ob (2) uas nyiam tsawg dua thiab yuav tsum xaiv txuas ntxiv txog rau thaum yus xaiv yam tsawg li 12 tug nom.
Cov kev xaiv nom hauv qab txoj kab (Voting below the line) ces thiaj tsuas yog tib txoj xub ke rau yus muaj peev xwm xaiv ib tug nom twg, tsis yog cia cov pab nom ua tus xaiv rau yus.
Rau qhov yeej pom tias muaj ib txhia nom ntawm tsev kis xeev siab (Senate) uas zoo li xyov puas yeej rooj nom, tab sis kuj raug xaiv thiab tom qab tau mus txhawb nqa kom tej neeg mus xaiv nws raws cov xub ke xaiv hauv qab txoj kab.
Daim ntawv xaiv nom Senate ballot paper piv txwv uas qhia txog cov kev xaiv nom hauv qab txoj kab. Source: Supplied / AEC
Bellwether seat yog dab tsi?
Bellwether ces yog ib lub rooj nom uas yeej xaiv ib tug nom zos ua ntuv zus ntawm ib lub zos ntawm ib pab nom twg uas yuav koom tsim tus tsoom fwv.
Tej neeg uas tshuaj ntsuam zej tsoom tej tswv yim thiaj yuav txheeb tej xwm txheej thiab twv tias seb cov kev xaiv tsa yuav zoo li cas, tab sis tej zaum kuj yuav tsis muaj peev xwm qhia tau qhov tseem kom meej txog xwm txheej muaj ntsis sib xws rau tej nom zos ntawm ib pab nom twg rau hmo xaiv nom thiab.
Robertson ntawm NSW Central Coast tau yeej ib tug nom ntawm pab nom uas tau tsim tsoom fwv txhua txhua cov kev xaiv tsa txij xyoo 1983 los, ces thiaj pom tias nws yog tus yeej lub rooj nom ntev tshaj plaws.
Coalition yog dab tsi?
Ntawm teb chaws Australia no ces yeej muaj cov kev koom phooj ywg ntawm pab nom Liberal Party thiab pab nom National Party uas tib pab nom hu ua Coalition.
Ces thiaj yog ib pab nom tseem ceeb ntawm ntau pab nom nrog pab nom Labor thiab.
Txawm tias tej nom ntawm pab nom koom tswj (Coalition) yeej zaum ua ke sib ze hauv tsev tsoom fwv thiab yeej xaiv tib yam, los pab nom Liberals thiab Nationals nyias yeej muaj nyias pab nom lub rooj sab laj thiab nyias xaiv nyias tus coj ntawm lawv pab nom.
Thiab pab nom Liberal Party ces yog pab nom loj dua ntawm ob pab nom no, ces nws tus coj thiaj tau ua thawj pwm tsav thaum pab nom Coalition tau ua nom los yog ua tus coj ntawm lwm pab nom (Opposition leader) thaum tsis tau ua nom.
Corflute yog dab tsi?
Corflute ces yog ib daim phiaj roj hmab uas siv coj los haub tau yaum nrhiav suab xaiv tsa uas siv ib ntus rau ib tug nom los yog ib pab nom twg.
Thiab daim phiaj no ces yeej ib txwm muaj tus nom ntawd daim duab, npe thiab nws pab nom lub npe (yog tias lawv muja ib pab nom).
Raws li ib txwm pom ces yeej muab tej phiaj no coj mus lo/khi rau tej phab ntsa los yog ib tug ncej ntawm hauv ntej tsev ua ntej yuav xaiv nom, thiab kuj coj mus tsa rau sab nraum tej chaw xaiv nom rau hnub xaiv nom.
Crossbench yog dab tsi?
Crossbench ces ces yog lo lus siv rau cov nom kis xeev qes (Member of Parliaments - MPs) thiab tej nom kis xeev siab (Senators) uas tsis yog tsoom fwv thiab lwm pab nom teb chaws cov nom.
Lawv kuj yog cov nom ntawm cov pab nom me li pab nom Greens los yog cov nom ywj pheej (Independents).
Tos ho hu cov nom no ua cov nom crossbenchers los vim lawv zaum nram qab ntawm ob lub tsev tsoom fwv lis tsev kis xeev qes (House of Representative - Lower House) thiab tsev kis xeev siab (Senate chambers).
Tos ho hu cov nom ywj pheej thiab cov nom ntawm tej pab nom me hu ua crossbenchers los vim hu raws qhov chaw lawv zaum ntawm tsev tsoom fwv. Source: AAP / Lukas Coch
Democracy sausage yog dab tsi?
Sausage sizzles (Mov mog ntim hnyuv ntxwm) ces yeej yog ib co zaub mov uas tej neeg ib txwm noj los ntev ntawm Australia tej chaw xaiv nom los tau ntau caum xyoo, coj los nrhiav nyiaj pab rau tej teej kawm zos thiab pab rau tej koom haum zos.
Los lus no piav txog cov khoom noj uas muaj ib tug hnyuv ntxwm, nrog tej dos loj ci, thiab txiv lws suav hauv ob daim mov mob (bread) uas muag rau tej neeg thiab muab hu ua "democracy sausage" uas yog ib lo lus tshiab zog.
Raws li lub koom haum Museum of Australian Democracy hais ces xyoo 2010 thaum muaj ib pab neeg uas yog phooj ywg tau tsim lub vas sab Snag Votes qhia thiab teev txog tej chaw xaiv nom tias nyob rau qhov twg ntawm Brisbane uas muag tej khoom noj sausage sizzles.
Ces lo lus no thiaj raug xaiv coj los tso nrog rau lub koom haum Australian National Dictionary Centre cov lus ntawm lub xyoo 2016.
Thiab lub caij xyoo 2016 uas ib tug twg nto npe rau cov kev noj democracy sausage ces yog Bill Shorten uas yog tus coj ntawm pab nom Labor dhau los uas nws tua noj ib kaug hnyuav ntxwv ntu nruab nrab. Tsis tas li ntawd los tseem yog tej yam cov nyom heev thiab uas yav hnyuv ntxwm ntawd tsis muab mov mog (bread) qhwv tab sis tseem muab ib lub khaub cij (mov mob ci) coj los qhwv thiab.
Bill Shorten tau ua rau ntau tus neeg Australia npau taws thiab meem txom heev rau hnub xaiv tsa xyoo 2016 thaum nws tau noj nws lub domocracy sausage ib kaug hauv nruab nrab. Source: AAP / Mick Tsikas
Donkey vote yog dab tsi?
Lo lus "donkey vote" yeej yog ib lo lus ua rau muaj neeg nkag siab yuam kev uas tham txog ib cov kev xaiv nom tsis raws li ib txwm xaiv, thiab yog ib cov suab xaiv nom uas cia li lam tau lam xaiv vim tus neeg xaiv nom ntawd tsis paub tias cov nom ntawd muaj tej cai zoo li cas los yog yuav los ua dab tsi pab tej zejzog.
Yeej yog ib co kev xaiv nom raug cai uas cia li tso cov number rau cov nom pib tus number 1 hauv qab nces txog tus number 6 saum toj los sis yog cia li tso tus number 1 saum toj txog rau tus number 6 hauv qab rau ntawm daim ntawv xaiv nom xwb.
Piv txwv li, yog tias muaj 4 tug nom sib tw ntawm yus lub rooj nom, ces yus cia li tso tus number 1 rau ntawm lub box txuas ntxiv rau tus nyob ntawm thawj tug ib sab txuas ntxiv, tso tus number ob rau tus nyob ntawm tus number 1 thiab number 3, tso tus number 3 rau tus nyob ntawm number 2 thiab number 4 xwb — peb hu tias cov kev xaiv nom no yog donkey vote.
Ces lawv thiaj tau coj tej nom cov npe coj los tso sib xyaw rau ntawm daim ntawv xaiv nom raws li qhov tsim nyog kom raug tej teeb meem ntawm cov donkey votes no tsawg me ntsis.
Cov how to vote cards yog dab tsi?
'How to vote cards' ces yog ib co kev qhia yooj yooj yim rau ib tug twg tias yuav sau yus daim ntawv xaiv nom li cas kom yog es thiaj raug suav xwb.
Ib pab nom twg yeej muaj ib cov ntawv piv txwv qhia rau tej neeg kom paub xaiv nom li lawv qhia, tab sis yus tsis tas xaiv raws li tej nom lawv xaiv piv txwv ntawd.
Hung parliament yog dab tsi?
Muaj tej xwm txheej hung parliament tshwm sim thaum uas tsis muaj ib pab nom twg los yog pab nom koom tswj, li Liberal -Nationals uas tsis yeej cov rooj nom feem coob hauv tsev kis xeev qes (House of Representatives -(Lower House)).
Thaum zoo li no ces yuav ua rau tsis muaj ib pab nom twg tsim tau cai hauv tsev kis xeev qes li yog tsis tau txais kev pab ntawm cov pab nom me los yog lwm pab nom uas pab kom lawv muaj cov rooj nom feem coob.
Xyoo 2010 ces tau muaj cov xwm txheej hung parliament thaum uas pab nom Labor thiab Coalition ob tog yeej cov rooj nom 72 lub tib yam, thiab pab nom Greens yeej 1 lub rooj nom, thiab xaiv tau 4 tug nom ywj pheej.
Hung parliament ces yog thaum tsis muaj ib pab nom twg ntawm ntau pab nom yeej cov rooj nom feem coob ntawm ib co kev xaiv tsa twg. Source: AFP
Hustings yog dab tsi?
Hustings ces tsuas yog tej npe ntawm tej hauj lwm uas tej nom ua ua ntej yuav xaiv tsa seb tej neeg puas xaiv lawv xwb.
Tej ntawd ces yog cov kev hais lus thiab qhia txog lawv tej cai, thiab mus ntsib tej neeg ntawm ib co rooj nom thiab koom sib teev theev xwb.
Yog thaum koj hnov ib tug twg hais tias Anthony Albanese los sis yog Perter Dutton tab tom ''on the hustings", ces txhais tias lawv tab tom nrhiav suab txhawb nqa lawv xwb.
Incumbent yog dab tsi?
Yog tsis tham txog cov kev xaiv tsa ntawd, ces lo lus incumbent yog siv hu ib tug nom uas tseem ua nom tam sim no txawm tias nws yuav sib tw nom txuas ntxiv los tsis sib tw ntxiv.
Piv txwv li Anthony Albanese ces yog tus incumbent prime minister thiab yog tus nom ntawm lub rooj nom Grayndler.
Informal vote yog dab tsi?
Yog tias koj tsis sau dab tsi hlo li rau daim ntawv xaiv nom los sis sau tsis raug ces peb hu cov kev xaiv no no ua cov informal vote.
Australia lub koom haum tswj kev xaiv tsa (Australian Electoral Commission - AEC) yuav txiav txim tias ib daig ntawv xaiv nom twb yog cov informal vote yog tias poob raws li cov xwm txheej txuav ntxiv no:
- daim ntawv xaiv nom tseem zoo li qub los yog tsis sau dab tsi rau li,
- tsis qhia tias tus neeg xaiv nom ntawd nyiam tus nom twg ua ntej tshaj plaws thiab tso cov number raws li nws nyiam rau tag nrho tej nom seem ntawd (ntawm tsev kis xeev qes (House of Representatives or Lower House),
- cia li kos thwj los yog kos cim khaub lig rau,
- sau rau daim ntawv xaiv nom tias tus neeg xaiv nom yog leej twg,
- tso tib tug number xaiv nom qub tas los rov qab sau tus qub rau,
- tsis paub tseeb tias xyov tus neeg xaiv nom xav xaiv tus nom twg,
- los sis tsis ua tib zoo qhia tias tus neeg xaiv nom ntawd yog leej twg.
Yog tias yus ho sau yus daim ntawv xaiv nom yuam kev ces yuav muaj peev xwm nug kom tej neeg ua hauj lwm ntawm tej chaw tswj cov kev xaiv nom ntawd muab ib daig ntawv xaiv nom tshiab rau yus siv los tau.
It's important to fill your ballot paper in correctly or your vote won't count. Source: AFP / Peter Parks via Getty Images
Majority government los sis minority government yog dab tsi?
Thaum uas tsis hasi pab nom Labor los sis pab nom Koom Tswj (Coalition) yeej cov rooj nom feem coob kiag — yam tsawg li 76 lub rooj nom —
ntawm tsev kis xeev qes (House of Representatives/Lower House) ces lawv muaj peev xwm los tsim tau tus tsoom fwv uas muaj cov rooj nom feem coob (Majority government).
Txhais tias thaum tsim ib tsab cai twg tshiab lawv tsis tas thov kev pab ntawm lwm cov nom (Member of Parliaments) los yog lwm pab nom kom thiaj tsim tau cai ntawm tsev kis xeev qes.
Tab sis yog thaum twg ib co kev xaiv tsa twg ua rau pab nom Labor los sis Coalition tau cov rooj nom feem tsawg (Minority government) ces hu ua hung parliament thiab yuav tsum tau suab pab ntawm lwm cov nom ywj pheej los yog cov pab nom me ntawm tsev kis xeev qes pab mas thiaj tsim tau cai siv.
Julia Gillard ces yog tus tsoom fwv Labor uas yeej cov rooj nom tsawg xyoo 2010 ces thiaj tau pom zoo nrog pab nom Greens thiab pab tug nom ywj pheej kom nws thiaj tsim tau tus tsoom fwv.
Marginal seat yog dab tsi?
Yog ib lub rooj nom uas Australia lub koom haum tswj cov hauj lwm xaiv nom (Australian Electorial Commission - AEC) hais tias yog lub rooj nom uas thaum tus neeg sib tw lub rooj nom ntawd tau cov suab xaiv nom tsawg dua 56 feem pua rau cov kev xub xaiv nom dhau los.
Thiab thaum ib lub rooj nom twg yog lub rooj nom marginal seat ces tej zaum yuav swb lub rooj nom ntawd rau lwm tus nom uas sib tw ua nom rau lub rooj nom ntawd thiab.
Lub rooj nom marginal seat ntawm teb chaw no ces yog lub rooj nom Deakin uas nyog tuaj ntug ntawm nroog Melbourne sab hnub tuaj, uas Michael Sukkar uas yog ib tug nom ntawm pab nom Liberal tswj uas tsuas yeej cov suab xaiv tsa txog li 0.02 feem pua xwb.
Pork-barrelling yog dab tsi?
Ces yog thaum uas tej tsoom fwv thiab tej nom tswv faib zej tsoom tej nyiaj thiab tej peev txheej coj mus ua ib co hauj lwm dab tsi (Projects) pab rau lawv lub rooj nom kom tau txais txiaj ntsim rau lawv tej neeg xwb tsis yog tau txais txiaj ntsim raws li qhov zej tsoom xav tau, peb hu cov xwm txheej no ua pork-barrelling.
Pork-barrelling ces yeej yog ib lub tswv yim uas tau siv los ntev heev lawm thiab yeej ib txwm siv kom yeej cov suab xaiv nom ntawm tej rooj nom uas tej zaum yuav swb rau lwm tus nom.
Thiab yeej tsis muaj tej cai dab tsi tsi ntsees twg yuav los txwv tsis pub ua li no ntawm teb chaws Australia no, tab sis yeej muaj tej kev teeb txheeb qhia tias tej neeg xaiv nom feem coob yeej xam tias yog ib cov kev lwg noj lwg haus ua tsis ncaj.
Pre-poll yog dab tsi?
Yog tias koj xub xaiv nom ua ntej thaum ntxov ntawm tej chaw xaiv nom ua ntej hnub xaiv nom ces peb hu cov xwm txheej no tias yog
pre-poll. Thiab txawm tias koj tsis mus xaiv kiag ntawm tej chaw xaiv no ua ntej hnub xaiv nom los koj yeej muaj cai sau daim ntawv xaiv nom thiab xub muab xa ua ntej rau lub koom haum AEC tau.
Koj yuav muaj cai xub xaiv nom thaum ntxov ua ntej yog tias koj yog cov neeg zoo li hauv qab no:
- koj tawm ntawm koj lub rooj nom uas koj yuav tau xaiv nom mus rau lwm qhov chaw lawm.
- koj nyob nrug deb ntawm ib qho chaw xaiv nom deb tshaj li 8km
- koj tab tom mus ntoj ncig (hauv teb chaws/txawv teb chaws)
- koj tsis muaj peev xwm thov so tsis ua hauj lwm ntawm koj qhov chaw ua hauj lwm mus xaiv nom
- koj muaj mob hnyav, yuav tsum muaj ib tug twg tu saib xyuas koj rau ib lub caij ntev vim koj muaj mob los yog laus lawm, los sis nyuam qhuav yug me nyuam tau tsis ntev los no (los yog yuav tau tu saib xyuas ib tug neeg twg)
- koj yog ib tug neeg mob uas tseem pw ntawm tsev kho mob thiab tsis muaj peev xwm xaiv nom ntawm lub tsev kho mob ntawd
- koj coj ib co kev ntseeg twg uas txwv tsis pub koj mus koom ib lub chaw xaiv nom twg
- koj raug kaw tsev laj cuj rau ib co txim twg uas tsawg dua 3 xyoos los yog tseem raug ceev tseg cia
- koj yog ib tug neeg
- Koj yuav yog ib tug silent elector yog tias koj qhia koj chaw nyob lawm yuav tsis tau txais kev nyab xeeb rau koj thiab koj tsev neeg
- koj txhawj thiab ntseeg tias yeej muaj ib co laj thawj ua rau koj ntshai tsam koj tsis tau txais kev nyab xeeb thiab tsis tau txais kev noj qab haus huv.
Preference deals yog dab tsi?
Preference deals ces tsuas yog cov kev pom zoo ntawm ntau pab nom tias yuav cia ib tug nom twg mus sib tw rau cov rooj nom twg raws li cov kev taw qhia kom xaiv nom ntawm daim ntawv xaiv nom.
Txhais tias tsuas yog tias tej neeg xaiv nom ntawd xaiv raws li tej ntawv xaiv nom qhia thaum lawv sau lawv tej ntawv xaiv nom, tsis li ntawd ces cov preference deals tsis tsis muaj feem dab tsi rau cov kev xaiv tsa li.
Pub test yog dab tsi?
'Pub test' ces yog ib sob lus muaj ntau lo lus uas tham txog ib co tswv yim siv coj los ntsuam zej tsoom cov kev tawm tswv yim txog ib co cai twg, txog ib cov kev xav thov los kho ib co cai twg, txog ib cov kev txiav txim siab twg thiab txog ib co nom twg.
Yog koj hnov ib tug twg hasi tej yam li "doesn't pass the pub test", ces txhais tias tsis yog tej yam uas tej neeg Australia ua lub neej txhua hnub xav tias yog ib cov tswv yim zoo.
Redistribution yog dab tsi?
Thaum uas faib ciam ntawm tej rooj nom kom ua tib zoo xyuas kom tau tej neeg xaiv nom coob tib yam ntawm ib lub xeev lawm, ces peb hu cov xwm txheej no ua redistribution.
Yeej muaj ntau thaj chaw ntawm xeev Victoria, NSW, thiab Western Australia yeej tau faib tej ciam (redistribution) xyoo 2024 kom thiaj haum raws li tej pej xeem ntawm lawv tej xeev.
Ces thiaj tau hloov tej ciam ntawm tag nrho tsoom fwv teb chaws cov rooj nom ntawm xeev Western Australia (WA), 42 lub rooj nom ntawm New South Wales (NSW) thiab 34 lub rooj nom ntawm Victoria.
Lub rooj nom ntawm nruab nrab teb sab qab teb hnub tuaj ntawm nroog Melbourne ces raug muab rhuav, tib yam li lub rooj nom North Sydney, ua ke no los kuj tau tsim dua lub rooj nom tshiab hu ua Bullwinkel ntawm sab hnub tuaj ntawm nroog Perth thiab.
Both Kylea Tink's (left) and Michelle Ananda-Rajah's (right) electorates were abolished due to redistribution. Source: AAP
Safe seat yog dab tsi?
Yog ib lub rooj nom uas tus nom raug xaiv los tswj lub rooj nom ntawd yeej cov suab xaiv nom ntau tshaj 60 feem pua rau cov kev xaiv tsa dhau los, ces AEC thiaj hais tias lub rooj nom ntawd yog lub rooj nom 'Safe seat'.
Txhais tias yuav tsum muaj neeg coob heev hloov siab tsis xaiv tus nom tswj lub rooj nom qub tig mus xaiv tus nom tshiab mas thiaj yuav ua rau tus nom qub uas ua rau tus nom qub swb lub rooj nom ntawd xwb.
Swing yog dab tsi?
Swing ces yog qhov sib txawv ntawm cov feem pua ntawm cov suab xaiv nom ntawm ib tug neeg sib tw xaiv nom twg los yog ib pab nom twg tau rau cov kev xaiv tsa piv rau lwm tus los yog lwm pab nom.
Yog tias muaj cov kev hloov siab tig mus xaiv lwm tus nom/lwm pab nom (swing away from a party or a candidate) ces txhais tau tias tsis muaj neeg xub xub xaiv lawv ua thawj tug nom ua lawv nyiam tshaj plaws ntawm cov kev xaiv tsa zaum no li cov kev xaiv tsa zaum dhau los lawm.
Yog tias muaj tej neeg xaiv nom hloov siab tig los xaiv lawv tam li yog thawj tug nom coob dua rau cov kev xaiv tsa zaum no ces yuav ua rau lawv tau cov suab xaiv nom ntau dua zaum dhau los.
Ces ib tug neeg swing voter thiaj yog tus neeg uas pheej hloov ntawm ib pab nom los yog hloov ntawm ib tug nom mus xaiv dua lwm pab nom tshiab los yog lwm tus nom tshiab rau cov kev xaiv tsa tshiab.
Teals yog dab tsi?
Lo lus 'teal' ces yeej muaj lub ntsiab lus zoo tib yam li kob/xim xiav ntsuab, tab sis kuj muaj lub ntsiab lus tshiab rau tej laj fai kum xeeb rau lub caij xaiv tsa tsoom fwv teb chaws xyoo 2022 thiab.
Uas yog lub npe hu ib pawg neeg uas feem ntau yog poj niam, yog cov nom ywj pheej siv lub tswv yim los pov puag tej ib puag ncig thiab pab kom tej laj fai kum xeeb ruaj khov tshaj qub tuaj ntxiv mus sib tw nrog tej rooj nom ntawm pab nom Liberals uas yeej cov suab xaiv nom feem coob.
Thiab tos tej chaw nthuav xov xwm pheej muaj tej nom no hu tias yog cov nom 'teals' los twb vim yog tej nom sib tw tej rooj nom no pheej siv tej kob/xim li hais no coj los ua cov pab lawv sib tw nrhiav suab xaiv nom.
Tej nom teals feem coob ces yeej tau nyiaj pab cuam los ntawm lub koom haum Climate 200.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm , , , los yog . Download thiab mloog , caum Pod follw los yog lwm cov podcasts platforms (, ).
