Ntsiab lus tseem ceeb:
- Xyoo no ces tau muaj tej xwm txheej neeg phem dag tej neeg cuam tshuam txog cov kev nrhiav hauj lwm ua no ntau tshaj 740% lawm.
- Thiab txij lub 1 hlis ntuj los txag tam sim no ces neeg Australia twb raug dag poob nyiaj txog li 20 million dollars lawm.
- Tej tub kawm uas pheej xav ua hauj lwm part-time thiab tej neeg uas xav khwv kom tau me ntsis nyiaj ntxiv yog cov neeg uas pheej rau neeg phem dag.
Tau muaj tej xwm txheej dag cuam tshuam txog cov kev nrhiav hauj lwm ua ntau tuaj ntxiv lawm, thiab kuj tau muaj ib cov kev ceeb toom rau neeg Australia kom ceev faj, vim txij lub ib hlis ntuj xyoo no los ces twb ua rau neeg Australia poob nyiaj txog li 20 million dollars lawm.
Stephen Jones uas yog tus nom lis cov dej num Financial Services hais tias lub koom haum National Anti-Scams Centre yeej tau qhia tias muaj tej teeb meem tej neeg raug dag cuam tshuam txog cov kev nrhiav hauj lwm ua ntau tshaj 740% rau xyoo 2023 no lawm.
Nws tau hais rau hnub tim 23 lub 10 hli ntuj tias "Peb tau pom tias muaj tej neeg dag coob tuaj ntxiv ua txoj dag tias lawv yog tej neeg ua hauj lwm ntawm ntau cov koom haum thiab tej chaw nrhiav neeg ua hauj lwm, pheej sib txuas lus nrog tej neeg lawv dag hauv WhatsApp los yog pheej haub tau yaum tej hauj lwm hauv tej social media platforms li Facebook, Tik Tok thiab Instagram."
Tej teeb meem nuj nqes siv ua lub neej kim tuaj ntxiv ntawm Australia tau ua rau , ces thiaj tau muaj ntau cov kev haub tau yaum hauj lwm cuav tias muaj peev xwm ua tau tej hauj lwm no ntawm tsev.
Jones tau hais tias tej neeg dag txhob txwm siv tej tom txwv ntau yam coj los dag tej neeg nrhiav hauj lwm ua
said scammers are targeting job-seekers with lucrative offers to complete tasks, tricking unsuspecting victims into handing over their hard-earned money.
Nws hais tias "Feem ntau mas tej neeg dag ntawd pheej pab tej neeg uas lawv dag tsim ib co account hauv tej cryptocurrency platforms thiab pheej hais kom lawv mus kawm kom paub ua ntau yam, ua ntej yuav hais kom tej neeg them nyiaj rau lawv, thiab lawv cog lus tias yuav tau nyiaj paj tshab (Commissions/bounuses).''
Tsoom fwv tau hais tias tej tub kawm uas pheej xav nrhiav hauj lwm part-time ua thiab tej neeg uas pheej xav nrhiav ib yam hauj lwm dab tsi ua ntxiv kom khwv tau nyiaj ntau me ntsis ntxiv coj los siv yog tej neeg uas pheej raug neeg phem dag.
LISTEN TO
Warning over 'elaborate ploy' to scam international students in Australia
SBS News
21/09/202304:12
Yuav ua li cas thiaj paub tias puas yog cov kev dag los tsis yog
Yeej muaj ntau yam cim ceeb toom rau yus li pheej xa message hauv WhatsApp los yog lwm cov social media platforms li Facebook, TikTok los yog Instagram tias muaj hauj lwm rau tej neeg ua.
Lwm yam kev ceeb toom ces yog pheej hais tias ''yeej yuav tau nyiaj xwb xwb'' los yog pheej hais tias yog ib cov kev nqes peev uas yuav khwv tau nyiaj zoo heev yam tsis txaus ntseeg thiab tsuas ua tej hauj lwm yooj yooj yim hauv online xwb.
Tej hauj lwm cuav no ces feem ntau pheej zoo li cov kev play game uas txhawb nqa kom tej neeg sib tw ua ntau yam, los yog qhia kom lawv tej phooj ywg koom ua, thiab xa nyiaj rau ib lub app twg kom thiaj khwv tau nyiaj ntau tuaj ntxiv.
Kuj tau muaj ib tug poj niam poob nyiaj $40,000 tom qab nws tau teb ib co lus ntawm ib qho Facebook uas qhia tias muaj hauj lwm part-time rau nws ua ntawm tsev, tsis tas li ntawd ntxiv los kuj muaj ib tug them $12,000 rau tej neeg phem uas ntxias kom nws mus koom nrog lawv hauv social media thiab.
Thiaj xav kom tej neeg sawv daws yuav tsum tau hu kiag tas sim ntawd mus nrog yus tej txhab nyiaj tham yog tias yuav xav tias tej zaum yus raug neeg phem dag poob nyiaj lawm, thiab qhia rau lub koom haum National Anti-scam Centre paub.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab Downloadthiab caum
