Tsoom fwv teb chaws tej nyiaj puag xyoo yuav muaj cov kev pab them nqe hluav taws xob rau tej cuab yig thiab 1 million cov lagluam me thiab kuj yuav pab tej nyiaj Commonwealth Rent Assistance los pab ntiav tsev nyob raws li SBS nkag siab.
Ntxiav ntawd los kuj tseem tssi tau paub tseeb tias yuav zoo li cas thiab tseem yuav los qhia rau hauv tsoom fwv teb chaws tej nyiaj puag xyoo thaum sij hawm 7:30 pm AEST tim 14 lub 5 hlis ntuj xyoo 2024.
Tsiab no ces yeej tau pab $500 them nqe siv hluav taws xob rau 5 million yim neeg, thiab tej lagluam me uas tau $650.
Ces pab nom Greens thiab tej koom haum pab tej neeg txom nyem thiaj tub nias tsoom fwv kom yuav tsum rau hauv nws cov nyiaj puag xyoo (2024-25).
Thiab Treasurer Jim Chalmers yeej tau qhia lawm tias yuav muaj ntau cov kev pab tej neeg Australia uas txom nyem 'tab sis tsis yog pab rau ib txhia neeg li tau muaj cov kev nqua hu kom pab' raws li nws tau qhia rau tej neeg nthuav xov xwm limtiam no.
Txij li lub 12 hlis ntuj xyoo 2021 thiab lub 12 hlis ntuj xyoo 2023 ces tej nqe tsev tau kim tuaj ntxiv txog li 22 feem pua, tej zaub mov thiab khoom noj tau nce kim txog 17 feem pua, nqe hluav taws xob kim txog 17 feem pua thiab nqe transport kim tuaj ntxiv txog 11 feem pua,
Tej economists thiab lwm pab nom teb chaws kuj tau ceeb toom txog tej nyiaj coj los pab zej tsoom them tej nuj nqes siv ua lub neej hauv tsoom fwv teb chaws tej nyiaj puag xyoo tias tsam yuav ua rau nyiaj poob nqe ntxiv, tab sis Chalmers tau hais tias cov nws cov nyiaj puag xyoo no yuav pab tswj tej nyiaj poob nqe.
"Peb yeej yuav ua tib zoo xyuas kom tsuas siv raws li qhov tsim nyog xwb ... thiab yuav ua tib zoo xyuas kom tsim tau cov kev pab cuam them tej nuj nqes siv ua lub neej no yog ib feem ntawm tej tswv yim los daws tej nyiaj poob nqe tsis yog tej yam los tsim teeb meem,'' raws li nws tau qhia rau tej neeg nrhiav xov ntawm Canberra hnub zwj Quag (Tuesday) no.
Nod yog tej uas peb paub txog tej nyiaj puag xyoo 2024-25 uas yuav npaj los pab them tej nuj nqes siv ua lub neej.
Txo se theem peb
Ib co kev pauv hloov tseem ceeb ntawm tej nyiaj puag xyoo uas peb yeej tau paub los tau ntau hli lawm — ces yog neeg Australia yuav tau txais kev txo se.
Yog li cov kev kho dua cov kev txo se tshiab no thiaj yuav pab kom tej neeg khwv tau nyiaj tsawg thiab tau nyiaj nrab tau nyiaj li ntawm $1,929 yog tias lawv khwv tau ib xyoos twg txog li $90,000.
Tab sis yuav tsis tau tib zaug tag nrho - thiab tsuas maj mam tau me ntsis ntxiv rau yus tej nyiaj hauj lwm uas yus khwv tau txij tim 1 lub 7 hli ntuj no
Thiaj ua raws li cov Low and Middle Income Income Tax Offset, Ces thiaj yuav ua rau tej neeg tau cov se rov qab ntau tuaj ntxiv txog li ntawm $1,000 rau ntau xyoos dhau los.
Stage 3 tax cuts and how they will impact people's pay packets.
Paid parental leave
Cov nyiaj puag xyoo no los kuj yuav
Ces thiaj yuav muaj tej cuab yig txog li ntawm 180,000 yim yuav tau cov nyiaj paid parental leave txij tim 1 lub 7 hli ntuj xyoo 2025 uas yuav ntxiv cov nyiaj super 12 feem pua them rau tej superannuation fund thiab.
Nuj nqes HELP debt thiab tej nyiaj them rau tej tub kawm uas tseem xyaum ua hauj lwm thaum tseem kawm
Tej nyiaj puag xyoo kuj yuav muaj qee cov kev pab cuam rau tej tub kawm thiab.
Tim 5 lub 5 hlis ntuj ces Jason Clare uas yog tus nom tswj dej num kev kawm tau qhia tias tsoom fwv yuav nrog xyuas kom tej tub kawm tej nuj nqe Higher Education Loan Program (HELP) raug them raws cov indexation rate, .
Uas yuav xam raws consumer price index los yog wage price index, seb cov twg tsawg dua.
Ces tsoom fwv thiaj yuav them nyiaj Students Against Placement Poverty txog $319.50 ib limtiam twg rau tej tub kawm uas tseem kawm ua lees kais, nurses, social workers uas yuav tau xyaum ua hauj lwm tam li yog ib feem ntawm lawv cov kev kawm.
Welfare payments
Chalmers kuj raug tsub nias kom them nyiaj welfare ntau ntxiv tuaj txog $762.70 ob limtiam twg rau tej neeg tau cov nyiaj JobSeeker unemployment payment, uas tau $55 ib hnub twg.
Thiab Nick McKim uas yog tus nom tswj nyiaj txiaj rau pab nom Greens hais tias tsoom fwv yeej tsis kub siab los pab tej neeg Australia txom nyem raws li qhov tsim nyog.
Nws hais tias "Nqe ntiav tsev los kim tuaj ntxiv. Tsis muaj peev xwm yuav tau zaub mov noj. Thiab peb pom tias Labor tsuas kub siab txog nyiaj puag xyoo tsam xwb thiab kom nws tau txais ntxiaj ntsim laj fai kum xeeb xwb, thiab yeej tsis kub sib los ua tib zoo xyuas kom pab t au tej neeg ntsib teeb meem nuj nqe ntau yam ntawm peb lub teb chaws no.''
LISTEN TO
Cost of Living Secrets: Mortgages
SBS News
07/05/202425:50
Limtiam dhau los ces treasurer yeej tau qhia tseem tsawv tias tej zaum yuav siv qee cov kev taw qhia ntawm tsoom fwv pawg rooj saib xyuas Economic Inclusion Advisory Committee, uas tau nqua hu kom them nyiaj pab zej tsoom txog li $1,004.67 rau ob limtiam twg.
Pawg rooj saib xyuas no yeej tau muaj 22 cov kev taw qhia — tab sis tus nom tswj nyiaj txiaj rau tsoom fwv uas tseem yuav los qhia txog nws cov nyiaj puag xyoo zum ob uas tau nyiaj tsam no — yeej tsis qhia tias yuav puas ua raws tej lus taw qhia no li cas.
Chalmers kuj tau qhia tias yuav pab tej pensioners thiab tej neeg tau nyiaj welfare pab cuam tab sis kuj tsis tshab txhais qhia tias ho yuav pab dab tsi.
Lub koom haum Antipoverty Centre thiaj tau hais tias cov nyiaj puag xyoo khwv tau tsma no ''yog ib cov kev saib tsis tau tej neeg txom nyem.''
"Qhov ua tau ceev tshaj plaws thiab zoo tshaj plaws uas tsoom fwv muaj peev xwm ua pab tej neeg khwv tau nyiaj tsawg tam sim no, ces yog tiv thaiv thiab txo kom muaj tej neeg tsis muaj vaj tse nyob kom tsawg, daws teeb meem nyuaj siab ntxhov plawv, pab tej neeg tsiv tawm ntawm tej teeb meem kub ntxhov hauv lub cuab yig, thiab ua tib zoo xyuas kom txhuas tus uas xav tau nyiaj pab cuam tau nyiaj ntawm Centrelink kom tsis txhob txom nyem'', raws li lub koom haum no tej ncauj lug tau qhia.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
