Cov ntsiab lus tseem ceeb
- Tsis txhob tsav tsheb mus rau tej chaw dej nyab vim yog tsheb mus kwm dej tob txog 15 cm lawm ces yuav ua rau lub tsheb ntab thiab raug dej muab tshoob mus lawm.
- Hu rau lub koom haum State Emergency Service (SES) tus xov tooj 132 500 thov kev pab cuam. Thiab yog raug xwm txheej kub ntaiv ces hu rau tus xov tooj 000 yog tias yuav muaj tau kev phom sij rau koj txoj sia kiag tam sim ntawd.
Lub koom haum ntsuam thiab kwv yees huab cua yeej muaj ntau cov kev ceeb toom txog dej nyab rau tej chaw sab hnub tuaj feem ntau ntawm NSW vim muaj cov xwm txheej huab cua uas tau ua rau muaj ntuj los nag ntau tshaj tus zauv nrab ib txwm los.
Lub koom haum Allianz cov kev teeb txheeb qhia tias tej neeg Australia yeej tsis muaj peev xwm npaj tau lawv tus kheej zoo yog tias muaj dej nyab tiag vim rau qov lawv tsis paub txog tej xwm txheej huab cua.
Mark O’Connor uas yog tus coj lub tuam txhab muag cov nyiaj tuav pov hwm uas tswj cov claims hais tias, yog tej yam txaus tu siab uas tseem muaj nag xob nag cua thiab muaj dej nyab ces thiaj ua rau muaj kev puas tsuaj rau Australia tej vaj tse tsaib no poob nyiaj txog $2.4 billion tsaib no diam.
Npaj tswv yim tseg ua ntej thiab npaj tias tsam muaj tej xwm txheej kub ntaiv thiaj paub tias yuav ua li cas
Source: Getty Images/Colin Anderson Productions
O’Connor thiaj xav kom mus txheeb xyuas li nrog tej neeg nyob ze ntawm koj tham los yog nrog tej koom haum pab cuam emergency ntawm zejzog tham. Nws xav kom kom txheeb xyuas koj tej insurance policy txhua xyoo thiab npaj ib co emergency plan qhia rau koj tsev neeg.
Npaj cov khoom yuav siv rau lub caij muaj emergency nrog rau cov twj kho mob, dej zaub mov thiab twj sam hluav taws xob sam xov tooj.
Baker hais tias yog koj yeej paub tej zaum koj lub tsev yuav raug dej nyab lawm ces xav taw qhia kom kav tsij npaj ua ntej, tshem txhua yam khoom muaj nqi tso rau tej chaw siab, tab sis tsis xav kom khaw cia rau tej chaw dej yuav nyab. Baker thiaj txhawb nqa kom tej neeg sawv daws npaj ib co tsam ho muaj xwm txheej kub hnyiab los yog dej nyab. Tsis tas li no los koj yeej muaj peev xwm mus nrhiav tau tej xov xwm qhia kom npaj koj lub tsev li cas rau lub caij raug kev phom sij tau ntawm tej koom haum SES tej vas sab hauv tej zejzog tau thiab. Baker kuj tseem xav kom xyuas kom tsis txhob pub tej khoom seem txeej, tej hnab, tej av thiab xuab zeb los txhaws tej qhov raj dej los yog txhawj koj lub tsev plob thiab tej qhov raj dej thaum muaj dej nyab.
- Yog koj yuav tsiv tawm ces yuav tsum npaj tias seb yuav mus rau txoj kev twg ua ntej koj yuav ncaim, thiab yuav tsum nrhiav lwm txoj kev npaj tseg, kom thiaj li paub mus txog qhov chaw ntawd yam tau txais kev nyab xeeb. Thiab yuav tau txais kev nyab xeeb rau koj dua yog koj ncaim ntawm koj lub tsev musk om ntxov npaum li ntxov tau yog muaj dej nyab.
- Tsis txhob tsav tsheb mus hla tej kev uas twb muaj dej nyab lawm.
Source: Getty Images/Charles Briscoe-Knight
Thiab yog tias koj nyob rau thaj chaw uas ntuj los nag hlob heev lawm ces xav kom koj nres tsheb rau ib qho chaw nyab xeeb los yog mus rau thaj chaw kom siab zog.
Yog tej yam phom sij heev li. Vim ib txhia tsheb ces yog thaum dej nyab siab txog li 15 cm lawm ces yuav ua rau koj lub tsheb ntab saum tej dej nyab ntawd lawm.
Yog tias kojtsis muaj peev xwm tawm hauv koj lub tsheb lawm ces kuj yuav yogi b cov xwm txheej kub ntaiv loj lawm thiab yuav tau hu rau tus xov 000 thov kev pab cuam kiag tam sim ntawd.
Source: Getty Images/Tobias Titz
Stacey Pidgeon uas yog tus coj cov kev teeb txheeb ntawm lub koom haum Australia Royal Life Saving Society hais tias tsi xav kom tej neeg taug kev mus kwm tej chaw dej nyab tsis hais yuav zoo li cas li.
Thaum koj tsis muaj peev xwm mus tau lwm qhov lawm
- Yog tias koj daig rau tej chaw muaj dej nyab loj tuaj lawm thiab tawm tssis tau lawm, ces yuav ras los ua ib cov xwm txheej pheej hmoov rau koj txoj sia tau, yog li koj yuav tsum tau nrhiav ib qho chaw tau txais kev nyab xeeb nkaum los yog nyob rau qhov chaw siab tshaj plaws uas koj muaj peev xwm ua tau ces hu tus xov tooj 000.
- Tej dej uas nyab siab zujzus tuaj ntawd yuav ua rau cais tej vaj tse thiab ua rau tsis tau hluav taws xob siv ua rau muaj teeb meem rau tej raj dej qias thiab ntau qhov chaw thiab tej vaj tse.
- Yog tias koj tsis muaj peev xwm yuav tawm tau ntawm thaj chaw ntawd lawm, thiab ho tseem muaj tej kais dej huv uas tseem zoo siv ces kom cug ntim cia hauv tej thoob kom tau dej huv rau koj siv.
- Yog tej yam tseem ceeb uas yuav tsum nco tias tej zaub mov uas koj kaws cia hauv tej tub tsau txias yuav tsis zoo noj lawm yog tias hluav taws xob tuag lawm.
- Thiab yog tias dej nyab cais koj es must sis tau rau lwm qhov lawm ces kom nyob twj yim, vim cov kev tawm mus rau lwm qhov yuav phom sij tshaj qhov koj nyob twj ywm tos cov kev pab cuam.
Yog tias koj raug dej nyab lawm ces:
- Cia dej tshoob koj mus
- Tsa koj txhais tes qhia tias koj xav tau txais kev pab cuam
- Ntxeev tiaj kom koj lub taub haus tsis txhob tsau dej
- Yog vuag ib yam dab tsi li esky, pob, phiaj ntab los pab kom koj ntab
Thiab tseem ceeb heev uas koj tsis txhob ua luam dej mus pab cawm ib tug twg, vim rau qhov tej neeg feem coob uas xav pab cawm lwm tus ntawd ces thaum kawg yeej poob deg xwb.
Qhov zoo tshaj plaws koj muaj peev xwm ua tau ces hu rau emergency servies. Los yog koj muaj peev xwm cuam ib yam khoom ntab pab kom tus neeg ntawd ntab saum dej xwb.
Baker hais tias yog poob rau cov xwm txheej emergency lawm ces yuav tsum tau xub kub siab txog tib neeg txoj sia ua ntej tshaj plaws.
Mus xyuas tej koom haum State Emergency Service (SES) tej website los yog kom thiaj paub txog tej xov xwm qhia kom paub npaj tej xwm txheej dej nyab no. Txheeb xyuas tau lub koom haum . Thiab yog koj xav tau kev pab cuam rau tej chaw raug dej nyab ces hu rau lub koom haum SES tus xov tooj 13 25 00. Los sis yog hu kiag rau tus xov tooj 000 yog yuav ua rau muaj teeb meem rau koj txoj sai. Thiab yog koj xav tau neeg txhais lus ces hu rau tus lub koom haum txhais ntawv thiab txhais lust us xov tooj 131450 thiab kom lawv nrhiav neeg txhais lus nrog lub koom haum koj xav thov kev pab cuam tham. Thiab yog koj xav tau xov xwm tshiab txog cov xwm txheej emergency thoob Australia thiab tej kev taw qhia pov puag koj los yog koj tej vaj tse ces mus txheeb tau ntawm
Source: Getty Images/Rafael Ben-Ari
