Plam kev ntseeg: vim li cas Australia tej hluas thiaj tsis lees paub kev ntseeg
Yeej muaj tej hluas coob tshaj qub ntxiv yam tsis tau pom muaj dua lo lis tsis kub sib txog tej kev ntseeg lawm. SBS News yuav mus txheeb tias yog vim li cas.
Published 28 May 2024 8:14am
By Lydia Feng
Presented by Vixay Vue
Image: Members of the UNSW Agnostics, Atheists and Humanists. (Facebook / Facebook/UNSW Agnostics, Atheists and Humanists)
Toom xov xwm no yog ib toom ntawm cov xov xwm 5 toom txog cov kev ntseeg muaj txhua limtiam thoob SBS News.
Sabeena Mozaffar yeej tau loj hlob ntawm teb chaws Pakistan, thiab raug cob qhia kom yog ib tug neeg Muslim uas coj raws tej kev ntseeg nruj heev.
Nws yeej ib txwm muaj kev ntsawv siab rau nws tej kev ntseeg, tab sis nws kuj tsis tshua kaj siab txaus uas yuav qhia rau lwm tus txog rau thaum uas nws tau mus kawm ntawm ib lub tsev kawm qib siab ntawm Sydney.
Tam sim no ces nws yog ib tug neeg tsis ntseeg ib yam kev ntseeg dab tsi li lawm.
"Kuj xav nug tias: 'Yog tswv ntuj yog tus tus tswj txhua yam zoo hauv ntiaj teb no, vim li cas nws thiaj tsis tswj tag nrho txhua yam phem thiab?' Kuv niam thiab kuv txiv los kuj teb tej lus no muaj ceem heev vim lawv ntshai tsam kuv yuav tsis ntseeg peb cov kev ntseeg lawm'', raws li tus neeg hnoob nyoog 23 xyoos tau qhia rau SBS News.
"Ces thaum kawg kuv thiaj ras tias, yog lawm kuv yog ib tug neeg tsis ntseeg dab tsi li, ces thiaj li ua rau kuv muaj kev tso siab lawm. Kuv los kuj mloog tau tias kuv chim kawg li thiab vim kuv tau nkim kuv lub neej 21 xyoos los ntseeg lub tswv yim uas kuv paub tias cuav thiab yeej tsis muaj peev xwm hais tau ib yam dab tsi txog tej kev ntseeg li,'' raws li nws tau hais.
Ms Mozaffar los kuj tsis yog tib tug neeg uas thiaj ntsib tej xwm txheej no nkaus xwb thiab. Raws li tej xov xwm txheeb pej xeem tsis ntev los no tau qhia ces yeej muaj Australia tej hluas coob tshaj qub tuaj ntxiv tsis kub siab txog tej kev ntseeg lawm thiab.
Xyoo 2001 ces yeej muaj tej hluas hnoob nyoog qes dua 24 xyoos txog 19 feem pua raug teev tias lawv tsis ntseeg ib yam kev ntseeg twg. Uas tau muaj tej zauv feem pua no ntau tuaj ntxiv txog 35 feem pua lawm yog piv rau tej muaj xyoo 2016.
Sabeena Mozaffar tau loj hlob ntawm teb chaws Pakistan ntawm ib tsev neeg Muslim uas coj kev cai kev ntseeg nruj heev. Source: Supplied
Nws tau qhia rau SBS News tias "Kuv tau pib siv science ntau tuaj ntxiv los teb ntau yam lus nug. Thiab tsis siv cov kev ntseeg coj los ua cov kev taw qhia kom ua zoo lawm, tab sis siv kuv cov kev xav. Ces thiaj ua rau kuv muaj txoj kev xav ywj pheej ib nyuag ntau zog ntxiv lawm.''
"Thiab tej no tsis yog ib feem ntawm kuv lub cim thawj vim kuv xav tias kuv niam kuv txiv thiab kuv pog kuv yawg yeej tau siv kev ntseeg tam li yog ib yam dab tsi los pab kom kuv ras los ua ib tug neeg zoo dua lawm.''
Nws hais tias internet yog ib yam tseem ceeb muaj feem ua rau nws txiav txim siab ras los ua ib tug neeg tsis muaj kev ntseeg dab tsi lawm.
Lisa Qiu yog ib tug neeg tsis ntseeg ib yam kev ntseeg dab tsi ntawm nws lub tsev kawm qib siab. Source: Supplied
Cov kev plam peb tej kev ntseeg
Carole Cusack kuj yog ib tug zes kais teeb txheeb txog kev ntseeg ntawm tsev kawm qib siab University of Sydney tau hais tias kev ntseeg yeej tsis yog tej yam uas raug yuam kom tej neeg ntseeg li yav tag los lawm.
Nws tau qhia rau SBS News tias "Tej neeg feem coob tam sim no ces tau txhim kho lawv tus kheej tam li yog tej neeg ntiag tug lawm xwb, tsis yog ib co tub koom siab ntawm tej zejzog lawm, thiab lawv yeej nyiam qhia txog lawv tus khej ntau dua cov kev kev yog ib feem ntawm ib co koom haum twg uas tsim cai nruj siv los yog tsim ib co cwj pwm li cas rau sawv daws siv lawm.''
"Xyoo 1981, thaum kuv tseem nyuam qhuav pib kawm tsev kawm qib siab, ces yog tej yam nyuam heev uas yuav ntiav tau ib lub tsev nyob nrog ib tug hluas nraug. Tej neeg yeej tau nug kom muab daim ntawv sib yuav ua txij nkawm rau lawv saib, tab sis kuj tau muaj cov kev pauv hloov loj heev lawm. Thiab yeej tsis yog tej yam cuam tshuam dab tsi ntxiv lawm.''
"Ces ntiaj teb tej kab lis kev cai thiaj maj mam ua rau muaj teeb meem rau tej kab lis kev cai kev ntseeg lawm, thiab tam sim no tej neeg yeej muaj peev xwm ua tau lawv lub neej yam tsis tas mus koom tej kab lis kev cai kev ntseeg ntxiv li lawm.''
Source: SBS
Cov kev hloov raws tiam neej tshiab
Vim muaj cov kev ras xeev ntawm tej neeg tsis coj ntseeg coob tuaj ntxiv ntawm Australia no lawm tau ua rau tej coj kev coj ntseeg hloov tej yam ntawv lawv tham nrog tej hluas txog cov kev ntseeg.
Adel Salman uas yog ib tug neeg ntawm lub koom haum Islamic Council of Victoria hais tias vim cov kev muaj internet siv yog tej yam tseem ceeb tshaj qub ntxiv uas tej coj kev ntseeg yuav tau kub siab txog tej hluas.
Nws tau qhia rau SBS News tias “Vim peb paub tias yeej tau muaj tej txiv plig immams thiab sheikhs yeej tsis npaj lawv tus kheej kom txhij rau tej xwm txheej no li. Tab sis qhov zoo mas yog lawv tau hloov los siv tej xub ke kom haum raws tiam tshiab no thiab qhia tej xov xwm rau tej hluas uas tsis yog pab kom lawv nkag siab tab sis lees paub tias yog tej yam txaus ntseeg thiab.''
"Yog li thiaj ua rau peb tab tom hloov ntawm cov kev pheej yuav qhia txog cov kev ntseeg yooj yooj yim thiab lub ntsiab tseeb ntawm cov kev ntseeg Islam, dab tsi yog dab tsi yuam kev xwb, tab sis peb kuj tham txog ntau yam thiab tham txog tej teeb meem nyuaj uas tej neeg tab tom ntsib thiab,''
“Tej hluas neeg Muslim ntawm Australia ces tab tom ntsib teeb meem teeb meem rau lawv lub cim thawj thiab ntsib ntau yam teeb meem nyuaj dab tsi tsi ntsee rau lawv.''
Glenn Davies uas yog ib tug txiv plig Sydney Anglican Archbishop tau hais tias cov kev ntseeg Anglican faith los kuj tab tom hloov nws tej tswv yim qhia thiab xa tswv ntuj tej xo kom phaum hluas nyiam.
Nws tau hais tias "Tej hluas nyuam qhuav nto nkauj nto nraug yeej nyiam pw lig rau hnub Sundays, raws li kuv xav, yog li peb tej tsev teev hawm feem coob thiaj ua cov kev ntseeg rau tom qab tav su dua los yog thaum tsaus ntuj kom lawv tau mus koom.''
"Tsis tas li ntawd los peb kuj muaj cov camping programs thoob rau tsoom fwv txhua lub teej kawm thiab muaj ntawm peb tej teej kawm Anglican schools thiab.''
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
Share
