Ntsiab lus tsem ceeb:
- Muaj 41 feem pua ntawm neeg Australia mloog tau tias lawv khwv tsis tau nyiaj ruaj siv, thiab tau muaj tej xwm txheej no ntau tuaj ntxiv txog li 10 feem pua txij li xyoo 2021 los.
- Cov kev txom nyem nyiaj txiaj siv cuam tshuam txog cov kev muaj kev ntseeg siab rau tsoom fwv tsawg, ua rau tej neeg xa phem, thiab ua rau tej neeg tsis tshua zoo siab rau haiv neeg no thiab haiv neeg no lub cim thawj.
- Tej neeg ntiav tsev nyob thiab tej neeg qev nyiaj los yuav tsev yog cov txom nyem nyiaj txiaj ntau tuaj ntxiv vim kab theem paj thiab tej nqe ntiav tsev kim tuaj ntxiv.
Australia tab tom muaj teeb meem rau nws tej zej tsoom cov kev koom npaj phem zuj zus tuaj rau lub caij uas muaj ob tug ntawm tsib tug neeg Australia twg qhia tias lawv txawj xeeb heev txog cov kev tsis muaj nyiaj siv.
Tej nqe kim thiab tej kab theem paj uas kim tuaj ua rau tej cuab yig muaj nyiaj tsis txaus siv, thiab muaj 41 feem pua ntawm tej neeg koom peb cov kev teeb txheeb yeej tau qhia tias lawv yog cov neeg ''txom nyem'' los yog cov neeg uas yeej tsis tshua muaj peev xwm ua tau lub neej lawm.Scanlon Foundation Research Institute
Uas tau muaj cov feem pua ntau tuaj ntxiv yog piv rau xyoo 2022 uas tsuas muaj txog li 37 per cent thiab 31 per cent rau xyoo 2021 xwb.
Cov kev muaj nyiaj tsis txaus siv no thiaj muaj feem xyuam ua rau zej tsoom muaj kev koom npoj tsawg lawm. Tib cov neeg uas uas tau qhia li ntawd los kuj yog cov neeg uas qhia tias lawv tsis tshua ntseeg siab rau tsoom fwv lawm thiab yeej xav tias Australia lub neej pem suab yuav phem tshaj qub ntxiv, thiab yeej tsis tshua zoo siab rau haiv neeg no lub cim thawj.James O'Donnell - author of annual social cohesion, Australian National University
James O'Donnell thiaj tau hais tias "Yog tej yam tseem ceeb heev - vim ob tug ntawm tsib tug twg yeej hais tias lawv tsis muaj peev xwm ua lub neej lawm."
Cov kev khwv tsis tau nyiaj kuj muaj feem ua rau tej neeg muaj cov kev xav tsis zoo rau ntau cov neeg zejzog sib txawv, thiab tej neeg tsis muaj peev xwm ua tau lub neej no txog li 13 feem pua yeej tsis tshua ntseeg tias cov kev txais tej neeg tsiv teb tsaws chaw ntawm ntau lub teb chaws tuaj yuav pab kom Australia ruaj khov dua.
Tej neeg ntiav tsev thiab tej neeg qev nyiaj yuav tsev yog cov qhia tias lawv txom nyem nyiaj txiaj tshaj yog piv rau tej uas muaj peev xwm them thiab yuav kiag lawv lub tsev rau lub caij kab theem paj thiab tej nqe ntiav tsev nyob kim tuaj ntxiv no.James O'Donnell
Ces thiaj ua rau muaj tej neeg mloog tau tias '' lawv zoo siab heev'' uas yog ib feem ntawm lub teb chaws no tsawg heev txog li 48 feem pua rau xyoo 2023 lawm xwb, thiab tsuas muaj tej neeg ''muaj txoj kev zoo siab'' rau Australia tej kab lis kev cai thiab txoj kev ua lub neej txog 33 feem pua xwb.
Tsis tas li ntawd los tej neeg koom cov kev teeb txheeb no yeej tau txhawj xeeb txog cov kev tsis tau txais vaj huam sib luag rau cov kev khwv nyiaj thiab cov kev ncaj ncees thiab.
Yeej muaj tej neeg coob heev txog li 84 feem pua txhawj xeeb txog txoj kev sib tu ncua ntawm tej neeg khwv tau nyiaj ntau thiab khwv tau nyiaj tsawg, yog piv rau 76 feem pua rau lub 7 hli ntuj xyoo 2020.
Lwm yam uas tsis cuam tshuam txog tej lag luam li tej kev sib teev theev txog ntau yam ntawm lub teb chaws no los yog pej kum haiv kuj tau ua rau muaj teeb meem tsis muaj kev koom npoj rau lub caij ib xyoos dhau los no thiab.
Kuj tau muaj cov kev teeb txheeb no rau lub xya hli ntuaj, peb hlis ua ntej yuav muaj cov kev tawm suab seb puas pom zoo muaj suab sawv cev rau neeg txum tim hauv tsev tsoom fwv, thiab ua ntej yuav rov qab muaj cov kev sib tua tsis sib haum xeeb ntawm Middle East.
Txawm li cas los kuj muaj qee yam zoo ntawm ntau yam uas txhawb nqa kom haiv neeg no muaj txoj kev koom npoj, suav lub tswv yim txhawb nqa ntau tsav neeg coj ntseeg ntau yam kab lis kev cai (multiculturalism) nrog kuj yog tej yam zoo rau Australia thiab.
Tab sis kuj muaj tej neeg koom cov kev teeb txheeb xyoo 2023 no hais tias tau muaj cov kev faib cais tsis nyiam lwm tus vim lawv yog lawv ib tsav neeg, yog ib co neeg pawg tsawg twg, los yog ib co neeg muaj cev nqaij daim tawv txawv twg, thiab ntseeg ib cov kev ntseeg twg li qub ntawm 18 feem pua yog piv rau 16 feem pua uas muaj rau xyoo 2022.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab Downloadthiab caum
