Ntsiab lus tseem ceeb:
- Australia Bureau of Statistics yuav coj tej xov xwm teev txog tej pej xeem tshiab los qhia rau hnub zwj Teeb (Thursday).
- Raws li tsoom fwv tau kwv yees lawm ces yuav muaj tej neeg tsiv teb tsaws chaw tuaj tsawg txog li ib nrab xyoo tom ntej no lawm.
- Brendan O'Connor uas yog tus nom tswj dej num txuj ci thiab qhia tej neeg kom paub ua hauj lwm qhia tias yuav tsis muaj tej xub ke rau tej 'teej kawm cuav' siv ntxiv lawm.
Tej teej kawm ua tsis ncaj uas pheej siv tej tub kawm pej kum haiv (tub kawm txawv teb chaws) kom lawv tau txais txiaj ntsim ntawm Australia no yuav raug ceeb toom rau lub caij uas tsoom fwv no xav los kho haiv neeg no cov migration system.
Hnub zej Teeb (Thursday), ces lub koom haum Australian Bureau of Statistics (ABS) yuav qhia txog tej xov xwm tshiab txog Australia tej pej xeem rau lub 9 hli ntuj xyoo 2023, uas pom tias muaj tej neeg txawv teb chaws tuaj coob tshaj 150,000 tus vim muaj tej tub kawm pej kum haiv rov qab tuaj kawm ntawv.
Clare O'Neil uas yog tus nom tswj lub tuam chav Home Affairs tau qhia tias tsoom fwv cov kev los txhawb nqa kom tsis txhob muaj neeg tsiv teb tsaws chaw tuaj coob yeej tseem tsis tau raug teev nrog tej xov xwm no.
Tom qab tau muaj cov kev los txheeb xyuas Australia cov kev tsiv teb tsaws chaw no lawm ces tsoom fwv teb chaws kuj tau txog tej visa rau tub kawm pej kum haiv tsawg lawm kom thiaj tsis txhob muaj cov kev ua tsis ncaj rau tub kawm pej kum haiv cov kev kawm.
"Txij lub 9 hli ntuj ces tsoom fwv teb chaws kuj tau ua rau muaj tej neeg tsiv teb tsaws chaw tuaj tsawg, li yeej tau txog cov visa rau tej tub kawm pej kum haiv tsawg txog li 35 feem pua yog piv rau tsab no lawm,'' raws li O'Neil tau qhia.
Ces tsoom fwv thiaj kwv yees tias yuav muaj tej neeg tsiv teb tsaws chaw txawv teb chaws tuaj rau Australia tsawg txog ib nrab xyoo tom ntej no lawm.
Yog li lub caij yuav so rau lub limtiam no ces tsoom fwv yuav los siv nws tej cai tshiab coj los tswj cov kev tsiv teb tsaws chaw no lawm.
Tej no yuav cuam tshuam txog cov kev hais kom tej tub kawm yuav tau xeem kom tau cov zauv paub ntawv Askiv kom zoo (siab) tshaj qub ntxiv tsis hais yog tub kawm pej kum haiv, cov graduate visas thiab cov kev xeem 'tias seb puas yog cov tub kawm tseeb' nrog thiab.
Yog li ces cov kev los txheeb tej no thiaj yuav raug siv coj los tswj tej tub kawm pej kum haiv uas yuav tuaj kawm rau teb chaws uas tsis yog tuaj kawm hos yog xav tuaj ua hauj lwm xwb.
Tsoom fwv los kuj yuav muaj fwj chim los txwv tsis pub ib co teej kawm uas xav nrhiav tej tub kawm pej kum haiv tuaj kawm yog tias 'yog tej teej kawm cuav' thiab tej 'visa factories', ces lawv yuav raug ceeb toom thiab pub sij hawm 6 hli rau lawv kho lawv tej hauj lwm no kom zoo tshaj qub ntxiv.
Yog tias lawv tsis kub siab nrog xyuas ces yuav raug txwv tsis pub tos tub kawm pej kum haiv tuaj ntxiv lawm.
Brendan O'Connor uas yog tus nom tswj cov dej num Skills and Training Minister tau hasi ces yeej yuav tsis cia muaj tej teej kawm ua tsis ncaj rau cov kev kawm no vim yuav ua rau muaj teeb meem rau tej teej kawm feem coob uas ua raws cai.
Peb kuj pom txog qhov tseem ceeb ntawm cov kev yuav tau ua tib zoo xyuas kom tsis hais tej tub kawm pej kum haiv los yog tej tub kawm ntawm teb chaws no tau txais kev nyab xeeb thiab tau txais kev tos txais zoo rau lub caij lawv tseem kawm peb tej teej kawm qib siab uas qhia tau zoo heev kom paub ua ib co hauj lwm twg. Yog li ntawd tej fwj chim uas nom tswv muab rau pawg neeg los saib xyuas tej hauj lwm no thiab raug txim rau tej neeg uas pheej tsis ua raws cai tsis uas tseem xav tias yog tej yam tsim nyog ua los sis yog ib co nyiaj peev uas coj los nqe peev ua tej lagluam no xwb.Skills and Training Minister Brendan O'Connor.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
